Jɔɔnn 14:19 - Yennu Gbounpaauŋ Mɔɔr

¹⁹ Ki li-i yann waaminna, tingbouŋ na ŋaateeb ji kan lami, ŋaan yimm ŋarin bia sa lama. Tɔn, ma tan sa jen n manfoor ni na, i mun tan sa jen i manfoa niwa.

Yennu Gbouŋ Mɔɔr

¹⁹ Ki li-i yann waaminna, tingbouŋ na ŋaateeb ji kan lami, ŋaan yimm ŋarin bia saa lama. Tɔn, maa saa jen n manfoor ni na, i mun tan saa jen i manfoa niwa.

Jɔɔnn 14:19 ပူးပေါင်းရင်းမြစ်များ

Jɔɔnn 11:25

Ki Yisa betɔ, “Mine fiint kpeemm ki teemm manfoa. Daanɔ nba teenin yada, ŋɔɔe sii mɔk manfoor, u lekii kpo gbaa;

Jɔɔnn 12:35

Ki u jiin yetib a “Min nba tee yentu na sii be i boor waaminnee. Li paak, i somm man yentu maŋ ni, la daa be na, ki bunbɔnn kan fit lian baar i ni, kimaan wunba somm bunbɔnn ni, u ki mi wa saa siaminba po.

Jɔɔnn 13:33

“N waas, n ji kan yukir nani bonchianni. I tan sa lomin, ŋaan kan lami, kaman nan ma bet Juu teeb yudamm biaŋinba na, n bia beeri ŋanne na, a i kan fit baar siaminba ki n saa na.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 16:16

“Li-i yann waaminna i ji kan lami, ŋaan li-i biakii yann waaminna, i bia sa lama.”

Jɔɔnn 16:22

Li tan sii tee i mun nnee; mɔtana ya mɔk parbiir na, ŋaan n bia tan sa laiwa, ki i para tan sa penn bonchiann, ki sɔɔ kaa ki tan sa nyinn parpeenn maŋ i ni.

Jɔɔnn 6:40

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Jɔɔnn 7:33

Ŋaan ki Yisa din bet nibur na a “N sii be nani yoo waaminne, ki li poorpo ki n ŋmat ki saan wunba tumin na peŋ.

Jɔɔnn 8:21

Ki Yisa bia ŋamm pak yetib a “N sa yaata, ki i tan sa lomin ki kan lami. I tan sa kpo ŋaan kan poŋ la nyikinchabi; i bia tan kan fit saan ma saa siami.”

Toona 10:41

Ŋaan niib kur kaawa din laatɔ. Li din tee timm nba ki Yennu gannit a tii tee u siara damm nee din laatɔ, ki bia din tuu di ki nyu nanɔ u kuunfiiru poorpo maŋ.

Rom Teeb 5:10

Ti din tuu tee Yennu dataie, ŋaan mɔtana jik u teent u yɔɔsinbae kimaan u Bija nba din kpo na sɔn paak, ki ta tee u yɔɔs na, birsuk ji kaa nan u sa tinnit u manfoor paaki.

Rom Teeb 8:34

Ŋmee be ki sa bu bi buut ki biiribi? Sɔɔ kaa. Yisa Masia wunba din kpo ki fiir kuun ni na amii? Yisa Masia wunba be Yennu niidiitu po ki tee ti sindantinnɔ na amii?

1 Korint teeb 15:20

Ŋaan li tee barmɔniie, Yennu set din fiin Masia kuun niwa. Ŋɔɔ Masia tee sinsinn daanɔ nba fiir kuun ni; ki li want nan binba kur kpo na mun tan sa fiir kuun ni.

1 Korint teeb 15:45

Kimaan li sɔb Yennu gbouŋ ni a “Sinsinn nirɔ Adam na din tee nifosaarike;” ŋaan nirɔ nba joont ki baar na tee Seyeeŋ nba teent manfoore.

Hiibru teeb 7:25

Li paak, binba chat nakin Yennu, ŋɔɔ Yisa sann paak na, u sa fit tinnib mɔtana nan yoo nba kaa gbennu, kimaan u lek be u manfoor ni yoo kur, ki mei Yennu ki teemm.

Fiitu 20:4

Ki n la naangbant, ki Yennu tur binba kar li paak na yaak a bin bu buut. Ki n bia la binba ki bi din pot bi yura na sei; ba din mɔɔntir Yisa barŋanii nan Yennu mɔmaan paak ki bi kpiib; bi din ki jiant bonkobuk na, amii li naauŋ na, amii bi bia din ki gaar bonkobuk maŋ dɔk bi yugbia paak amii bi nii ni. Bi fiir kuun nie ki lakin dii naan nan Masia bintusir. Nee tee sinsinn kpeemm fiiru.