Jɔɔnn 16:14 - Yennu Gbounpaauŋ Mɔɔr

¹⁴ Ki jenna, u bia tan sii dont n sann kimaan u tan sii jikit n labaare ki fiitir ki wanti.

Yennu Gbouŋ Mɔɔr

¹⁴ Ki jenna, u bia tan sii dont n sann, kimaan u tan sii jikit n labaare ki fiitir ki wanti.

Jɔɔnn 16:14 ပူးပေါင်းရင်းမြစ်များ

Jɔɔnn 14:21

“Daanɔ nba bant n sennii ki bia saakir, li daanɔe loonin. N Baa Yennu sii loon ŋɔɔe, ki n mun sii loonɔ, ki sa fiit n mɔŋ ki wannɔ ma tee wunba.”

Jɔɔnn 15:26

“Tɔn, n sa tun Sommtɔɔ i peŋ, wunba tee Yennu Seyeeŋ ki want barmɔnii wannu na. U sa nyi n Baa Yennu boore ki baar i peŋ; ki u baaru maŋ ni, u sii piaki n po.

Jɔɔnn 7:39

Yisa nba din piak na, li din want Yennu Seyeeŋ poe; ki binba din tee Yisa yada na din yaa bin tan la Seyeeŋ maŋ. Li yoo na dinn, Yennu daa din ki tur niib Seyeeŋ maŋi, kimaan u daa din ki donn Yisa sanpaapo.

1 Korint teeb 12:3

N loon ki yin bann nan Yennu Seyeeŋ na-i be wunba ni, li daanɔ kan fit yet mɔb ki biir Yisa; sɔɔ mun kan fit yet a Yisae tee ti Yomdaanɔ, see ki Yennu Seyeeŋ na be u ni ki te ki u yet nna.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

Galasia teeb 5:5

Ŋaan timm teen Masia yada, ki u Seyeeŋ mun be ti ni; li paak, ti mɔk dindann ki guu yoo nba ki Yennu sa yet a ti tee niŋamm u boor.

1 Piita 2:7

Yimm nba teenɔ yada na mi nan u ŋan bonchiann ki turi; ŋaan binba ki teenɔ yada, bii mi nan li sɔb Yennu gbouŋ ni a “Tann nba ki tanmaara yêtɔ na, ŋanne set tee lɔtik ni tanŋann.”

1 Jɔɔnn 3:23

Ki nee tee u sennu maŋ, a ti teen u Bija Yisa Masia yada kii loon ti leeb kaman nan wa din sennit sennu biaŋinba na.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

1 Jɔɔnn 5:6

Ŋɔɔ Yisa Masiae tee wunba din baar nan nyun nan sɔn; u din ki baar nan nyun kuukɔɔ kaa, ŋaan u din baar nan sɔn mun biak. Ki Yennu Seyeeŋ tee siaradaanɔ, kimaan Seyeeŋ na tee barmɔnii daanɔ.

Fiitu 19:10

Li yoo ki n gbaan u tɔɔnn a n jiantɔ. Ki u yetin a n daa tee nna kaa, a u tee min nan n naa waas nba dia Yisa barŋanii na toontunlɔɔe, a n jiant Yennue. Yennu sɔkiniinba nba sɔkint ki yeen na, bi piak Yisa poe.