Jɔɔnn 16:28 - Yennu Gbounpaauŋ Mɔɔr

²⁸ N din nyii n Baa maŋ peŋe ki sik tingbouŋ na ni, ki mɔtana n ji nyikit tingbouŋ maŋe na, ŋaan ŋmat u peŋ.”

Yennu Gbouŋ Mɔɔr

²⁸ N din nyii n Baa maŋ peŋe ki baar tingbouŋ na ni, ki mɔtana n ji nyikit tingbouŋ maŋe na, ŋaan ŋmat u peŋ.”

Jɔɔnn 16:28 ပူးပေါင်းရင်းမြစ်များ

Barŋanii nba ki LUK din sɔb nae na 24:51

Wa senn mɔsonŋann na yoonba na, ki u yaat ki nyikib ŋaan doo Yendɔuŋ ni.

Barŋanii nba ki LUK din sɔb nae na 9:51

Tɔn, yoo nba ki li din tan per nan Yisa-n do Yendɔuŋ ni, ki u din tan faa par ki soor sɔnu a wun saan Jerusalem,

Jɔɔnn 13:1

Yoo nba ki yukitgar tiaru jaamm daa ki piin na, ki Yisa din mi nan yoo nee ki u sa nyi tingbouŋ na ni, ki ŋmat u Baa peŋ. U din loon u tiauŋ poorpoweiteeb nba be tingbouŋ na ni, ki ji yaa wun wannib biaŋinba ki u mantik loomm.

Jɔɔnn 13:3

Ŋaan Yisa ŋarin din mi nan u Baa Yennu turɔ bont kur u nuu niwa, ki bia din mi nan u nyii u Baa Yennu peŋe, ki bia sa ŋmat u peŋa.

Jɔɔnn 14:28

I poŋ gbat ki n yeti a ‘N nyikitie, ŋaan n bia sa jen i boor ni na.’ Ki li-i tee ki i loonimie, i sii mɔk parpeenn nan ma saa n Baa Yennu boor ni na, kimaan u cheen.

Jɔɔnn 16:10

Ki jenna, u sa wannib yentinu nba tee biaŋinba, kimaan n sa saan n Baa Yennu boor, ki bi ji kan lami.

Jɔɔnn 16:16

“Li-i yann waaminna i ji kan lami, ŋaan li-i biakii yann waaminna, i bia sa lama.”

Jɔɔnn 16:30

Mɔtana ti ji bann nan a mi bonsiar kur, ki poŋ bia mi ti buboit ŋaan ki ti daa ki boiani. Li paake teen ki ti teen yada nan a nyii Yennu peŋe.”

Jɔɔnn 16:5

Ŋaan mɔtana n saa Yennu wunba tumin na peŋe. Ŋaan i sɔɔ ki boin ki laan n saa lee.

Jɔɔnn 17:11

Ki mɔtana n ji baat a boor nie na; n ji kii be tingbouŋ na ni, ŋaan ŋamm ŋarin daa sa biar tingbouŋ na niwa. Tɔn, n Baa, Popeendaanɔ na, i diab fanu nan a sann ni, sann nba ki a din purin na, a bin fit lian taan yomm kaman nan min nan fin nba kpan tee yomm na.

Jɔɔnn 17:13

Ki mɔtana n baat a peŋe; ki ma daa be tingbouŋ na ni na, n piak linba na ki teemm, a bin fit lian la n parpeenn na booru ki saa yakir.

Jɔɔnn 17:5

N Baa, turimin dontir a boor ni mɔtana, dontbooru nba ki n din laat, ma din be a boor ni ki a daa din ki nan dunia na.

Jɔɔnn 8:14

Ki Yisa jiin betib, “Mi-i lekii piak ki want n mɔŋ poie, ŋaan ma yet linba, li tee mɔniie, kimaan min mi ma nyii siaminba, ki bia mi ma saa siaminba. Yimm ŋarin ki mi ma nyii siami. I bia ki mi ma saa siami.

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.