Jɔɔnn 19:4 - Yennu Gbounpaauŋ Mɔɔr

⁴ Ŋanne ki Pailat bia ŋamm ki daa nyii nanyer ki bet yudamm na, “Gotir man, n baat nanɔ i boor, ki yin bann nan n ki la u biiti.”

Yennu Gbouŋ Mɔɔr

⁴ Ŋanne ki Pailat bia ŋamm nyii nanyer ki bet yudamm na a, “Gotir man, n baat nanɔ i boore, a yin bann nan n ki la u biiti.”

Jɔɔnn 19:4 ပူးပေါင်းရင်းမြစ်များ

Matiu 27:19

Pailat nba daa kar buut kok paak na, ki u ŋaapoo tun toomii ki tan betɔ a “Nyint a nuu Yennu nifopeemɔ na maan ni, kimaan nyiɔk na n won la daamuk bonchiann n daamiit ni u paak.”

Matiu 27:24

Pailat nba bann nan u piak saa li kaa nyɔɔti, ki bia saa baar nan dataar mɔyêtuk na, ki u jii nyun ki wuur wuur u nii, niib na ninbina ni, ŋaan yet a “N nuu kaa jɔɔ nba kaa biit na sɔn nyinnu ni. I maame nawa!”

Matiu 27:4

ŋaan yet a “N tun biita, kimaan n fikis wunba kaa biita.” Ŋanne ki bi jiin ki boiɔ a “Ti baka mun ji be linba na ni-ii? Li ji tee a maame.”

Matiu 27:54

Ki lanjimanba yudaanɔ na, nan u lanjimanba nba pukin u paak ki bi guu Yisa na nba la nna yoonba, nan tiŋ dammu na, ki jaŋmaanii soorib bonchiann, ki bi yeen beer bi leeb a “Barmɔniie, jɔɔ na set tee Yennu Bijae.”

Barŋanii nba ki LUK din sɔb nae na 23:4

Ki Pailat yet Yennu jiantu yudamm nan nibur na, “N ki la jɔɔ na biiti.”

Barŋanii nba ki LUK din sɔb nae na 23:41

Timm ŋanin ŋan nan li tubdatu, kimaan bi jiintit pankpera nba ki ti tuu tuun na paake;”

Barŋanii nba ki LUK din sɔb nae na 23:47

Ki lanjimanba yudaanɔ nba la linba teen na, ki u pak Yennu ki yet a “Barmɔniie, jɔɔ na set tee popeendaanɔe.”

Jɔɔnn 18:33

Ki Pailat ŋmat ki kɔɔ ŋaak na ni, ŋaan yiin Yisa, ki boiɔ a “A tee Juu teeb kpanbaree?”

Jɔɔnn 18:38

Ki Pailat boiɔ a “Bee tee barmɔnii?” ŋaan ŋmat nyii nanyer Juu teeb yudamm na boor ki betib a “N ki la jɔɔ na biit ki sa biirɔ.

Jɔɔnn 19:6

Yennu jiantu yudamm nan bi toontunna nba lau na, ki bi tian tintianii, ki yaa a “Kpaamɔ dapunpunn paak! Kpaamɔ dapunpunn paak!” Ki Pailat betib a “Yimm jiimɔ man ki kpaau dapunpunn paak i mɔŋ, kimaan min ki la u biiti.”

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Hiibru teeb 7:26

Li paak, Yisae tee ti mantɔɔ nba jaŋ nan ti sommir. Ŋɔɔe tee popeendaanɔ, ki ki mɔk bisiati; u be u kɔɔe nan biitdamm, ki Yennu donnɔ ki gar Yendɔuŋ ni teeb kura.

1 Piita 1:19

ŋaan u jii Yisa Masia sɔn nba ŋan gar likirii kura; ki li tee kaman nan mannu pebik nba ki mɔk biit amii dɔk u paak nee.

1 Piita 2:22

U ki tun biit gbaa; sɔɔ bia ki mi gbat ki faak nyii u mɔb ni.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

1 Jɔɔnn 3:5

I mi nan Yisa Masia din sik baar tingbouŋ na ni a wun nyinn niib biite; ki biit kaa u ni.