Jɔɔnn 16:11 - Yennu Gbounpaauŋ Mɔɔr

¹¹ Ki bia jenna, u sa wannib Yennu barbuut nba tan sii tee biaŋinba, kimaan u poŋ bu tingbouŋ na teeb yudaanɔ Sintaanii buut ki biirɔwa.

Yennu Gbouŋ Mɔɔr

¹¹ Ki bia jenna, u saa wannib Yennu barbuut nba tan sii tee biaŋinba, kimaan u poŋ bu tingbouŋ na teeb yudaanɔ Sintaanii buut ki biirɔwa.

Jɔɔnn 16:11 ပူးပေါင်းရင်းမြစ်များ

Matiu 12:18

“Gotir, ma gann n bik nbae na ŋɔɔe ki n mantik loonɔ na; n numm mantik gboouwa. N sa jii n Seyeeŋ ki teen u ni. U tan sa mɔɔnt buut bunu nba took ki tur binba ki tee Juu teebi.

Matiu 12:36

“N beerie na, barbunu daar, Yennu tan sa bu niib buut nan ba din piak baryana kur nba na paak,

Barŋanii nba ki LUK din sɔb nae na 10:18

Ki u betib a “N la ki Sintaanii nyii sanpaapo ki tan baa kaman nan sanyikintii na.

Jɔɔnn 12:31

Yoo nba ki Yennu yaa wun tan bu tingbouŋ na ŋaateeb buut na, li yoo baat; ki u bia sa biir tingbouŋ na yudaanɔ Sintaanii paŋ.

Jɔɔnn 14:30

N kan pak nani ki yukiri, kimaan tingbouŋ na yudaanɔ Sintaanii baat, ŋaan u ki mɔk n yaaki.

Jɔɔnn 16:12

“Maan be bonchiann ki n bo sa paki, ŋaan i kan fit gaar mɔtana.

Toona 10:42

Ki u chabit mɔb a tii mɔɔntir kii teen niib Yennu barŋanii, a kii beerib nan nunmɔnn a Yisae tee daanɔ nba ki Yennu nyinn sennɔ a wuu tee footib nan kpeemm barbuurɔ.

Toona 24:25

Tɔn, Pɔɔl nba piak ki want yentinu nan mɔŋdianu nan buut daar baaru po yoonba, ki jaŋmaanii ji soor Fiiliks, ki u yet a “Mɔtana, i daa kii saa, ŋaan li-i tee ki n la yaak, n bia sa ŋamm yiina.”

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Rom Teeb 16:20

Li kan yukir ki Yennu nba teent parmaasir na sa te ki yin fiir ŋmaa Sintaanii yur paak. Ti Yomdaanɔ Yisa Masia-n sommi.

Rom Teeb 2:16

Tɔn, li tan sii tee nnee daar maŋ daar nba ki Yennu tan sa bu niib kur para ni buut Yisa Masia paak, kaman nan ma mɔɔntir barŋanii maŋ biaŋinba na.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

Efesus teeb 2:2

I din waa tingbouŋ na narinbiit sɔnue ki sak tingbouŋ na bat Sintaanii nba dia niib nba ki saak Yennu mɔb na.

Kolosa teeb 2:15

Dapunpunn maŋ paake, ki Masia din biir Sintaanii nan narinbiit paŋ kura, ki din nyinn wa din nyannib biaŋinba na siara paanu ni.

Hiibru teeb 2:14

Tɔn, Yennu waas nba tee nisaarii na paak, Yisa mun din tee nisaarike kaman nan ŋamm na, a u kuun ni wun tan biir Sintaanii nba mɔk kuun paŋ na,

Hiibru teeb 6:2

ki bia wanni Yennu nyunwuru po, nan niiyiinu niib paak, nan kpeemm fiiru po, nan tubdatu nba kaa gbennu na po.

Hiibru teeb 9:27

Yennu senn a see ki nirɔ kur-n kpo yomkɔɔ, ki li poorpo Yennu-n bu u buut.

2 Piita 3:7

Ŋaan ŋɔɔ Yennu mɔmaame bia lek sii dia sanpaak nan tiŋ nba be mɔtana na mɔkmɔk nan yoo nba ki u tan sa te ki li kura-n di muu, ki biir biitdamm, kimaan li daar u tan sa bu bi buut ki biirib.

1 Jɔɔnn 3:8

Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Ŋaan ki Yennu Bija Yisa sik baar a wun biir Sintaanii toona.

Fiitu 1:7

Gotir man, ŋɔɔe be sanpagbant ni ki baat na. Sɔɔ kur ninbina tan sa lau, nan binba din ŋmu-u na gbaa. Yoo nba ki u tan sii baat na, tingbouŋ na niib kur tan sa bui u paak. Mɔmɔmm, li sa teen nnawa.