Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔɔnn 18:37 - Yennu Gbounpaauŋ Mɔɔr

37 Ki Pailat boiɔ a “A set tee kpanbare ŋarimii?” Ki Yisa jiin a “Nn, fine yeen a n tee kpanbar. Bi din marin a n wann niib barmɔnii wannue. Na paake ki n baar tingbouŋ na ni; ki sɔɔ kur nba waa barmɔnii wannu maŋ gbia n maan.”

အခန်းကိုကြည့်ပါ။ ကော်ပီ

Yennu Gbouŋ Mɔɔr

37 Ki Pailat boiɔ a, “A set tee kpanbare-e?” Ki Yiisa jiin a, “Nn, fine yet a n tee kpanbar. Bi din marin a n wann niib barmɔnii wannue. Li paake ki n baar tingbouŋ na ni; ki sɔɔ kur nba waa barmɔnii wannu maŋ gbia n maan.”

အခန်းကိုကြည့်ပါ။ ကော်ပီ




Jɔɔnn 18:37
26 ပူးပေါင်းရင်းမြစ်များ  

Ki Yisa jiin a “Nn, fine yaa. Ŋaan n beerie, la nyii mɔtana ki jii saa, i tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”


Ki Yisa see tiŋ maŋ yudaanɔ Pailat tɔɔnn ni; ki Pailat boiɔ a “Fine set tee Juu teeb kpanbar na-aa?” Ki u jiinɔ a “Nn, fine yaa.”


Ki Yisa jiin a “Nn, mine na. I tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”


Ki Pailat boiɔ a “Fine set tee Juu teeb Kpanbar na-aa?” Ki Yisa jiin a “Fine yeen nna.”


Ki bi kura boiɔ, “Ki ŋann fii tee Yennu Bija-aa?” Ki u jiin ki yetib a “Nan ya kpan yaa na.”


Ki Pailat boiɔ a “Fii tee Juu teeb kpanbar na-aa?” Ki u jiin ki yet a “Nan fa kpan yaa na.”


Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.


Moses din turit Yennu sennue, ŋaan Yisa Masia ŋarin din baar nan ninbatinu ki teent ki bia want barmɔnii wannu.


Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.


ki bia jenna ki beer niib linba ki u la ki bia gbat, ŋaan sɔɔ kur kaa gaar u maami.


Wunba loon wun tun Yennu yanbɔɔtoona, ŋɔɔe sa bann linba ki n piak ki want na nan li nyii Yennu boor amii n boor.


Ki Yisa jiin betib, “Mi-i lekii piak ki want n mɔŋ poie, ŋaan ma yet linba, li tee mɔniie, kimaan min mi ma nyii siaminba, ki bia mi ma saa siaminba. Yimm ŋarin ki mi ma nyii siami. I bia ki mi ma saa siami.


Ma beeri barmɔnii nee te ki i ki teenin yada.


I ŋmee sa fit wann n biiti? Aaii, sɔɔ kaa. Ma beeri barmɔnii biaŋinba na, bee teen ki i ki teenin yada?


Wunba nyii Yennu peŋ, ŋɔɔe gbia Yennu maan; ŋaan ya ki nyii Yennu peŋ na, li paake te ki i ki gbia Yennu maan maŋi.”


N kpaana kpaaniie Yennu nba teen bonsiar kura manfoor, nan Yisa Masia tɔɔnn po; ŋɔɔe din nyinn u mɔŋ siarŋann Ponshus Pailat numm ni; n kpaana kpaaniie, a fii dia Yennu sennu fanu ki biit-ii kaa mɔkmɔk nan daar nba ki ti Yomdaanɔ Yisa Masia na tan sa dɔkit.


Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.


Tɔn, li ki tee a i ki mi wannu nba took kaa te ki n sɔbin ki teeni na, ŋaan li tee ya poŋ mi wannu maŋ na paak, ki bia mun mi nan faak wannu fɔk nan barmɔnii wannu.


Ta loon ti naa walees na, ŋannii want nan ti nyii kuun paŋ ni, ki be manfoor nba kaa gbennu ni. Ŋaan daanɔ nba ki mɔk li loonbooru, ŋɔɔ ŋarin biar be kuun paŋ nie.


Li-i tee ki ti tuun nna, ŋanne ki ti sa bann nan ti waa barmɔnii wannu, ki bia sii mɔk parcheenn Yennu boor.


Ŋaan timm ŋarin tee Yennu yabe; ki binba mi Yennu, ŋamme fiin ti maan po. Ŋaan binba ki tee Yennu yabi, bi ki fiin ti maan po. Ŋanne sa te ki ti sa bann wunba mɔk Yennu Seyeeŋ nba want barmɔnii wannu, nan wunba mɔk Sintaanii seek nba want faak wannu.


Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.


Min Jɔɔnn sɔbin gbouŋ na ki teen Masiaweira nba bɔkit ki be digbana ŋannlore, ki be Asia yent ni na. Yennu nba be, ki din be, ki bia tan sii be yoo nba kaa gbennu, ki sei ŋannlore be u naangbouŋ tɔɔnn na, nan Yisa Masia wunba mɔɔntir Yennu maan nan barmɔnii, ki tee sinsinn wunba din kpo ki fiir kuun ni ki bia tee tingbouŋ na kpanbara kur Kpanbar na, bin turi sommir nan parmaasir. U loont, ki din gaar ti paak ki kpo, ki nyinnit ti biit daabsin ni;


Ki wunba ki n lau na bia betin a n sɔb labaar na ki tur u weira nba lakin be Laodisea doo ni na malaka a “Labaar na nyii wunba sann yi Mɔnii na boore; ki u tee siara daanɔ nba tee barmɔnii daanɔ ki tee siara fanu; ki bia tee linba kur ki Yennu nann na yudaanɔ:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ