Jɔɔnn 16:10 - Yennu Gbounpaauŋ Mɔɔr

¹⁰ Ki jenna, u sa wannib yentinu nba tee biaŋinba, kimaan n sa saan n Baa Yennu boor, ki bi ji kan lami.

Yennu Gbouŋ Mɔɔr

¹⁰ Ki jenna, u saa wannib yentinu nba tee biaŋinba, kimaan n saa saan n Baa Yennu boor, ki i ji kan lami.

Jɔɔnn 16:10 ပူးပေါင်းရင်းမြစ်များ

Jɔɔnn 16:28

N din nyii n Baa maŋ peŋe ki sik tingbouŋ na ni, ki mɔtana n ji nyikit tingbouŋ maŋe na, ŋaan ŋmat u peŋ.”

Jɔɔnn 16:5

Ŋaan mɔtana n saa Yennu wunba tumin na peŋe. Ŋaan i sɔɔ ki boin ki laan n saa lee.

Jɔɔnn 3:14

Moses nba din jii kut waauk ki finnɔ daauk paak ki donnɔ muuk ni, li mun bia tee nnee ki bi tan sa jii nisaarik Bik na, ki donnɔ sanpaapo,

Jɔɔnn 5:32

Ŋaan sɔɔe bewa ki piak want niib ma tee wunba. Ŋɔɔe tee Yennu; ki n mi nan wa piak n po maŋ, li tee barmɔniie.

Jɔɔnn 7:33

Ŋaan ki Yisa din bet nibur na a “N sii be nani yoo waaminne, ki li poorpo ki n ŋmat ki saan wunba tumin na peŋ.

Toona 17:31

kimaan ŋɔɔ Yennu poŋ senn daar nba ki u sa bu tingbouŋ na ŋaateeb kur buut chib chib. U sa te ki sɔɔ nba ki u gannɔ na-n bu buut maŋ, ki u set fiinɔ kuun ni, ki li tee nyinn ki tur sɔɔ kur a ŋɔɔe sii tee barbuurɔ.”

Toona 2:32

Ki Piita bia ŋamm yet a “Yisa nba nee ki Yennu daan fiinɔ kuun ni, ki ti kura na mun tee u kuunfiiru maŋ siara damm.

Toona 3:14

Ŋɔɔe lek tee Yennu nirɔ, ki bia jenna tee Popeendaanɔ, ŋaan ki i lek yêtɔ, ŋaan bia miar Pailat a wun nyinn nikpiiruk ki turi.

Toona 7:52

Yennu sɔkinii sɔɔ din kaa ki i yejamm din ki mukisɔ. Bi bia din kpii binba din poŋ sɔkint a Yennu Popeendaanɔ Masia tan sa baar nawa. Tɔn, ki mɔtana yimme tee damm nba nyii u poor ki bia tee u kpiira.

Rom Teeb 1:17

Barŋanii maŋ want nan Yennu yet a nirɔ tee niŋanɔ u tɔɔnn, yada teenu paake; nee nyii paanu ki tur binba teen Yisa yada, kaman nan la sɔb u gbouŋ ni biaŋinba na a “Wunba teen niŋanɔ Yennu boor u yada na paak, li daanɔ sii mɔk manfoor nba kaa gbennu.”

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Galasia teeb 5:5

Ŋaan timm teen Masia yada, ki u Seyeeŋ mun be ti ni; li paak, ti mɔk dindann ki guu yoo nba ki Yennu sa yet a ti tee niŋamm u boor.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.