Jɔɔnn 15:2 - Yennu Gbounpaauŋ Mɔɔr

² ki u tuu chɔɔ yiinu kur nba gaa n paak ŋaan ki lôon lɔɔna na. Ŋaan yiinii kur nba ŋarin lôon lɔɔna na, u tuu gbat gbat ŋanne, ki lin ŋamm ki lôn lɔɔna bonchiann.

Yennu Gbouŋ Mɔɔr

² ki u tuu chɔɔ yiinu nba kur gaa n paak ŋaan ki loon lɔɔna nae. Ŋaan yiinu nba kur ŋarin loon lɔɔna, u tuu gbat gbate, ki lin ŋamm lon lɔɔna bonchiann.

Jɔɔnn 15:2 ပူးပေါင်းရင်းမြစ်များ

Matiu 13:12

Tɔn, wunba mɔk Yennu bannu, ŋɔɔe sii laat ki pukii ki sii mɔk bonchiann, ŋaan wunba ki mɔki, u sa kɔŋ linba ki u mɔk na gbaa.

Matiu 13:33

Ki Yisa bia din yimm barjouk na ki pukin a “Yennu naan tee kaman nan datiŋ nba ki poo jii ki ŋmat nan boroboro yon nba yab, ki lin tan miik nan la tuu tan pukir nee.”

Matiu 15:13

Ki u jiin betib a “Tiik nba kur ki n Baa Yennu nba be sanpaapo na ki wuu, see ki bi tan ŋabire ki lu.

Matiu 21:19

ki u la kinkaŋ, ki li see sanjokpiŋ. Ki u saan ki saa baar a wun pɔɔr kinkana, ki sɔɔ siar kaa kinkaŋ na paaki see faat kuukɔɔe. Ŋanne ki u yet tiik na a “La nyii dinna ki jii saa, a kan mi ki lon lɔɔna.” Li taakpaak ni na, ki tiik na koor.

Matiu 25:29

kimaan wunba kur mɔk bona, bi sa pukinɔ ki wun mɔkit bonchiann; ŋaan wunba kɔŋ bont, bi bia sa tont bonmintik nba ki u mɔk na.

Matiu 3:10

Pajar poŋ teen siira a wun chɔɔ tiinii; ki tiik nba kur ki loon lɔɔnŋana, bi sa chɔɔre ki lur muu ni.

Matiu 3:12

U dia u dilenn ŋmanniie ki yaa wun lenn bonŋann, ki nyinn dibin ki wuun u bɔɔr ni, ŋaan joo fouŋ na muu nba kan mi ki kpeenni.”

Matiu 7:19

Tiik kur nba ki loon lɔɔnŋana, bi sa chɔɔre ki lur muu ni.

Barŋanii nba ki MAK din sɔb nae na 4:20

Ŋaan nisiab ŋanin naan nan bonboorii nba tuu baa tinŋaŋ ni nee. Ŋamm gbia maan maŋ ki gaan, ki li naan. Siab naan piinntataa, ki siab naan piinnloobloob, ki siab mun bia naan kobik kobik.”

Barŋanii nba ki LUK din sɔb nae na 8:13

Ki linba mun baa tanpuut paak naan nan binba gbat n maan nan parpeenn, ŋaan ki li daa ki sik bi para ni fanu, ki bi tuu teenin yada yoo waaminna, ŋaan yoo nba ki jinjammii baarib, bi tuu yêt n weiue.

Jɔɔnn 15:1

Li poorpoe ki Yisa yet a “Mine tee barmɔnii tiik na, ki n Baa Yennu tee li ŋammtɔɔ;

Jɔɔnn 15:16

Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Jɔɔnn 15:3

Mɔtana, yimme tee nifoyeemm, maan nba ki n pak ki turi na paak.

Jɔɔnn 15:6

Ki jenna, wunba ki yɔɔ gaa n paaki, Yennu sa chɔɔe ki lu kaman nan ba tuu chɔɔ tiyiinu nba ki lu ki wun koor na. Li tiyiinboorue ki bi tuu tikir ki joo muu.

Jɔɔnn 15:8

Li-i tee ki i lôon lɔɔna bonchiann, ŋanne sa wann nan i set tee n poorpoweiteeb nan barmɔnii, ki n Baa Yennu sa la dontir.

Jɔɔnn 17:12

Ma daa be namm na, n diab fanu nan a sann nba ki a din purin na ni. N baak bi paak, ki bi ni sɔɔ ki teen yanni, see wunba tee Sintaanii yɔɔ na. Wa teen yann na, li tee kaman nan la sɔb Yennu gbouŋ ni biaŋinbae.

Rom Teeb 11:17

Juu teeb na tee kaman nan ŋaak ni tiik nba ŋan nee, ki Yennu kɔnn tiik na yiinsia, ki jii muuk ni tiik yiinii na ki tukin nan ŋaak ni yar na, ki li taan yomm. Yimm nba ki tee Juu teeb na tee kaman nan muuk ni tiik yiinu nee, ki gaan Yennu barŋanii nba nyii Juu teeb boor ni na, ki tee kaman nan muuk ni tiik yiinu nba gaan bonŋann nba nyii ŋaak ni tiik ni na.

Rom Teeb 11:22

Gotir Yennu nba mɔk ninbatinu ŋaan bia mɔk ninkoonii biaŋinba. U mɔk ninkoonii ki tur binba ki teen yada, ŋaan u tiina ninbaauk; fi-i kpaŋŋi teen yada, u mun sii tiina ninbaauk, ŋaan li-i kii tee nna, u mun bia sa kɔnnae ki lua.

Rom Teeb 8:28

Binba ki Yennu yiimm na, ki u mɔk linba paak ki u yimme, ki bi mɔk loomm nanɔ, ki ti mi nan linba kur tuun, u te ki li teen bonŋann ki teen ŋamme.

1 Korint teeb 13:1

Tɔn, mi-i lekii fit piak barganii kur, amii ki fit piak malakanba maan, ŋaan ki ki mɔk loommi, n tee kaman nan gingann amii gbekuru fuut nee.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 12:15

Guut i mɔŋ man ki tan daa kɔŋŋit Yennu ninbatinu na. I sɔɔ daa mɔk tonu u par ni, ki u tonu na-n baar nan parbiir leeb paak, ki biir niburchiauŋi.

1 Jɔɔnn 2:19

Masia datai maŋe nyii ti ni; ŋaan bi ki tee ti yabi. Bi-i bo-i tee ti yabie, timm nan ŋammii bo sii lakin be; ŋaan bi nyikita, ki li want nan bi kur ki tee ti yab setik nan mɔnii.

Fiitu 3:19

Binba kur ki n loomm na, n kpaamm kpaanii ki daar bi tuba. Li paak, nyikin man i biit, ki daa jerimi.