Jɔɔnn 17:24 - Yennu Gbounpaauŋ Mɔɔr

²⁴ “N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Yennu Gbouŋ Mɔɔr

²⁴ “N Baa, a jiib ki tur mine, ki n loon bii taŋi be maa tan sii be siaminba, ki bin la faa dont n sann biaŋinba, kimaan a din loonime, yoo nba ki a daa ki nan durinya na.

Jɔɔnn 17:24 ပူးပေါင်းရင်းမြစ်များ

Matiu 25:21

Ki u yomdaanɔ na betɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Matiu 25:23

Ki u yomdaanɔ yetɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Matiu 25:34

Ki min, Bat na, sa yet binba see n nuudiitu po na a ‘Yimm nba ki n Baa Yennu senn mɔsonŋann i paak na, i saana man ki tan kɔɔ naan nba ki Yennu din ŋamm ki guuni dunia piinu niwa na,

Matiu 26:29

N beerie, n kan mi nyu tilɔɔna nyun maŋ, see daar nba ki min nan yimm tan sa lakin nyu li bonpaann n Baa Yennu naan ni sanpaapo.”

Barŋanii nba ki LUK din sɔb nae na 12:37

Daaba nba ki bi chanbaa kpen ki lab ki bi guu u kpenu na, parpeenn tee bi yare. Barmɔniie ki n beeri na, bi chanbaa na sa te ki u daaba-n kar ki wun baar nan jeet ki turib ki bin di.

Barŋanii nba ki LUK din sɔb nae na 23:43

Ki Yisa betɔ a “Barmɔniie ki n beeri, dinna min nan fin sii be Paradais ni.” ((Bi bia yi Yendɔuŋ Paradais, ki li paak tee siaminba ki parpeenn bonchiann be.))

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Jɔɔnn 14:3

Ki mi-i kun ki sa teen i diit na siir ki gbenn, n bia sa jenna ki tan jii-i, ki i mun tan sii be siaminba ki n tan sii be na.

Jɔɔnn 15:9

“N Baa Yennu nba loonin biaŋinba na, n mun looni li biaŋe. Yii gaa n paak, ki n loomm sii be i ni.

Jɔɔnn 17:2

kimaan fine turin yikoo niib kur paak, a man fit lian tur niib kur nba ki a turin maŋ manfoor nba kaa gbennu.

Jɔɔnn 17:22

Popeenn binbeŋ nba ki a turin na, n mun turiba, ki bi sa fit lian taan mɔyomm, kaman nan min nan fin nba tee mɔyomm biaŋinba na.

Jɔɔnn 17:5

N Baa, turimin dontir a boor ni mɔtana, dontbooru nba ki n din laat, ma din be a boor ni ki a daa din ki nan dunia na.

Jɔɔnn 6:37

Ŋaan wunba kur ki n Baa Yennu jiiu ki turin, u sa baar n boor ni ki teenin yadawa. N kan mi yêt wunba baar n boor ni,

Jɔɔnn 6:39

Ŋɔɔ Yennu nba tumin na, u lomme tee a n daa boont binba ki u turin na nan yenɔ kuukɔɔwa, ŋaan tan fiimm kuun ni dunia gbennu daar.

Jɔɔnn 8:58

Ki Yisa jiin yetib a “Barmɔniie ki n beeri na, ba din tan maar Abraham na, ŋaan sɔɔ ki min ŋarin poŋ kpan be.”

1 Korint teeb 13:12

Ta mi linba mɔtana waar, ki li tee kaman nan ta sa got nyun ni ki li bɔn biaŋinba na; ŋaan ti tan sa lau yeenin ni. Ma mi linba na, li daa waar; ŋaan n tan sa mir fanu kaman nan Yennu nba min biaŋinba na.

2 Korint teeb 3:18

Li paak, chinchenn maŋ ji ki dɔɔk ti kura nunii po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naan nanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boor nie.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

2 Korint teeb 5:8

Ti mɔk parcheenn ki summan tin nyi gbanant na nie ki kun ti Yomdaanɔ boor ni.

Filipi teeb 1:23

Li bona ŋannlee nee daarin; n mantik bo loon man nyik manfosiar nba nee, ki saan kii sai be Masia boor ni, ŋanne bo sii tee linba chee ki gar.

1 Tesalonika teeb 4:17

li yoo, damm nba tan sii be bi manfoa ni na nan ŋamm tan sa chet ti Yomdaanɔ sanpaapo; ki timm nan ti Yomdaanɔ ji tan sa taan leeb ki be nan yoo nba kaa gbennu.

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent nan ta tan sii be biaŋinba. Ŋaan ta daa mi linbae na, a Yisa-i taŋŋi jeni, ti tan sa la wa set tee biaŋinba, ki li paak, ti tan sa kpint ki naan nan ŋɔɔ nee.

Fiitu 21:22

N ki la Yenjiantu diiuk doo maŋ ni; kimaan ti Yomdaanɔ Yennu wunba mɔk paŋ kur, nan Pebik na, ŋamme be leŋ ki niib jiantirib.

Fiitu 3:21

Wunba nyann nyannu na, n sa turɔ yaak ki wun tan lakin kar nanin n naangbouŋ na paak, kaman nan ma nyann nyannu kur ki lakin kar nan n Baa Yennu u naangbouŋ na paak biaŋinba na.