Jɔɔnn 13:3 - Yennu Gbounpaauŋ Mɔɔr

³ Ŋaan Yisa ŋarin din mi nan u Baa Yennu turɔ bont kur u nuu niwa, ki bia din mi nan u nyii u Baa Yennu peŋe, ki bia sa ŋmat u peŋa.

Yennu Gbouŋ Mɔɔr

³ Ŋaan Yiisa ŋarin din mi nan u Baa Yennu teen bont kur ŋɔɔ Yiisa nuu niwa, ki bia mi nan u nyii u Baa Yennu boore, ki saa ŋmat u peŋa.

Jɔɔnn 13:3 ပူးပေါင်းရင်းမြစ်များ

Matiu 11:27

“Tɔn, n Baa Yennue wannin barii kura; ki sɔɔ ki mi ma tee wunba, see n Baa maŋ; ki sɔɔ mun bia ki mi n Baa maŋi, see min, u Bija na, nan binba ki n loon ki n fiit wannib na.

Matiu 28:18

Ŋanne ki u chat ki nakimm, ŋaan yet a “Yennu turin sanpaapo nan tiŋ ni yent kurawa.

Barŋanii nba ki LUK din sɔb nae na 10:22

Ki Yisa ŋamm yet a “N Baa Yennue wannin barii na kura; ki sɔɔ ki mi ma tee wunba see n Baa maŋ, ŋaan sɔɔ mun bia ki mi n Baa maŋ nba tee wunba, see min u Bija na, nan binba ki n loon ki n fiit wannib na.”

Jɔɔnn 1:18

Sɔɔ kaa ki mi la Yennu; u mɔŋ biyenn nba mantik kpiau ki bia yek nanɔ na, ŋɔɔe fiitɔ ki turit.

Jɔɔnn 13:1

Yoo nba ki yukitgar tiaru jaamm daa ki piin na, ki Yisa din mi nan yoo nee ki u sa nyi tingbouŋ na ni, ki ŋmat u Baa peŋ. U din loon u tiauŋ poorpoweiteeb nba be tingbouŋ na ni, ki ji yaa wun wannib biaŋinba ki u mantik loomm.

Jɔɔnn 17:2

kimaan fine turin yikoo niib kur paak, a man fit lian tur niib kur nba ki a turin maŋ manfoor nba kaa gbennu.

Jɔɔnn 3:13

Sɔɔ kaa ki doo Yendɔuŋ ni see min nisaarik Bik nba nyii Yendɔuŋ ni na.”

Jɔɔnn 3:35

Yennu loon u Bija, ki kubinɔ bona kur u nuu ni.

Jɔɔnn 7:29

Ŋaan min miu, kimaan n tuu be u boor nie, ki u tan tumin nna.”

Jɔɔnn 7:33

Ŋaan ki Yisa din bet nibur na a “N sii be nani yoo waaminne, ki li poorpo ki n ŋmat ki saan wunba tumin na peŋ.

Jɔɔnn 8:14

Ki Yisa jiin betib, “Mi-i lekii piak ki want n mɔŋ poie, ŋaan ma yet linba, li tee mɔniie, kimaan min mi ma nyii siaminba, ki bia mi ma saa siaminba. Yimm ŋarin ki mi ma nyii siami. I bia ki mi ma saa siami.

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.

Toona 2:36

Ki Piita bia yet a “Tɔn, li ŋan ki yimm Israel teeb kur-n bann nan li tee Yisa nee, wunba ki i daan te ki bi kpaau dapunpunn paak ki kpiiu na, ŋɔɔe ki Yennu wann nan u tee u Niganntɔɔ Masia, ki bia tee ti Yomdaanɔ biak.”

1 Korint teeb 15:27

Li sɔb Yennu gbouŋ ni a “U jii bont kur ki teen u nuu ni;” ŋaan li ki wann a Yennu mɔŋ pukin bont kur maŋ ni.

Hiibru teeb 1:2

ŋaan mɔtana u te ki u Bija nba ki u gannɔ a wun yent bonsiar kur na poŋ pak nan timm; ki u din te ki u Bija maŋ nan dunia kur.