Jɔɔnn 14:9 - Yennu Gbounpaauŋ Mɔɔr

⁹ Ki Yisa jiin a “Filip, n poŋ be nani ki li yukira, ŋaan ki a daa ki mimii? Wunba lan, u set la n Baa maŋe na. Ki bee ki a yaa a n wanni n Baa maŋi?

Yennu Gbouŋ Mɔɔr

⁹ Ki Yiisa jiin a, “Filip, n poŋ be nani ki li yukira, ŋaan ki a daa ki bannimi-i? Wunba lan, u set la n Baa maŋe na. Ki bee ki a yaa n wanni n Baa maŋi?

Jɔɔnn 14:9 ပူးပေါင်းရင်းမြစ်များ

Barŋanii nba ki MAK din sɔb nae na 9:19

Li yoo ki Yisa ji yakii ki yeen a “Yimm mɔtana niib yada mantik pɔɔr hei; n sa yukir nani nlee? Nlee yooe ki n sa di sukuru naniini? Baat nan bik maŋ nna.”

Barŋanii nba ki LUK din sɔb nae na 12:56

Yimm kpinkpannii damm na, i kpann i mɔŋe; i fit bukitir saak nan naauk baaru yoo, ŋaan bee teen ki i kan fit bann mɔtana yoo na paaki?

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 10:30

Min nan n Baa maŋ tee yomme.”

Jɔɔnn 12:45

Ki bia jenna, wunba laatin, u ki laat min kuukɔɔ kaa, ŋaan u laat Yennu wunba tumin nee mun.

Jɔɔnn 14:20

Ki bia jenna, mi-i tei jen n manfoor ni yoonba, i tan sa bann nan n be n Baa Yennu nie, ki i mun bia be n ni, ki n mun be i ni.

Jɔɔnn 14:7

Li-i bo-i tee ki i min, i bia bo sii mi n Baa nawa; ŋaan mɔtana ki jikit saa, i ji miu ki bia laatɔ.”

Jɔɔnn 8:19

Ki bi boiɔ a “A Baa maŋ be lee?” Ki Yisa pak jiimm a “I ki mimi, ki tan boi n Baa. I-i bo-i mimie, i mun bia bo sii mi n Baawa.”

1 Korint teeb 15:12

Li paak, ta mɔɔntir barii na ki yaa a Masia din fiir kuun ni, ki nlee ki i siab yeen a binba kpo na tan kan fiiri?

Filipi teeb 2:6

U din tuu yɔɔ be kaman nan Yennu nee, ŋaan u din ki mi dukin a u sa jii u mɔŋ ki yekin nan Yennu,

Kolosa teeb 1:15

Sɔɔ kan fit la Yennu, ŋaan u Bija maŋ Masia tee u naauŋo. Ŋɔɔe gar bont kura, ki tee Yennu bonnankaa kura yur,

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.