Jɔɔnn 13:18 - Yennu Gbounpaauŋ Mɔɔr

¹⁸ “N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe yaa wun nyi n poor.’ See ki sɔbu na fabir teen mɔnii ki gbeen.

Yennu Gbouŋ Mɔɔr

¹⁸ “N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe nyii n poor.’ See ki sɔbu na fabir gbee nan mɔnii.

Jɔɔnn 13:18 ပူးပေါင်းရင်းမြစ်များ

Matiu 10:36

Nirɔ mɔŋ mɔŋ ŋaateebe tan sii tee u datai.

Matiu 26:21

Ba din di yoonba ki Yisa yetib a “Barmɔniie ki n beeri na, i ni yenɔ sa nyi n poor ki fikisin.”

Matiu 26:23

Ki u jiin ki yet a “Wunba ki min nan ŋɔɔ lakin sukii kpinsenyeŋ ni nee sa nyi n poor.

Barŋanii nba ki MAK din sɔb nae na 14:17

Ki Yisa nan u poorpoweiteeb piik nan bannlee na tan baar dajouk.

Barŋanii nba ki MAK din sɔb nae na 14:18

Ba kar ki di jeet yoonba, ki u tan betib a, “Barmɔniie ki n beeri na, min nan i yenɔ nba di jeet na, li yɔɔ yaa wun nyi n poore.”

Barŋanii nba ki MAK din sɔb nae na 14:20

Ki u jiin betib a “Li lek tee i piik nan bannlee na ni yenɔ nba ki min nan ŋɔɔ lakii tuun senyeŋ ni ki di jeet nee.

Barŋanii nba ki LUK din sɔb nae na 22:21

“Gotir man, wunba yaa wun nyi n poor na, ŋɔɔe kar ki di nanin na.

Jɔɔnn 13:21

Yisa nba din yet nna poorpoe, ki parbiir baarɔ bonchiann; ki u betib a “Barmɔniie ki n beeri na, i ni yenɔ yaa wun nyi n poore.”

Jɔɔnn 13:22

Ki li ŋmat bi yan nan wa yeen wunbaie; ki bi jiantir gorii bi leeb.

Jɔɔnn 13:26

Ki Yisa jiin a “Mi-i tei ŋmit boroboro ki tun suk kpint ni ki tur wunba, yin bann nan li yɔɔe na.” Ŋanne ki u ŋmit boroboro na ki suk kpint ni, ki jii ki tur Judas wunba tee Simon Iskariot bik na.

Jɔɔnn 15:16

Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Jɔɔnn 15:19

Li-i bo-i tee ki i tee tingbouŋ na ŋaaniibie, tingbouŋ na ŋaateeb bo sii looni kaman nan ba loon bi mɔŋ niib biaŋinba nee. Ŋaan n ganni ki nyinni tingbouŋ na niib niwa, ki i ji ki tee tingbouŋ na ŋaateeb yabi; li paake teen ki bi nami.

Jɔɔnn 15:25

Linba na teen nnee, a ba din sɔb linba n po bi sennu ni na sa fit lian teen mɔnii, ki li sɔb a ‘Bi namin, ki li ki mɔk paaki.’

Jɔɔnn 17:12

Ma daa be namm na, n diab fanu nan a sann nba ki a din purin na ni. N baak bi paak, ki bi ni sɔɔ ki teen yanni, see wunba tee Sintaanii yɔɔ na. Wa teen yann na, li tee kaman nan la sɔb Yennu gbouŋ ni biaŋinbae.

Jɔɔnn 18:32

Yisa nba din yaa a kubooru nba ki u tan sa kpo na, li din set tan tee nnee, ki fit lian gbee.

Jɔɔnn 19:24

ki bi yet bi leeb a “I daa pati. Ŋaant ki ti tɔ tiatia ki laan wunba sa yentir.” Li din teen nna, a Yennu gbouŋ nba din yet nna, lin fit lian gbee a “Bi chent n tiat, ki bia tɔ tiatia n tiŋ po liatfouk paak.” Nnee ki lanjimanba na set din tun.

Jɔɔnn 19:36

Li din teen Yisa nna a lin gbeen linba sɔb Yennu gbouŋ ni a “Bi kan yeer u kpaba nan yennkɔɔwa.”

Jɔɔnn 21:17

Ki taar munntaa ni biak ki Yisa boiɔ “Simon, wunba tee Jɔɔnn bik, a loonimii?” Ki Piita par ni ji biir, kimaan Yisa nba boiɔ taar munntaa ni a “A loonimii?” na. Ki u yetɔ a “N Yomdaanɔ, a mi bonsiar kur. A mi nan n loona.” Ki Yisa betɔ “I dint n pei.

Jɔɔnn 6:70

Ki Yisa yetib, “Yimm jab piik nan bannlee na, mine ganni, ŋaan ki i ni yenɔ tee Sintaanii yɔɔ.”

Toona 1:16

ki yet a “N naa waas, linba ki Yennu Seyeeŋ din te ki David din sint bunt buntir ki jikit saa Judas po, ki li sɔb Yennu gbouŋ ni na, li tee talase ki li set tan teen ki gbee na. Judas maŋe tee daanɔ nba daan wann niib ki bi soor Yisa na.

Toona 1:2

Ŋaan sinsinn daann, wa din daa ki doo na, Yennu Seyeeŋ yaak nie ki u din wann wa din gann binba ki teemm u toomiinba na, ba sii tuun biaŋinba.

2 Korint teeb 4:5

Ti ki mɔɔntir ti mɔŋ mɔŋ po kaa, ŋaan ti mɔɔntir Yisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

Hiibru teeb 4:13

Ki bonnankar kur dɔɔ yeenin ni, ki Yennu wunba tan sa bu bi buut na ninbina laatib; ki bonsiar kaa ki bɔri.

Fiitu 2:23

ki kpi u weira kura; ki n weira kur sa bann nan mine tee wunba mi niib dudukit nan bi loomm nba tee biaŋinba, ŋaan sa tur sɔɔ kur u toona nyɔɔt nba tee biaŋinba.