Jɔɔnn 14:12 - Yennu Gbounpaauŋ Mɔɔr

¹² “Barmɔniie ki n beeri na, daanɔ nba teenin yada, u sii tuun toonjaana kaman nan ma tuun biaŋinba na, ki u toonjaana maŋ gbaa sa gar n yara, kimaan n saa n Baa Yennu boore.

Yennu Gbouŋ Mɔɔr

¹² “Barmɔniie ki n beeri na, daanɔ nba teenin yada, u sii tuun toonjaana nan maa tuun biaŋinba nae, ki u toonjaana maŋ gbaa saa gar n yara, kimaan n saa n Baa Yennu boore.

Jɔɔnn 14:12 ပူးပေါင်းရင်းမြစ်များ

Matiu 21:21

Ŋanne ki u jiin ki betib a “Barmɔniie ki n beeri na, li-i tee ki i teen Yennu yada nan barmɔnii ki ki birisɔɔ, i mun sii tuun kaman nan ma tun tiik na biaŋinba nee; ŋaan li ki tee nna kuukɔɔ kaa ki i sa tumi, ŋaan li-i tee ki i bet jɔɔr na gbaa a wun fikit ki saa baa mɔkgbeŋŋir na ni, u sa fikita.

Barŋanii nba ki MAK din sɔb nae na 11:13

Ki u la kinkaŋ nba mɔk faamaasa, ki li see banfɔkira. Ki u saan tiik maŋ nyakir ni a wun sa la siar li paak ki di; ŋaan wa baar leŋ ki u ki la siari see faat kuukɔɔ, kimaan kinkana yoo daa ki baari.

Barŋanii nba ki MAK din sɔb nae na 16:17

Ŋaan binba teenin yada sa tun yaarlituk toona nee: bi sii taan n sann ki nyint narinbiit niib ni; ki bia pak barganii nba ki bi tuu ki mi piakii;

Jɔɔnn 14:28

I poŋ gbat ki n yeti a ‘N nyikitie, ŋaan n bia sa jen i boor ni na.’ Ki li-i tee ki i loonimie, i sii mɔk parpeenn nan ma saa n Baa Yennu boor ni na, kimaan u cheen.

Jɔɔnn 16:7

N beeri barmɔniie, nan li ŋan i po nan ki n yaat saan, kimaan mi-i kii saani, Sommtɔɔ na kan baar i peŋi. Ŋaan mi-i taŋŋi saan, n sa tumɔ i peŋ na.

Jɔɔnn 4:37

Ti mɔk barjouk, ki li yiin a ‘Yenɔe buur, lɔɔe mun tuu tan jaan,’ ki li set tee mɔnii.

Jɔɔnn 5:20

kimaan n Baa maŋ loonin, ma tee u Bija na, ki u wantin linba kur ki u mɔŋ mɔŋ tuun. Ki bia jenna, u bia sa wannin toonjaana mii tuun, ki lin gar biaŋinba ki n te ki jɔɔ na paak gbaa, ki li sa teeni bakitnauŋ.

Jɔɔnn 7:33

Ŋaan ki Yisa din bet nibur na a “N sii be nani yoo waaminne, ki li poorpo ki n ŋmat ki saan wunba tumin na peŋ.

Jɔɔnn 7:39

Yisa nba din piak na, li din want Yennu Seyeeŋ poe; ki binba din tee Yisa yada na din yaa bin tan la Seyeeŋ maŋ. Li yoo na dinn, Yennu daa din ki tur niib Seyeeŋ maŋi, kimaan u daa din ki donn Yisa sanpaapo.

Toona 10:46

kimaan bi gbia ki bi piak barganii ki dont Yennu sann. Ŋanne ki Piita yet a

Toona 16:18

U din tian ki yikin nna ki li mann nan daa ŋaŋŋa nawa. Ŋanne ki Pɔɔl ji din tan miat nan u yikinii maŋ, ki jiant ki bet narinbiiuk nba be sapaamɔ maŋ ni na a “Yisa Masia sann ni, n tura mɔb, nyimin u ni!” Li taakpaak ni ki narinbiiuk na nyii u ni.

Toona 19:12

Ki u din tuu jii u nunfianii ki liat tiat u mɔŋ paak gbaa, ki niib baat ki tan gaan ki paa baatib paak, ki bi yiarii na nyikitib, ki narinbiit nyi baatib ni biak.

Toona 2:33

Ki Yennu bia donnɔ a wun kar u niidiitu po. Wa kar yoonba ki u gaar Yennu Seyeeŋ nba ki Yennu din senn mɔsonn ki yaa a u tan sa turit na, ki sikin ti ni bonchiann. Tɔn, mɔtana, li Seyeeŋe ki i laat ki bia gbia ti ni na.

Toona 2:41

Ki bi siab bonchiann din sak u maan maŋ, kaman nan niib tusa ŋanntaa na, ki bi wurib Yennu nyunwuru, ki bi pukin bi paak li daar maŋ.

Toona 4:16

ki boi bi leeb, a “Ti sa teen jab na nlee na? kimaan sɔɔ kur nba be Jerusalem poŋ mi yaarlituk toonn nba ki bi tun maŋ na. Li paak nna ti ji kan fit nɔi;

Toona 4:33

Li yoo na jik ki toomiinba maŋ din nyint ti Yomdaanɔ Yisa kuunfiiru siara, ki siara maŋ din mɔk paŋ bonchiann, ki Yennu sommir bonchiann din be bi kur ni.

Toona 4:4

Ŋaan ki niib bonchiann nba din gbat Piita maan maŋ teen Yisa yada ki teen Yisaweira. Ki jab nba teen u weira na kann din tee kaman nan tusa ŋaŋŋmu na.

Toona 5:15

Ŋanne ki niib din nyi nan baatib, ki dɔɔntib gadɔi nan dundɔɔnii paak sanjokpinii ni, a Piita-i taŋŋi baar ki gaar yoonba, ki u yunyuŋ-n lek baa bi paak ki bin la laafia.

Toona 6:7

Li poorpoe ki Yennu maan ŋammit ki yat kɔɔ niib ni, ki Yisaweira mun bia yabitir ki pukii bonchiann Jerusalem, ki Yennu manteeb niburchiauŋ sak Yisa barŋanii ki teenɔ yada.

Toona 9:34

Ki Piita tan yetɔ a “Eneas, a Yisa Masia te ki a paaka. Fiit ki ŋamm a dɔɔnu.” Li taakpaak ni ki u fiir.

Toona 9:40

Ŋanne ki Piita nyinn bi kura diiuk na ni, ŋaan gbaan tiŋ ni, ki miar Yennu, ŋaan tan ŋmant kpeemɔ na paak, ki yiin a “Tabita, fiit!” Ki u munt u nunii ki la Piita, ki ji fiir ki kar.

Rom Teeb 15:19

Yennu Seyeeŋ paŋ nee te ki n tuun bakitnauŋ toona na, ki ŋanne te ki bi bann paŋ nba ki u mɔk. Ki n nyii Jerusalem ki bia lin doi ni ki tan baar Ilirikum tiŋ ni ki mɔɔntir Masia barŋanii kura.