Jɔɔnn 16:27 - Yennu Gbounpaauŋ Mɔɔr

²⁷ kimaan n Baa Yennu mɔŋ mɔŋ looni; ki wa looni maŋ paak tee nnee, kimaan ya loonin ki bia teen yada nan n nyii n Baa maŋ boore na.

Yennu Gbouŋ Mɔɔr

²⁷ kimaan n Baa Yennu mɔŋ mɔŋ looni; waa looni linba paak tee nnae, kimaan yaa loonin ki bia teen yada nan n nyii n Baa maŋ boore na.

Jɔɔnn 16:27 ပူးပေါင်းရင်းမြစ်များ

Matiu 10:37

“Wunba loon u naa amii u baa ki garin, u ki ŋan nan wun teen n poorpoweitɔɔ; wunba mun bia loon u bija amii u bipoo ki garin, u ki ŋan nan wun teen n poorpoweitɔɔ.

Jɔɔnn 14:21

“Daanɔ nba bant n sennii ki bia saakir, li daanɔe loonin. N Baa Yennu sii loon ŋɔɔe, ki n mun sii loonɔ, ki sa fiit n mɔŋ ki wannɔ ma tee wunba.”

Jɔɔnn 14:23

Ki Yisa jiin betɔ a “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu sa baar u boor ki sii yɔɔ be u ni.

Jɔɔnn 16:30

Mɔtana ti ji bann nan a mi bonsiar kur, ki poŋ bia mi ti buboit ŋaan ki ti daa ki boiani. Li paake teen ki ti teen yada nan a nyii Yennu peŋe.”

Jɔɔnn 17:23

N be bi ni, ki a mun be n ni, a bin fit lian taan mɔyomm chib. Ŋannii sa te ki tingbouŋ na ŋaateeb-n bann nan fine tumin, ki bi sa bann nan a loonib kaman nan fa loon min biaŋinba na.

Jɔɔnn 2:11

Tɔn, Yisa nba din tun toonjaann maŋ Kana nba be Galilee tiŋ ni na, ŋannii din tee u sinsinn nyinn, ki li wann niib wa mɔk Yennu paŋ biaŋinba; ki u poorpoweiteeb na teenɔ yada.

Jɔɔnn 3:13

Sɔɔ kaa ki doo Yendɔuŋ ni see min nisaarik Bik nba nyii Yendɔuŋ ni na.”

Jɔɔnn 7:29

Ŋaan min miu, kimaan n tuu be u boor nie, ki u tan tumin nna.”

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.

Rom Teeb 8:3

Yennue tun u mɔŋ Bija tingbouŋ na ni, a wun gaar gbanant nba naan nan timm biitdamm gbanant na, ki tan gaar ti paak ki kpo ti biit paak. Ki u kuun maŋ paak, Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

1 Korint teeb 15:47

Sinsinn nirɔ na din nyii tant nie, ki nirɔ nba wei na nyii Yendɔuŋ ni.

1 Korint teeb 16:22

Wunba kur ki loon ti Yomdaanɔ, mɔpor-ii be u paak. Maranata; li paak tee “Ti Yomdaanɔ, baat.”

2 Korint teeb 5:14

Masia loommu diat; ta ji bann nan ŋɔɔ niyenɔkɔɔe din gaar sɔɔ kur paak ki kpo na, li want nan sɔɔ kur din kpo nanɔe.

Galasia teeb 4:4

Ŋaan yoo nba din tan jaŋ na, ki Yennu tun u mɔŋ mɔŋ Bija, ki poo din marɔ, ki u din be Juu teeb sennu ni,

Efesus teeb 6:24

Yennu-n somm binba kur loon ti Yomdaanɔ Yisa Masia nan loomm nba kaa gbennu na.

1 Timoti 1:15

Ki ŋɔɔ Yisa Masia din baar tingbouŋ na ni, a wun tan tinn biitdamme; labaar maŋ tee barmɔniie ki ŋan ki ti gaarir ki teenn yada; ki mine din bi ki gar biitdamm kura,

Hiibru teeb 12:6

kimaan ti Yomdaanɔ kpaan wunba ki u loonɔe, ki wa gaar wunba ki teenɔ u bik na, li yɔɔe ki u daar u tubir.”

1 Piita 1:8

I ki mi lau ŋaan loonɔ; i bia ki laatɔ mɔtana, ŋaan teenɔ yada ki mɔk parpeenn bonchiann nba ki nirɔ kan fit yet li manu nba tee biaŋinba.

1 Jɔɔnn 4:19

Yennue sint loonit; ŋanne teen ki ti mun mɔk loomm.

Fiitu 3:19

Binba kur ki n loomm na, n kpaamm kpaanii ki daar bi tuba. Li paak, nyikin man i biit, ki daa jerimi.

Fiitu 3:9

Nnara, binba tee Sintaanii niib, faidamm nba yaa a bi tee Juu teeb ŋaan ki ki tee na, n sa te ki bin baar ki tan gbaan i tɔɔnn po ki bann nan n set looni.