Jɔɔnn 16:13 - Yennu Gbounpaauŋ Mɔɔr

¹³ Yennu Seyeeŋ nba want barmɔnii na, u-i taŋŋi baar yoonba, u sa wanni barmɔnii kur wannua. U tan kii piak nan u mɔŋ mɔŋ maan kaa, ŋaan u tan sii wanti linba ki u gbia Yennu boore, ki bia sii beeri linba tan sa teen na.

Yennu Gbouŋ Mɔɔr

¹³ Yennu Seyeeŋ nba want barmɔnii na, wuu taŋi baar yoo nba, u saa wanni barmɔnii kura. U tan kii piak u mɔŋ mɔŋ maan kaa, ŋaan u tan sii wanti linba ki u gbia Yennu boore, ki bia sii beeri linba tan saa teene.

Jɔɔnn 16:13 ပူးပေါင်းရင်းမြစ်များ

Jɔɔnn 12:49

Ki bia jenna, maan nba ki n pak na, li ki tee n tiauŋ maan kaa, ŋaan ma pak linba maŋ, li tee n Baa Yennu wunba tumin nee betin a mii want.

Jɔɔnn 14:17

Ki tingbouŋ na ŋaateeb kan fit gaarɔ, kimaan bi ki miu, ki bia ki mi nan u be. Ŋaan yimm ŋarin miu, kimaan u be nani, ki bia sii yɔɔ be i ni.

Jɔɔnn 14:26

Ŋaan ki n Baa Yennu sa tun Sommtɔɔ i boor, n sann ni. Li Sommtɔɔe tee u Seyeeŋ na; ŋɔɔe sa wanni barii kur, ki bia sa tiari linba kur ki n poŋ beti.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 15:26

“Tɔn, n sa tun Sommtɔɔ i peŋ, wunba tee Yennu Seyeeŋ ki want barmɔnii wannu na. U sa nyi n Baa Yennu boore ki baar i peŋ; ki u baaru maŋ ni, u sii piaki n po.

Jɔɔnn 16:12

“Maan be bonchiann ki n bo sa paki, ŋaan i kan fit gaar mɔtana.

Jɔɔnn 3:32

ki bia jenna ki beer niib linba ki u la ki bia gbat, ŋaan sɔɔ kur kaa gaar u maami.

Jɔɔnn 8:38

Ma tuu be n Baa peŋ ki laat linba, ŋanne ki n piak, ŋaan yimm tuun linba ki i baa beti a yii tuun nee.”

Toona 11:28

Bi yenɔ sann din yi Agabus, ki Yennu Seyeeŋ nie ki u din fiir ki set ki bunt buntir, ki yet a kon bonchiann tan sa baa tingbouŋ na kur po; ki kon maŋ din set tan baa yoo nba ki Klɔdius din tee kpanbara yudaanɔ na.

Toona 20:23

Ŋaan ma lin doo kur na ni, Yennu Seyeeŋe tuu wantin nan nunmɔnn a dansarik nan fara tan sii tee n yare Jerusalem.

Toona 27:24

ki tan betin a ‘Pɔɔl, daa tiin jaŋmaanii. See ki bi tan jiia ki saan nana kpanbara yudaanɔ Siisa na peŋ. A paak, ki Yennu yaa wun tinn niib kur nba be nana ŋaruŋ na ni.’

2 Tesalonika teeb 2:12

Yennu tan sa biir binba ki teen barmɔnii maŋ yada ŋaan loon toonbiit tumu na.

2 Tesalonika teeb 2:3

I daa te ki sɔɔ kpanni gbaa, kimaan li daar kan baar see ki mɔyêtuk yoo baar sinsinn, yoo nba ki niib bonchiann tan sa yêt Yennu mɔb na; ki nifobiiuk bia tan sa nyi paanuwa; ki Yennu poŋ sennɔ a u sa biirɔ.

Hiibru teeb 1:1

Yaayoo ni, ki Yennu din jikit yoo bonchiann nan sɔnii bonchiann ki te ki sɔkiniinba piak teen timm Juu teeb yejamm;

1 Jɔɔnn 2:20

Yisa Masia, popeendaanɔ nee, sikin u Seyeeŋ i paak, ki u te ki i kur mi wannu nba took.

1 Jɔɔnn 2:27

ŋaan yimm ŋarin, Yisa sikin u Seyeeŋ maŋ i paaka. Seyeeŋ maŋ nba biar be i ni na, i ji kii loon ki sɔɔ-n wanniini, kimaan Seyeeŋ maŋ mɔŋe wanti bont kura, ki u wannu maŋe tee barmɔnii wannu, ki li ki tee faak wannu kaa. Li paak, yii gaa Yisa paak man kaman nan Seyeeŋ maŋ nba wanti biaŋinba na.

1 Jɔɔnn 4:6

Ŋaan timm ŋarin tee Yennu yabe; ki binba mi Yennu, ŋamme fiin ti maan po. Ŋaan binba ki tee Yennu yabi, bi ki fiin ti maan po. Ŋanne sa te ki ti sa bann wunba mɔk Yennu Seyeeŋ nba want barmɔnii wannu, nan wunba mɔk Sintaanii seek nba want faak wannu.

1 Jɔɔnn 5:6

Ŋɔɔ Yisa Masiae tee wunba din baar nan nyun nan sɔn; u din ki baar nan nyun kuukɔɔ kaa, ŋaan u din baar nan sɔn mun biak. Ki Yennu Seyeeŋ tee siaradaanɔ, kimaan Seyeeŋ na tee barmɔnii daanɔ.

Fiitu 1:1

Maan nba ki Yisa Masia din fiit na sɔb gbouŋ na nie. Yennu din turɔ maan maŋ a wun wann u toontunna linba sa teen mɔtana. Masia din tun u malaka u toontunnɔ Jɔɔnn boor ni, a wun betɔ maan maŋ kur.

Fiitu 1:19

a li paak a sɔb linba ki a la mɔtana, nan linba be mɔtana, nan linba tan sa tun yoonbawa;