Jɔɔnn 17:23 - Yennu Gbounpaauŋ Mɔɔr

²³ N be bi ni, ki a mun be n ni, a bin fit lian taan mɔyomm chib. Ŋannii sa te ki tingbouŋ na ŋaateeb-n bann nan fine tumin, ki bi sa bann nan a loonib kaman nan fa loon min biaŋinba na.

Yennu Gbouŋ Mɔɔr

²³ N be bi ni, ki a mun be n ni, a bin fit lian taan mɔb chib. Ŋanne saa te ki tingbouŋ na ŋaateeb n bann nan fine tumin, ki bi saa bann nan a loonib nan faa loonin biaŋinba na.

Jɔɔnn 17:23 ပူးပေါင်းရင်းမြစ်များ

Jɔɔnn 10:38

Ŋaan li-i tee ki n tuun ŋɔɔ Yennu toona maŋie, li-i lekii tee ki i ki teenin yada, ŋaan yin teen n toona maŋ yada. Ŋannii ki i sa bann nan barmɔnii nan n Baa Yennu be n ni, ki n mun bia be u ni.”

Jɔɔnn 13:35

Li-i tee ki i loon i leeb, sɔɔ kur sa bann nan i tee n poorpoweiteebe.”

Jɔɔnn 14:10

N be n Baa nie, ki n Baa mun be n ni; i ki teen linba na yada-aa? Maan nba ki n pak ki turi na, li ki nyii n ni kaa, ŋaan li nyii n Baa Yennu boore. Ŋɔɔe be n ni ki tuun u toona maŋ.

Jɔɔnn 14:23

Ki Yisa jiin betɔ a “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu sa baar u boor ki sii yɔɔ be u ni.

Jɔɔnn 15:9

“N Baa Yennu nba loonin biaŋinba na, n mun looni li biaŋe. Yii gaa n paak, ki n loomm sii be i ni.

Jɔɔnn 16:27

kimaan n Baa Yennu mɔŋ mɔŋ looni; ki wa looni maŋ paak tee nnee, kimaan ya loonin ki bia teen yada nan n nyii n Baa maŋ boore na.

Jɔɔnn 17:11

Ki mɔtana n ji baat a boor nie na; n ji kii be tingbouŋ na ni, ŋaan ŋamm ŋarin daa sa biar tingbouŋ na niwa. Tɔn, n Baa, Popeendaanɔ na, i diab fanu nan a sann ni, sann nba ki a din purin na, a bin fit lian taan yomm kaman nan min nan fin nba kpan tee yomm na.

Jɔɔnn 17:21

N bia meia ma bi kura-n taan mɔyomme. N Baa, fa be n ni, ki n mun be a ni biaŋinba na, ŋaant ki bi mun-n taan nant mɔyomm ti ni nna; ŋannii sa te ki tingbouŋ na ŋaateeb-n teen yada nan fine tumin.

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Jɔɔnn 17:26

N fiit a binbeŋ ki wanniba, ki bia sii ŋammit ki fiitir a binbeŋ ki wantib, ki jenna, loomm nba ki a loonin na, ki bin fit lian gaar, ki n mun sii fit lian be bi ni.”

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 17:8

kimaan n pakib maan nba ki a turin nawa, ki bi mun gaara, ki mɔtana bi ji bann nan n set nyii a peŋe nan mɔnii, ki bi teen yada nan fine tumin.

Jɔɔnn 3:17

kimaan Yennu nba din tun u Bija tingbouŋ na ni, u din ki tumɔ a wun tan bu tingbouŋ na niib buut ki biirib kaa, ŋaan u din yaa wun tinnibe.

Jɔɔnn 6:56

ki daanɔ nba ŋman n gbanant, ki bia nyuu n sɔn, ŋɔɔe be n ni, ki n mun be u ni.

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Galasia teeb 3:28

Li paak, bɔkitu ji ki be binba tee Juu teeb nan binba ki tee Juu teeb sinsuuk ni, li bia ki be binba tee daaba nan yentinmɔŋ damm sinsuuk ni, li ki be poob nan jab sinsuuk ni; ya be Yisa Masia ni na paake te ki i kura tee yenɔkɔɔ.

Filipi teeb 3:15

Li kpaa talase ki timm nba kur tee subirteeb Seyeeŋ ni na-ii mɔk dudukit maŋ booru, ŋaan i siab-i mɔk dudukgantie, Yennu sa te lin yent li damm nunii powa.

Kolosa teeb 1:28

Li paak, Masia maŋ poe ki ti mɔɔntir, ki kpaan sɔɔ kura, ki want sɔɔ kur nan yan booru kur, a tin te sɔɔ kur-n chee nan Masia weiu, ki jiib wann Yennu.

Kolosa teeb 2:2

N yaa bi para-n chee, ki bin lakin taan leeb nan loomm, ki bann Yisa barii paak, ki teenɔ yada nan barmɔnii, ki daa mɔk birsuku, ki bann Yennu woonin ni labaar maŋ, linba tee Masia po;

Kolosa teeb 3:14

Yi pukin loomm; ŋanne fan ki gar binbeŋ kur, ki taan dia li kura nan barmɔnii mɔtaauk.

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.

1 Jɔɔnn 1:3

Linba ki ti la ki bia gbate, ki ti mɔɔntir ki teeni na, a yin fit lian taan nant mɔtaauk ni. Barmɔniie setik, ti mɔtaauk ni, ti taant nan ti Baa Yennu nan u Bija Yisa Masia,

1 Jɔɔnn 3:1

Lek gotir man loonbooru nba ki ti Baa Yennu mantik loont na. U loomm maŋ mantik ji sa yabite, ki u jiit ki teenit u waas, ki ti set mun tee u waase. Ŋaan tingbouŋ na ŋaateeb ki mi ta tee niboorsiab nba, kimaan bi ki mi Yennu.

1 Jɔɔnn 4:19

Yennue sint loonit; ŋanne teen ki ti mun mɔk loomm.

Fiitu 3:9

Nnara, binba tee Sintaanii niib, faidamm nba yaa a bi tee Juu teeb ŋaan ki ki tee na, n sa te ki bin baar ki tan gbaan i tɔɔnn po ki bann nan n set looni.