Jɔɔnn 16:17 - Yennu Gbounpaauŋ Mɔɔr

¹⁷ Ki u poorpoweitesiab boi bi leeb a “Linba na paak tee bee? Ki u yaa a li-i yann waaminna, a ti kan lau, a ŋaan li-i biakii yann waaminna, a ti sa lauwa. Ki u bia yaa a kimaan u saa u Baa peŋe.

Yennu Gbouŋ Mɔɔr

¹⁷ Ki u poorpoweitesiab boi bi leeb a, “Linba na paak tee bee? U yaa li-i yann waaminna, ti kan lau, a ŋaan li-i biaki yann waaminna, ti saa lauwa, ki bia yaa, kimaan u saa u Baa peŋe.

Jɔɔnn 16:17 ပူးပေါင်းရင်းမြစ်များ

Barŋanii nba ki MAK din sɔb nae na 9:10

Ki bi sak u kpaanii maŋ, ki dia labaar maŋ bi sinsuuk ni; bi bia boi bi leeb a “ ‘Kuun fiiru’ na paak tee bee?”

Barŋanii nba ki MAK din sɔb nae na 9:32

Ki u poorpoweiteeb maŋ din ki bann barii maŋ paaki, ŋaan mun tiin jaŋmaanii nan bin boiɔ.

Barŋanii nba ki LUK din sɔb nae na 18:34

Ŋaan u poorpoweiteeb na din ki bann barii na paaki, kimaan Yennu dɔkin bi yama. Ŋanne din te ki bi ki bann linba ki u piak na paaki.

Barŋanii nba ki LUK din sɔb nae na 9:45

Ŋaan bi lek din ki bann li paaki, kimaan Yennu din dɔkin bi yame a bi daa banti; ki bi bia tiin jaŋmaanii nan bin boiɔ li maan paak.

Jɔɔnn 12:16

Ki u poorpoweiteeb din daa ki bann linba na paak li yoo maŋi. Ŋaan Yennu nba din tan donn Yisa sanpaapo na, ŋanne ki bi ji din tiar nan linba na sɔb Yennu gbouŋ ni ki jikit saa u po na, ki bia tiar nan niib na mun set din teenɔ nnae.

Jɔɔnn 14:22

Ki Judas, (wunba ki tee Judas Iskariot na) boiɔ a “N Yomdaanɔ, bee teen ki a sa fiit a mɔŋ ki wannit, ŋaan kan fiit a mɔŋ ki tur tingbouŋ na ŋaateebi?”

Jɔɔnn 14:5

Ki Tomas boiɔ, “N Yomdaanɔ, ti ki mi fa saa siami. Nlee ki ti sa bann sɔnu nba ki ti sa saan leŋi?”

Jɔɔnn 16:1

“N poŋ mi paki muksuk na poewa a i tan daa nyikit n weiu.

Jɔɔnn 16:16

“Li-i yann waaminna i ji kan lami, ŋaan li-i biakii yann waaminna, i bia sa lama.”

Jɔɔnn 16:18

‘Li-i yann waaminna’ paak tee bee? Ti ki mi wa piak linba na paaki.”

Jɔɔnn 16:19

Ki Yisa bann nan bi yaa bin boiɔ buboite. Li paake te ki u boib a “Ma yaa a li-i yann waaminna i kan lami, ki bia yaa a li-i bia yann waaminna i sa lama na, i boi i leebe a i bann li paakii?

Jɔɔnn 16:5

Ŋaan mɔtana n saa Yennu wunba tumin na peŋe. Ŋaan i sɔɔ ki boin ki laan n saa lee.