Jɔɔnn 13:11 - Yennu Gbounpaauŋ Mɔɔr

¹¹ Yisa poŋ din mi wunba sa nyi u poor na. Li paake te ki u din yet yaa a “Yenɔ kuukɔɔe mɔk jakint.”

Yennu Gbouŋ Mɔɔr

¹¹ Yiisa poŋ din mi wunba saa nyi u poor na. Li paake ki u din yet a, “I kura ji ki mɔk jakinti, ŋaan yenɔkɔɔe mɔk jakint.”

Jɔɔnn 13:11 ပူးပေါင်းရင်းမြစ်များ

Jɔɔnn 13:18

“N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe yaa wun nyi n poor.’ See ki sɔbu na fabir teen mɔnii ki gbeen.

Jɔɔnn 13:2

Li yoo na ki ŋɔɔ nan u poorpoweiteeb din di jeet; ki Sintaanii poŋ din dɔŋ ki te ki Judas Iskariot wunba tee Simon bik na dukin a u sa nyi Yisa poor.

Jɔɔnn 13:21

Yisa nba din yet nna poorpoe, ki parbiir baarɔ bonchiann; ki u betib a “Barmɔniie ki n beeri na, i ni yenɔ yaa wun nyi n poore.”

Jɔɔnn 13:26

Ki Yisa jiin a “Mi-i tei ŋmit boroboro ki tun suk kpint ni ki tur wunba, yin bann nan li yɔɔe na.” Ŋanne ki u ŋmit boroboro na ki suk kpint ni, ki jii ki tur Judas wunba tee Simon Iskariot bik na.

Jɔɔnn 17:12

Ma daa be namm na, n diab fanu nan a sann nba ki a din purin na ni. N baak bi paak, ki bi ni sɔɔ ki teen yanni, see wunba tee Sintaanii yɔɔ na. Wa teen yann na, li tee kaman nan la sɔb Yennu gbouŋ ni biaŋinbae.

Jɔɔnn 18:4

Yisa ŋarin din mi bonsiar kur nba yaa lin teenɔ, ŋanne ki u nyii tɔɔnn, ki boib a “I loon ŋmee?”

Jɔɔnn 2:25

U din mi niib dudukit bonŋann. Li paak u din ki loon sɔɔ-n wannɔ nifosaarik binbeŋ po.