Jɔɔnn 14:24 - Yennu Gbounpaauŋ Mɔɔr

²⁴ Ki jenna, daanɔ nba ki loonimi, u ki saak n maami, ki ya gbat maan nba na, li ki tee n yar kaa, ŋaan li tee n Baa Yennu nba tumin na yare.

Yennu Gbouŋ Mɔɔr

²⁴ Ŋaan daanɔ nba ki loonin, u ki saak n maami, ki yaa gbat maan nba na, li ki tee n yar kaa, ŋaan li tee n Baa Yennu nba tumin na yare.

Jɔɔnn 14:24 ပူးပေါင်းရင်းမြစ်များ

Matiu 19:21

Ki Yisa betɔ a “Li-i tee ki a loon ki a binbeŋ-ii tee fanu nan barmɔnii, fii saa ki saa kɔi fa mɔk linba ki jii li likirii maŋ ki tur talasdamm, ki a tan sa la mɔkint sanpaapo; li poorpo ki a jenna kii waan.”

Jɔɔnn 14:10

N be n Baa nie, ki n Baa mun be n ni; i ki teen linba na yada-aa? Maan nba ki n pak ki turi na, li ki nyii n ni kaa, ŋaan li nyii n Baa Yennu boore. Ŋɔɔe be n ni ki tuun u toona maŋ.

Jɔɔnn 14:15

“Li-i tee ki i loonin, i sii saak n mɔb,

Jɔɔnn 14:25

“Ma daa be nani na, n beeri maan nba na.

Jɔɔnn 3:11

Barmɔniie ki n yaa n beta, ti beeri linba ki ti mi, nan ta bia la linbae, ŋaan ki i ki gaan ti maami.

Jɔɔnn 3:34

Yennu Bija nba ki u tumɔ na, wa piak maan nba na, li tee Yennu maame, kimaan Yennu tur u Bija maŋ Seyeeŋ nba yab ki kaa bikinu.

Jɔɔnn 5:19

Ŋanne ki Yisa betib a “Barmɔniie ki n beeri na, min Yennu Bija laat n Baa Yennu nba tuun linbae, ki n mun tuun. N kan fit tun siar nan n mɔŋi. N Baa maŋ nba tuun linba, n mun tuun ŋanne,

Jɔɔnn 5:38

Ki u tumin i boor, ŋaan i ki teenin yada; ŋannii want nan u maan kaa i para ni.

Jɔɔnn 7:16

Ki Yisa yetib a “Ma want wannu nba na, li ki tee n mɔŋ mɔŋ wannu kaa, ŋaan li nyii Yennu nba tumin na boore.

Jɔɔnn 7:28

Yisa nba want niib wannu na Yennu jiantu ŋasaakak ni na, ki u tan pak sanpaapo ki yetib a “I dukii nan i min bonŋann, ki bia dukii a i mi ma nyii sian. N ki baar n mɔŋ baaru kaa. Daanɔ nba tumin na, ŋɔɔe mɔk barmɔnii kur; ki i ki miu.

Jɔɔnn 8:26

N bo sii fit piak maan bonchiann ki biiri; ŋaan wunba tumin nae tee barmɔnii daanɔ; ki n piak beer tingbouŋ na niib linba ki n gbia u boor nae.”

Jɔɔnn 8:28

Li paak ki Yisa betib, “Yoo nba ki i sa jii min nisaarik Bik ki donnin sanpaapo na, li yooe ki i tan sa bann nan n tee ma tee wunba, ki i bia sa bann nan n ki tuun siar nan n mɔŋ mɔŋ yikoo, ŋaan n bia yeen linba ki n Baa wannin a n tan yete.

Jɔɔnn 8:38

Ma tuu be n Baa peŋ ki laat linba, ŋanne ki n piak, ŋaan yimm tuun linba ki i baa beti a yii tuun nee.”

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.