Jɔɔnn 15:19 - Yennu Gbounpaauŋ Mɔɔr

¹⁹ Li-i bo-i tee ki i tee tingbouŋ na ŋaaniibie, tingbouŋ na ŋaateeb bo sii looni kaman nan ba loon bi mɔŋ niib biaŋinba nee. Ŋaan n ganni ki nyinni tingbouŋ na niib niwa, ki i ji ki tee tingbouŋ na ŋaateeb yabi; li paake teen ki bi nami.

Yennu Gbouŋ Mɔɔr

¹⁹ Li-i bonni tee ki i tee tingbouŋ na ŋaateebie, tingbouŋ na ŋaateeb bo sii looni nan baa loon bi mɔŋ niib biaŋinba nae. Ŋaan n ganni ki nyinni tingbouŋ na niib niwa, ki i ji ki tee tingbouŋ na ŋaateeb yabi; li paake teen ki bi nami.

Jɔɔnn 15:19 ပူးပေါင်းရင်းမြစ်များ

Matiu 10:22

Ki sɔɔ kur tan sii nami kimaan ya waan na paak; ŋaan wunba tan gubin nan fara yoo na joontu tan sa la tinnuwa.

Matiu 24:9

“Li yoo maŋ ki bi tan sa soori ki dinni fara biak, ki kpi-i, ki booru kur tan sii nami kimaan ya waan na paak.

Barŋanii nba ki LUK din sɔb nae na 6:32

“Li-i tee ki i loon binba looni na kuukɔɔe, nlee ki Yennu sa pukiniini? Biitdamm mun loon binba loomm na gbaa.

Jɔɔnn 13:18

“N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe yaa wun nyi n poor.’ See ki sɔbu na fabir teen mɔnii ki gbeen.

Jɔɔnn 15:16

Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Jɔɔnn 6:70

Ki Yisa yetib, “Yimm jab piik nan bannlee na, mine ganni, ŋaan ki i ni yenɔ tee Sintaanii yɔɔ.”

Jeems 4:4

I nyik Yennuwa, ki waa bonliae. Li-i tee ki i tee tingbouŋ na yɔɔsinbaie, i tee Yennu dataie; I ki mi nnee-ee? Wunba loon wuu tee tingbouŋ na yɔɔk, li yɔɔ teen u mɔŋ Yennu dataake.

1 Piita 4:3

Yoo nba gar, i din jii i yoo ki tuun toonbiit bonchiann; i din tuun i mɔŋ loonbiite, ki nyu daan ki yib, ki di diina ki mɔk fuut, ki tikii leeb danyuboa, ki mann pata, ki tuun kaman nan binba ki tee Masiaweira na nba loon bii tuun biaŋinba.

1 Jɔɔnn 3:12

Li ki ŋan ki tii be kaman nan Keenn nba din be biaŋinba na; ŋɔɔ din tee bonbiiuk daanɔ Sintaanii yɔɔe, ki din kpii u waarɔ. Bee paake te ki u din kpiiu? U din la u waarɔ tuun toonŋana, ŋaan ki u yar bi.

Fiitu 12:17

Ki waakperbiiuk na wutoor doo nan poo na bonchiann, ki u saan a wun saa kɔn nan poo na booru nba biar ki waa Yennu sennu ki dia Yisa barŋanii na,

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.