Jɔɔnn 17:3 - Yennu Gbounpaauŋ Mɔɔr

³ Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Yennu Gbouŋ Mɔɔr

³ Ki manfoor maŋe tee niib n bann fin nba tee Yennu nan barmɔnii, ki sɔɔ ji kaa; ki bia mun saa bann min Yiisa Masia nba ki a tumin na.

Jɔɔnn 17:3 ပူးပေါင်းရင်းမြစ်များ

Barŋanii nba ki MAK din sɔb nae na 9:37

“Wunba kur gaar bik na booru n sann paak, mine ki u gaarin; ki wunba gaarin, u ki gaar n kuukɔɔ kaa, ŋaan u gaar wunba tumin nee na mun biak.”

Barŋanii nba ki LUK din sɔb nae na 9:48

ŋaan betib a “Wunba gaar bik nba na n sann paak, u gaar mine; ki wunba mun sak ki gaar min, u gaar wunba tumin nee mun biak; ŋaan wunba mun tee tarik i ni, ŋɔɔe tee nijaann ki gar i kura.”

Jɔɔnn 10:36

Ŋaan min ŋarin, n Baa Yennue gannin ki tumin tingbouŋ na ni; ki ma yet yaa a n tee Yennu Bija na, nlee ki i yaa a li tee bonbilankanti?

Jɔɔnn 11:42

N mi nan yoo kur a saak n miaru, ŋaan ma yet nna na, kimaan n loon ki nibur nba be nna na-n gbat ki teen yada nan fine tumin.”

Jɔɔnn 14:26

Ŋaan ki n Baa Yennu sa tun Sommtɔɔ i boor, n sann ni. Li Sommtɔɔe tee u Seyeeŋ na; ŋɔɔe sa wanni barii kur, ki bia sa tiari linba kur ki n poŋ beti.

Jɔɔnn 17:18

Fa din tumin tingbouŋ na ni biaŋinba na, nnee ki n mun bia tumm tingbouŋ ni na.

Jɔɔnn 17:21

N bia meia ma bi kura-n taan mɔyomme. N Baa, fa be n ni, ki n mun be a ni biaŋinba na, ŋaant ki bi mun-n taan nant mɔyomm ti ni nna; ŋannii sa te ki tingbouŋ na ŋaateeb-n teen yada nan fine tumin.

Jɔɔnn 17:23

N be bi ni, ki a mun be n ni, a bin fit lian taan mɔyomm chib. Ŋannii sa te ki tingbouŋ na ŋaateeb-n bann nan fine tumin, ki bi sa bann nan a loonib kaman nan fa loon min biaŋinba na.

Jɔɔnn 17:25

N Baa, Popeendaanɔ na, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Jɔɔnn 17:8

kimaan n pakib maan nba ki a turin nawa, ki bi mun gaara, ki mɔtana bi ji bann nan n set nyii a peŋe nan mɔnii, ki bi teen yada nan fine tumin.

Jɔɔnn 3:17

kimaan Yennu nba din tun u Bija tingbouŋ na ni, u din ki tumɔ a wun tan bu tingbouŋ na niib buut ki biirib kaa, ŋaan u din yaa wun tinnibe.

Jɔɔnn 3:34

Yennu Bija nba ki u tumɔ na, wa piak maan nba na, li tee Yennu maame, kimaan Yennu tur u Bija maŋ Seyeeŋ nba yab ki kaa bikinu.

Jɔɔnn 5:44

I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada.

Jɔɔnn 6:57

“N Baa Yennu nba be nee yen manfoor, ŋaan tumin, ki u paak ki n mun mɔk manfoor maŋ ki be. Li mun bia sii tee nnee, li-i tee ki wunba ŋman n gbanant, n paak, u sii mɔk manfoor maŋ.

Jɔɔnn 7:29

Ŋaan min miu, kimaan n tuu be u boor nie, ki u tan tumin nna.”

Jɔɔnn 8:19

Ki bi boiɔ a “A Baa maŋ be lee?” Ki Yisa pak jiimm a “I ki mimi, ki tan boi n Baa. I-i bo-i mimie, i mun bia bo sii mi n Baawa.”

1 Korint teeb 15:34

Ŋaant ki i yan-n jen, ki ji daa tuun toonbiiti. I siab ki mi Yennu; ŋanne ki n sɔbin na ki yaa n dinni fei.

1 Korint teeb 8:4

Tɔn, ki jikit saa nant nba ki bi jii mann pata na; ti mi nan patir tee bont nba ki fo, ki bia mi nan Yen-yenɔkɔɔe be.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

Filipi teeb 3:10

Linba kur ki n ji loon tee ki n bann Masia, ki bann u kuun fiiru paŋ, ki di fara nanɔ, ki n binbenkperik-n gbenn kaman nan wa din kpo biaŋinba na,

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan ma bann n Yomdaanɔ Yisa Masia ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte ma n tan la Masia nan n ninbinn,

1 Tesalonika teeb 1:9

Niib na kur piak jiint ya din gaarit biaŋinba ta din foonti yoonba na, bi piak biaŋinba ki i tunn nyik pata ŋaan baar Yennu boore, a yii jiantir ŋɔɔ Yennu nba tee manfodaanɔ na,

2 Tesalonika teeb 1:8

ki tan dat binba ki sak u barŋanii ki bia ki mi Yennu na tuba;

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

2 Piita 1:2

Ya bann Yennu nan ti Yomdaanɔ Yisa na paak, ninbatinu nan parmaasir-n ŋamm pukini.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar kimaan ta miu na paak; ŋɔɔe din yiinit u yentsaakar nan u binbenŋaŋ ni.

2 Piita 1:8

I binbeŋ-i be nnaie, li sa te ki i ŋamm bann ti Yomdaanɔ Yisa Masia yoo kur, kii mɔk nyɔɔt bonchiann ki turɔ.

1 Jɔɔnn 1:2

ki u din fiit ki ti set lau, ki mɔɔntir li siara ki teeni ki jikit saa manfoor nba kaa gbennu po. Manfoor maŋe din be ti Baa Yennu peŋ, ki ti Baa maŋ jiiu ki fiitɔ ki wannit.

1 Jɔɔnn 1:3

Linba ki ti la ki bia gbate, ki ti mɔɔntir ki teeni na, a yin fit lian taan nant mɔtaauk ni. Barmɔniie setik, ti mɔtaauk ni, ti taant nan ti Baa Yennu nan u Bija Yisa Masia,

1 Jɔɔnn 2:23

Daanɔ nba yêen Yennu Bija Yisa, ti Baa Yennu ki be nanɔ, ŋaan wunba piak ki yeen a u teen yada nan Yisa tee Yennu Bijae, ti Baa Yennu be nanɔ.

1 Jɔɔnn 4:6

Ŋaan timm ŋarin tee Yennu yabe; ki binba mi Yennu, ŋamme fiin ti maan po. Ŋaan binba ki tee Yennu yabi, bi ki fiin ti maan po. Ŋanne sa te ki ti sa bann wunba mɔk Yennu Seyeeŋ nba want barmɔnii wannu, nan wunba mɔk Sintaanii seek nba want faak wannu.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.