Jɔɔnn 15:16 - Yennu Gbounpaauŋ Mɔɔr

¹⁶ Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Yennu Gbouŋ Mɔɔr

¹⁶ Yimm kaa gannimi, ŋaan mine ganni, ki turi toona maa yii saa kii loon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu n turi linba kur ki i miarɔ n sann ni.

Jɔɔnn 15:16 ပူးပေါင်းရင်းမြစ်များ

Matiu 21:22

Siar kur nba ki i sa miar Yennu li po na, li-i tee ki i teen yada a i sa lar, i set sa lawa.”

Matiu 7:7

“Miat Yennu man, ki u sa turi; lomin man, ki i sa lawa; kpaan gann man, ki u sa loot ki turi,

Barŋanii nba ki LUK din sɔb nae na 6:13

Ki sanyiɔk ni ki u din yiin u poorpoweiteeb ki tan gann piik nan bannlee ki yib toomiinba.

Jɔɔnn 13:18

“N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe yaa wun nyi n poor.’ See ki sɔbu na fabir teen mɔnii ki gbeen.

Jɔɔnn 15:19

Li-i bo-i tee ki i tee tingbouŋ na ŋaaniibie, tingbouŋ na ŋaateeb bo sii looni kaman nan ba loon bi mɔŋ niib biaŋinba nee. Ŋaan n ganni ki nyinni tingbouŋ na niib niwa, ki i ji ki tee tingbouŋ na ŋaateeb yabi; li paake teen ki bi nami.

Jɔɔnn 15:5

“Mine tee tiik maŋ, ki yimme tee li yiinii. Wunba gaa n paak, ki n mun be u ni, ŋɔɔe sii lôon lɔɔna bonchiann, kimaan mi-i kaa i ni, i kan fit tun siari.

Jɔɔnn 6:70

Ki Yisa yetib, “Yimm jab piik nan bannlee na, mine ganni, ŋaan ki i ni yenɔ tee Sintaanii yɔɔ.”

Toona 1:24

ŋaan ji miar Yennu a “Ti Yomdaanɔ, fine mi sɔɔ kur par ni, ki li paak, ti Yomdaanɔ, wantit jab bannlee na ni, wunba ki a gann,

Toona 1:8

Ŋaan yoo nba ki u Seyeeŋ sa sik i paak ki yenti na, i sa la paŋ, ki tan sii tee n siara damm Jerusalem, nan Judea tiŋ kur ni, nan Samaria tiŋ ni, nan tingbouŋ na lokir kur po.”

Toona 10:41

Ŋaan niib kur kaawa din laatɔ. Li din tee timm nba ki Yennu gannit a tii tee u siara damm nee din laatɔ, ki bia din tuu di ki nyu nanɔ u kuunfiiru poorpo maŋ.

Toona 22:14

Ki u betin a ‘Yennu nba tee ti yejamm Yennu na poŋ ganna a a bann u yanbɔɔtoona, a ki bia la popeendaanɔ Masia, a ki bia gbat u mɔŋ mɔŋ kunkɔr,

Toona 9:15

Ki ti Yomdaanɔ betɔ a “Fini saawa! a ŋɔɔe tee wunba ki n gannɔ a wuu tuun n toonn, ki te ki boorganu nan bi kpanbara nan Israel teeb-n bann n sann,

Rom Teeb 1:13

N naa waas, n loon yin bann nan n yabir nan taar muŋŋa nawa a n baar ki tan gɔni, ŋaan ki siar gɔɔrin mɔkmɔk nan mɔtana ki n ki fit gɔniini. N loon ki n te ki niib-n wei ti Yomdaanɔ i boor ni kaman nan ma daan teen biaŋinba na nileeb sinsuuk ni na.

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Rom Teeb 15:4

Linba kur sɔb Yennu gbouŋ ni na, li sɔb ki turit a tii tumiie. U gbouŋ maŋ teent sukuru, ki bia kɔɔntit para, a tii mɔk dindann.

Rom Teeb 9:21

Bobmaarɔ mɔk yaak ki sa jii yɔuk bur ki maa bobŋann nan bob-biiuk.

1 Korint teeb 10:11

Linba na kur tun ki turib ki li tee kpaanii ki tur leeb, ki li sɔb Yennu gbouŋ ni ki tee kpaanii ki tur timm nba be yoo nba ki dunia loon gbennu na.

Galasia teeb 1:15

Ŋaan Yennu ninbatinu paak, ki u din gannin ki bi daa din ki marimi, ki yiinin a man tun u toona.

Efesus teeb 2:10

Yisa Masia nie ki Yennu teent ta tee binba, ki turit toonŋana binbeŋ a tii tuun linba ki u din poŋ lor a ti tun na.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

Kolosa teeb 1:6

Ki barŋanii maŋe baat nani kaman nan la yat ki kpaatir tingbouŋ na kur ni ki ŋammit niib binbeŋ, ki bia tuun nna i mɔŋ boor ni, la nyii daar nba ki i din gbat ki bann Yennu ninbatinu nan barmɔnii maŋ nba tee biaŋinba na.

1 Timoti 2:7

Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

2 Timoti 1:11

Yennu poŋ din yiinin a n teen toomii nan wanntɔɔ ki mɔɔnt barŋanii maŋ.

2 Timoti 2:2

Fa poŋ din gbat wannu nba n peŋ niib bonchiann boor ni na, a jiir ki wann nisiab nba tee yadadamm, binba mun sa fit wann nileeb mun.

Taitus 1:5

N din te ki a biar Kreet tiŋ ni ma a ŋamm bonsiar kur nba kpaa talase, ki bia gann Masiaweira saakab doo kur ni kaman nan ma din wanna biaŋinba na;

Hiibru teeb 11:4

Abel yada paake ki u din mann mannu tur Yennu ki li mannu ŋan ki gar Keenn yar. U yada paake ki Yennu din pakɔ ki purɔ yentinɔ, kimaan ŋɔɔ Yennu tiauŋ din gaar u piinii nawa. Abel din kpowa, ŋaan u yada paake ki u bia lek daa piak.

Jeems 3:18

Binba mɔk parmaasir ki te ki parmaasir-n baar niib sinsuuk ni na, ŋamme te ki yentinu be.

1 Piita 3:15

Tinin ti Yomdaanɔ Masia i para ni; yoo kur, i teen siir ki jiin wunba boi-i ya mɔk dindann biaŋinba na po.

1 Piita 3:2

kimaan bi-i la bi poob nba teen Yisa yada na binbeŋ ki li ŋan, bi mun sa teenɔ yadawa.

1 Jɔɔnn 4:10

Loomm nba set tee loomm nan barmɔnii ki tee a timm din loon ŋɔɔ Yennu kaa, ŋaan li tee a ŋɔɔ Yennu din loon timm, ki din sikin u Bija tingbouŋ na ni ki u tan gaar ti paak ki kpo, ki teen ti marouŋ ŋɔɔ Yennu boor ni, a tin fit la nyikinchab ti biit paak na.

1 Jɔɔnn 4:19

Yennue sint loonit; ŋanne teen ki ti mun mɔk loomm.