Jɔɔnn 16:30 - Yennu Gbounpaauŋ Mɔɔr

³⁰ Mɔtana ti ji bann nan a mi bonsiar kur, ki poŋ bia mi ti buboit ŋaan ki ti daa ki boiani. Li paake teen ki ti teen yada nan a nyii Yennu peŋe.”

Yennu Gbouŋ Mɔɔr

³⁰ Mɔtana ti ji bann nan a mi bonsiar kur, ki poŋ bia mi ti buboit ŋaan ki ti daa ki boia. Li paake ki ti teen yada nan a nyii Yennu peŋe.”

Jɔɔnn 16:30 ပူးပေါင်းရင်းမြစ်များ

Jɔɔnn 16:17

Ki u poorpoweitesiab boi bi leeb a “Linba na paak tee bee? Ki u yaa a li-i yann waaminna, a ti kan lau, a ŋaan li-i biakii yann waaminna, a ti sa lauwa. Ki u bia yaa a kimaan u saa u Baa peŋe.

Jɔɔnn 16:23

“Li yoo-i taŋŋi baar, i tan kan boin buboiti, kimaan i tan sii mi li paak. Barmɔniie ki n beeri na, linba kur ki i mei n Baa Yennu nan n sann ni, u sa turiiwa.

Jɔɔnn 16:26

Ŋaan li yoo-i taŋŋi baar, i tuu sii meiɔ nan n sann ni. Li bia tan kan kpaa talasi nan ki n gaar i paak ki miarɔ ki turiini,

Jɔɔnn 16:31

Ki Yisa boib a “I ji teenin yada mɔtanawa-aa?

Jɔɔnn 17:8

kimaan n pakib maan nba ki a turin nawa, ki bi mun gaara, ki mɔtana bi ji bann nan n set nyii a peŋe nan mɔnii, ki bi teen yada nan fine tumin.

Jɔɔnn 2:11

Tɔn, Yisa nba din tun toonjaann maŋ Kana nba be Galilee tiŋ ni na, ŋannii din tee u sinsinn nyinn, ki li wann niib wa mɔk Yennu paŋ biaŋinba; ki u poorpoweiteeb na teenɔ yada.

Jɔɔnn 21:17

Ki taar munntaa ni biak ki Yisa boiɔ “Simon, wunba tee Jɔɔnn bik, a loonimii?” Ki Piita par ni ji biir, kimaan Yisa nba boiɔ taar munntaa ni a “A loonimii?” na. Ki u yetɔ a “N Yomdaanɔ, a mi bonsiar kur. A mi nan n loona.” Ki Yisa betɔ “I dint n pei.

Jɔɔnn 5:20

kimaan n Baa maŋ loonin, ma tee u Bija na, ki u wantin linba kur ki u mɔŋ mɔŋ tuun. Ki bia jenna, u bia sa wannin toonjaana mii tuun, ki lin gar biaŋinba ki n te ki jɔɔ na paak gbaa, ki li sa teeni bakitnauŋ.

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.

Hiibru teeb 4:13

Ki bonnankar kur dɔɔ yeenin ni, ki Yennu wunba tan sa bu bi buut na ninbina laatib; ki bonsiar kaa ki bɔri.