Jɔɔnn 15:1 - Yennu Gbounpaauŋ Mɔɔr

¹ Li poorpoe ki Yisa yet a “Mine tee barmɔnii tiik na, ki n Baa Yennu tee li ŋammtɔɔ;

Yennu Gbouŋ Mɔɔr

¹ Yiisa din yet a, “Mine tee tilontik nan mɔnii, ki n Baa Yennu tee li ŋammtɔɔ;

Jɔɔnn 15:1 ပူးပေါင်းရင်းမြစ်များ

Matiu 15:13

Ki u jiin betib a “Tiik nba kur ki n Baa Yennu nba be sanpaapo na ki wuu, see ki bi tan ŋabire ki lu.

Matiu 20:1

“Kimaan Yennu naan tee kaman nan ŋaadaanɔ nba din nyii sanyapob ni ki loon niib a wun jiib ki bin ko u kpaab nee.

Matiu 21:33

Ki Yisa bia din betib a “Gbiintir man barjouk leer. Ŋaadaansɔɔ nnee din be ki wuu tilontii u kpaab ni, ŋaan chaan gungouŋ ki lint tiinii maŋ, ki bia gbiir gbiouk nba ki bi tuu sii ŋmaki tilontii maŋ lɔɔna nyun leŋ, ki bia maa sukir leŋ; ŋaan jii kpaab na ki teen toontunna nii ni a bii gorii. Li-i taŋŋi jaŋ nan pɔɔru, bin pɔɔr ki turɔ, ŋaan mun tan pɔɔr bi yar. Li poorpoe ki u din yaat ki saan tinsiak.

Barŋanii nba ki MAK din sɔb nae na 12:1

Li yoo ki Yisa jak barjokit yinu a “Jasɔɔ din wuu tilontii u kpaab ni, ki chaan gungouŋ lintir, ŋaan gbiir gbiouk nba ki bi tuu sii ŋmaki tilontii maŋ lɔɔna nyun leŋ; ki bia maa sukir kpaab na ni; ki jii kpaab na ki teen toontunna nii ni a bii gorii. Li-i taŋŋi jaŋ nan pɔɔru, bin pɔɔr ki turɔ, ŋaan mun tan pɔɔr bi yar. Li poorpoe, ki u din yaat saan tinsiak.

Barŋanii nba ki LUK din sɔb nae na 13:6

Ŋanne ki Yisa din yimm barjouk ki yet a “Jasɔɔ din wuu kinkaŋ u kpaab ni, ki tan baar a wun pɔɔr kinkana, ŋaan ki ki la siari.

Jɔɔnn 1:17

Moses din turit Yennu sennue, ŋaan Yisa Masia ŋarin din baar nan ninbatinu ki teent ki bia want barmɔnii wannu.

Jɔɔnn 1:9

Yisae din tee barmɔnii yentu nba din baar tingbouŋ na ni, ki ji yentir niib kur ni.

Jɔɔnn 15:2

ki u tuu chɔɔ yiinu kur nba gaa n paak ŋaan ki lôon lɔɔna na. Ŋaan yiinii kur nba ŋarin lôon lɔɔna na, u tuu gbat gbat ŋanne, ki lin ŋamm ki lôn lɔɔna bonchiann.

Jɔɔnn 6:32

Ki Yisa yetib a “Barmɔniie ki n beeri na, li ki tee Moses kaa din teeni jeet maŋi, ŋaan li din tee n Baa Yennue. Ki mɔtana ki u ji loon wun turi jeet nan mɔnii mɔnii nba nyi u boor ni.

Jɔɔnn 6:55

Kimaan n gbanante tee jeet nan mɔnii, ki n sɔn mun tee bon-nyukar nan mɔnii;

Rom Teeb 11:17

Juu teeb na tee kaman nan ŋaak ni tiik nba ŋan nee, ki Yennu kɔnn tiik na yiinsia, ki jii muuk ni tiik yiinii na ki tukin nan ŋaak ni yar na, ki li taan yomm. Yimm nba ki tee Juu teeb na tee kaman nan muuk ni tiik yiinu nee, ki gaan Yennu barŋanii nba nyii Juu teeb boor ni na, ki tee kaman nan muuk ni tiik yiinu nba gaan bonŋann nba nyii ŋaak ni tiik ni na.

1 Korint teeb 3:9

Ti lakin tuun ki teen Yennue. I tee kaman nan Yennu kpaab nee, ki bia tee kaman nan Yennu diiuk na.

1 Jɔɔnn 2:8

Ŋaan mɔtana li bia daa tee kaman nan sennpaann nee ki n sɔbin ki teeni, kimaan yoo kpintire, ki bunbɔnn yentir, ki niib nunii po piint yentir nan Yisa barŋanii. Sennu nee ki Yisa binbeŋ ni din want nan mɔnii, ki i binbeŋ ni mun bia want nnee.