Jɔɔnn 15:15 - Yennu Gbounpaauŋ Mɔɔr

¹⁵ N ji kan yiini daaba, kimaan daabir ki mi u yomdaanɔ dudukiti. Ma yi-i n yɔɔsinba na, kimaan labaar kur nba ki n gbat n Baa Yennu peŋ na, ŋanne ki n wanni.

Yennu Gbouŋ Mɔɔr

¹⁵ N ji kan yiini daaba, kimaan daabir ki mi u yomdaanɔ dudukiti. Maa yi-i n yɔɔsnba na, kimaan labaar kur nba ki n gbat n Baa Yennu boor, ŋanne ki n wanni.

Jɔɔnn 15:15 ပူးပေါင်းရင်းမြစ်များ

Matiu 13:11

Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan ŋamm ŋanin, u ki chabibi.

Barŋanii nba ki LUK din sɔb nae na 10:23

Li yoo na ki Yisa ji din ŋmat got u poorpoweiteeb ŋaan bet bi kuukɔɔ, “Parpeenn tee i yare, kimaan i ninbina nba la linba ki i laat na.

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Jɔɔnn 13:16

Barmɔniie ki n beeri na, daabir ki chee u daanɔ, ki toomu mun ki chee wunba tumɔ na.

Jɔɔnn 15:20

Yii tian maan nba ki n paki na man, a ‘Daabir kaa ki chee u yomdaanɔ.’ Tɔn, bi-i mukisin, bi mun sa mukisiiwa; ki bi-i sak n maan, bi mun bia sa sak i maama.

Jɔɔnn 16:12

“Maan be bonchiann ki n bo sa paki, ŋaan i kan fit gaar mɔtana.

Jɔɔnn 17:26

N fiit a binbeŋ ki wanniba, ki bia sii ŋammit ki fiitir a binbeŋ ki wantib, ki jenna, loomm nba ki a loonin na, ki bin fit lian gaar, ki n mun sii fit lian be bi ni.”

Jɔɔnn 20:17

Ki Yisa betɔ “Ji daa siitimi, kimaan n daa ki do sanpaapo n Baa boor ni; ŋaan i saa n naa waas peŋ, ki saa betib a n sa do sanpaapo, wunba tee n Baa nan i Baa na peŋa; ŋɔɔe bia tee n Yennu nan i Yennu na.”

Jɔɔnn 4:19

Ki poo na yetɔ a “Chanbaa, n ji bann nan a tee Yennu sɔkiniie.

Jɔɔnn 8:26

N bo sii fit piak maan bonchiann ki biiri; ŋaan wunba tumin nae tee barmɔnii daanɔ; ki n piak beer tingbouŋ na niib linba ki n gbia u boor nae.”

Toona 20:27

kimaan n ki mi ki fɔrint ki ŋmat poorpo nan ki n mɔɔnt Yennu maan maŋ kur ki wanniini.

Rom Teeb 7:15

kimaan linba ki n tuun na, n ki mi li paaki, kimaan n ki tuun toonŋana nba ki n looni; ŋaan toonbiit nba ki n nammir na, ŋanne ki n tuun.

1 Korint teeb 2:16

kaman nan la sɔb Yennu gbouŋ ni a “Ŋmee sa fit bann Yennu dudukit ki ŋmakitɔɔ?” Ŋaan timm ŋanin mɔk Masia dudukit.

Galasia teeb 4:6

Ta tee u waas na paak, ki u tun u Bija maŋ Seyeeŋ na ki u be ti para ni, ki ti yi ŋɔɔ Yennu a “N Baa, n Baa.”

Efesus teeb 1:9

ki fiit wannit woonin ni lora nba ki u din senn a wun tan tun Masia ni na.

Efesus teeb 3:5

Mɔtana Yennu ji ŋaan ki u Seyeeŋ fiit u woonin ni lor na ki wann u toomiinbaŋamm nan u sɔkiniinba, ŋaan li din ki tee nna sianyoo ni.

Kolosa teeb 1:26

Barii maŋe tee woonin ni maan nba ki Yennu din woon sianyoo, ki nibooru kur ki bannir, ŋaan ki u tan fiit wann u niib mɔtana.

Filemonn 1:16

Mɔtana u ji ki tee daabir kaa, ŋaan u gar daabira, u tee ti naa bilonkake; ma loonɔ bonchiann biaŋinba na, ŋaan a sii loonɔ ki gar nna, kimaan u lek tee a daabire ki bia tee a naa bik ti Yomdaanɔ ni.

Jeems 1:1

Min Jems, wunba tee Yennu toontunnɔ ki bia tee ti Yomdaanɔ Yisa Masia toontunnɔ, n foont Israel nibooru piik nan bannlee nba yat ki be tingbouŋ na kur ni.

Jeems 2:23

Ki Yennu mɔmaan nba sɔb u gbouŋ ni nee din tan teen mɔmɔmm a “Abraham din teen Yennu yada, li paak, ki Yennu yaa a u tee niŋanɔ u boor.” Li paak, ki bi din yiu Yennu yɔɔk.

1 Piita 1:11

Masia Seyeeŋ nba din be bi ni din wannib a u tan sa la fara; ki li poorpo ki u bia tan sa la nibaakir bonchiann; ki bi koor ki loon bin bann yoo nba ki li tan sa tun, ki bia loon bin bann la tan sa tun biaŋinba.

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.

Fiitu 1:1

Maan nba ki Yisa Masia din fiit na sɔb gbouŋ na nie. Yennu din turɔ maan maŋ a wun wann u toontunna linba sa teen mɔtana. Masia din tun u malaka u toontunnɔ Jɔɔnn boor ni, a wun betɔ maan maŋ kur.