Jɔɔnn 15:4 - Yennu Gbounpaauŋ Mɔɔr

⁴ Yii gaa n paak man, ki n sii be i ni. Tiyiinu kan fit lon lɔɔna, see ki u gaa tiik paak. Li mun bia tee nnee, i kan fit lon lɔɔna, see ki i gaa n paak.

Yennu Gbouŋ Mɔɔr

⁴ Ii gaa n paak man, ki n sii be i ni. Yiinu kan fit lon lɔɔna, see ki u gaa tiik paak. Li mun bia tee nnae, i kan fit lon lɔɔna, see ki i gaa n paak.

Jɔɔnn 15:4 ပူးပေါင်းရင်းမြစ်များ

Matiu 12:33

Ki Yisa bia din yet a “Li-i tee ki tiik ŋan, u loon tilɔɔnŋanae; ŋaan li-i tee ki tiik ki ŋani, u sii loon lɔɔnbiite, kimaan tiik lɔɔna nie ki bi bantɔ.

Barŋanii nba ki LUK din sɔb nae na 8:15

Ki linba mun baa tinŋaŋ ni na ŋanin naan nan popeendamm nba gbat n maan maŋ, ki bi para ni be fanu, ki bi dia maan na kenken, ki bia mɔk sukuru, ki nân nan barmɔnii.

Jɔɔnn 14:20

Ki bia jenna, mi-i tei jen n manfoor ni yoonba, i tan sa bann nan n be n Baa Yennu nie, ki i mun bia be n ni, ki n mun be i ni.

Jɔɔnn 17:23

N be bi ni, ki a mun be n ni, a bin fit lian taan mɔyomm chib. Ŋannii sa te ki tingbouŋ na ŋaateeb-n bann nan fine tumin, ki bi sa bann nan a loonib kaman nan fa loon min biaŋinba na.

Jɔɔnn 6:56

ki daanɔ nba ŋman n gbanant, ki bia nyuu n sɔn, ŋɔɔe be n ni, ki n mun be u ni.

Jɔɔnn 8:31

Ŋanne ki Yisa yet Juu teeb nba teenɔ yada na, “Li-i tee ki i saak n mɔmaan, i set tee n poorpoweiteeb nan barmɔniie, ki i bia sa bann barmɔnii wannu,

Toona 11:23

Wa din saa baar leŋ yoonba ki la Yennu nba turib sommir biaŋinba, ki u la parpeenn bonchiann, ki din chee bi para, ki kpaan bi kur kpaanii a bi daa nyikit Yisa weiu.

Toona 14:22

ki ŋammit want Yisaweira u maan, ki cheen bi para doi maŋ ni, ki beerib a “I kpaŋŋii dia i yada maŋ nna man,” ki wantib a “Nan ki tin tan kɔɔ Yennu naan ni na, see ki ti fabir ki dii muksuk bonchiann.”

2 Korint teeb 13:5

Gotir i mɔŋ mɔŋ binbeŋ ni ki laan i set teen Yisa Masia yada amii i ki teeni; li kpaa talas ki yii gorii i mɔŋ binbeŋ nba tee biaŋinba. I ki mi nan Yisa Masia be i niee? U set be i ni, kimaan li-i tee ki u ki be i ni, ŋann i ki tee u niib nan barmɔnii.

Galasia teeb 2:20

Li paak, li ji ki tee min nba fo na kaa, ŋaan li tee Masia nba fo ki be n ni nee. Mɔtana, ma mɔk manfoor ki be n gbanant ni na, n be ki teen Yennu Bija Masia yada; ŋɔɔe loonin ki din gaar n paak ki kpo.

Efesus teeb 3:17

n bia meiɔ a Masia-n jii i para ki teen u binbeboor i yada paak. N meiɔ a wun te ki i fit set chib, ki baa jiina ki fɔkin fiakir, ki loomm na-ii paar,

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

Kolosa teeb 1:27

Yennu lor a wun fiit woonin ni maan maŋ ki wann u niib maŋe. U woonin ni maan maŋ ŋan bonchiann, ki tee niib kur yare. Li want nan Masia be i ni; li paak, i mɔk dindann nan i tan sii be fanu ki gbenn.

Kolosa teeb 2:6

Biaŋinba ki i din poŋ gaar Yisa Masia a wuu tee i Yomdaanɔ na, yii be u ni nna man,

1 Tesalonika teeb 3:5

Li paak, la daan tan paak n nii yoonba, ki n daan tun Timoti, a wun saa bann a i nyik Masia sɔnu amii, ki laan Sintaanii bikini, ki ti toona fara kur teen yannee?

Hiibru teeb 10:39

Timm ki tee nisiab nba ŋmat poor ki baa yann kaa, ŋaan ti teen Masia yada ki u tinnit.

2 Jɔɔnn 1:9

Daansɔɔ nba ki gaan Yisa Masia wannu bonŋann ŋaan pukii u mɔŋ yar, Yennu ki be nanɔ, ŋaan wunba saak wannu maŋ ki ki nyikiti, ti Baa Yennu nan u Bija Yisa Masia kur be u ni.