Jɔɔnn 17:25 - Yennu Gbounpaauŋ Mɔɔr

²⁵ N Baa, Popeendaanɔ na, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Yennu Gbouŋ Mɔɔr

²⁵ N Baa, Popeendaanɔ, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Jɔɔnn 17:25 ပူးပေါင်းရင်းမြစ်များ

Matiu 11:27

“Tɔn, n Baa Yennue wannin barii kura; ki sɔɔ ki mi ma tee wunba, see n Baa maŋ; ki sɔɔ mun bia ki mi n Baa maŋi, see min, u Bija na, nan binba ki n loon ki n fiit wannib na.

Matiu 16:16

Ŋanne ki Simon Piita jiin yetɔ a “Fine tee manfodaanɔ Yennu Bija Masia, wunba ki u gannɔ na.”

Barŋanii nba ki LUK din sɔb nae na 10:22

Ki Yisa ŋamm yet a “N Baa Yennue wannin barii na kura; ki sɔɔ ki mi ma tee wunba see n Baa maŋ, ŋaan sɔɔ mun bia ki mi n Baa maŋ nba tee wunba, see min u Bija na, nan binba ki n loon ki n fiit wannib na.”

Jɔɔnn 1:18

Sɔɔ kaa ki mi la Yennu; u mɔŋ biyenn nba mantik kpiau ki bia yek nanɔ na, ŋɔɔe fiitɔ ki turit.

Jɔɔnn 15:21

Bi set sa mukisiiwa, kimaan ya tee n yab na, ki jenna, ba ki mi Yennu wunba tumin na paak.

Jɔɔnn 16:27

kimaan n Baa Yennu mɔŋ mɔŋ looni; ki wa looni maŋ paak tee nnee, kimaan ya loonin ki bia teen yada nan n nyii n Baa maŋ boore na.

Jɔɔnn 16:3

Bi tan sa tun linba na ki turiiwa, kimaan bi ki mimi, ki bia ki mi n Baa.

Jɔɔnn 16:30

Mɔtana ti ji bann nan a mi bonsiar kur, ki poŋ bia mi ti buboit ŋaan ki ti daa ki boiani. Li paake teen ki ti teen yada nan a nyii Yennu peŋe.”

Jɔɔnn 17:11

Ki mɔtana n ji baat a boor nie na; n ji kii be tingbouŋ na ni, ŋaan ŋamm ŋarin daa sa biar tingbouŋ na niwa. Tɔn, n Baa, Popeendaanɔ na, i diab fanu nan a sann ni, sann nba ki a din purin na, a bin fit lian taan yomm kaman nan min nan fin nba kpan tee yomm na.

Jɔɔnn 17:18

Fa din tumin tingbouŋ na ni biaŋinba na, nnee ki n mun bia tumm tingbouŋ ni na.

Jɔɔnn 17:21

N bia meia ma bi kura-n taan mɔyomme. N Baa, fa be n ni, ki n mun be a ni biaŋinba na, ŋaant ki bi mun-n taan nant mɔyomm ti ni nna; ŋannii sa te ki tingbouŋ na ŋaateeb-n teen yada nan fine tumin.

Jɔɔnn 17:23

N be bi ni, ki a mun be n ni, a bin fit lian taan mɔyomm chib. Ŋannii sa te ki tingbouŋ na ŋaateeb-n bann nan fine tumin, ki bi sa bann nan a loonib kaman nan fa loon min biaŋinba na.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 17:8

kimaan n pakib maan nba ki a turin nawa, ki bi mun gaara, ki mɔtana bi ji bann nan n set nyii a peŋe nan mɔnii, ki bi teen yada nan fine tumin.

Jɔɔnn 3:17

kimaan Yennu nba din tun u Bija tingbouŋ na ni, u din ki tumɔ a wun tan bu tingbouŋ na niib buut ki biirib kaa, ŋaan u din yaa wun tinnibe.

Jɔɔnn 6:19

Yoo nba ki u poorpoweiteeb kan saan kaman nan maar ŋanntaa amii ŋanna na, ki bi la Yisa somm nyun paak ki tookit burgbetir maŋ, ki jaŋmaanii ji soorib.

Jɔɔnn 7:29

Ŋaan min miu, kimaan n tuu be u boor nie, ki u tan tumin nna.”

Jɔɔnn 8:19

Ki bi boiɔ a “A Baa maŋ be lee?” Ki Yisa pak jiimm a “I ki mimi, ki tan boi n Baa. I-i bo-i mimie, i mun bia bo sii mi n Baawa.”

Jɔɔnn 8:55

I ki miu, ŋaan min ŋarin miu. Li-i bo-i tee ki n yaa a n ki miu, n bo sa teen faak daanɔ kaman nan yimm nawa. Ŋaan n miu, ki bia saak u maan.

Toona 17:23

ki ma kak ki lin i doo na, n got i pata, ki bia la binbintir ki li sɔb li paak a ‘Yennu nba ki ti ki miu.’ N loon ki n wanni wunba ki i pukii ki teenɔ ŋaan ki miu na.

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Rom Teeb 1:28

Nifosaarii nba din ki loon ki bin bann Yennu, li paake ki Yennu nyikib nan bi dudukbiit, ki bi tuun toona nba bi bonchiann.

Rom Teeb 3:11

Sɔɔ kaa ki mɔk minu, sɔɔ kaa ki loon Yennu.

Rom Teeb 3:26

ŋaan mɔtana u nyik chabit ki loon wun wann nan u set be fanu, ki bia yet a wunba teen Yisa yada na mun tee niŋanɔ ŋɔɔ Yennu tɔɔnn.

1 Korint teeb 1:21

Yennu nba mɔk yan na te ki tingbouŋ na teeb yan kan fit te ki niib-n bannɔ. Li paak, ki u te ki binba teen Yisa yada na tinn; jatii labaar nba ki ti mɔɔntir ki teen niib na paak ki bi tinn.

1 Korint teeb 15:34

Ŋaant ki i yan-n jen, ki ji daa tuun toonbiiti. I siab ki mi Yennu; ŋanne ki n sɔbin na ki yaa n dinni fei.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

2 Tesalonika teeb 1:8

ki tan dat binba ki sak u barŋanii ki bia ki mi Yennu na tuba;

Hiibru teeb 8:11

Li ji kii kpaa talas ki bi sɔɔ-n wann u lɔɔ amii ki bet u lɔɔ a ‘Fini, bant ti Yomdaanɔ,’ kimaan bi kura tan sii mi mine, binba tee nijaana nan binba tee nitarii mun.

1 Jɔɔnn 1:9

Ŋaan ti-i yɔɔ nyint ti toonbiit ki teen Yennu, tii mi nan u sii nyikit chabit ti toonbiit, ki bia yentir ti para ni biit kur, kimaan u tee barmɔnii daanɔ ki bia tee popeendaanɔ.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.

Fiitu 16:5

Li poorpo, ki n gbat malaka nba tee nyun saakɔɔ na yeen a, “Ti Yomdaanɔ, Popeendaanɔ, wunba be, ki bia tuu yɔɔ be na, a buut na bunu tee linba took sɔnue,