Jɔɔnn 12:48 - Yennu Gbounpaauŋ Mɔɔr

⁴⁸ Ki wunba yêenin ki ki saak n maan na, bonte be ki sa bu u buut; maan nba ki n pak ki u ki sak nee tan sa bu nanɔ dunia gbennu daar.

Yennu Gbouŋ Mɔɔr

⁴⁸ Ki wunba yêenin ki ki saak n maan na, barbuurɔ be ki saa bu u buut; maan nba ki n pak ki u ki sak nae tan saa bu nanɔ durinya gbennu daar.

Jɔɔnn 12:48 ပူးပေါင်းရင်းမြစ်များ

Matiu 10:15

Barmɔniie ki n beeri na, daar nba ki Yennu tan sa bu niib buut na, doo maŋ niib tubdatu tan sa gar Sodom teeb nan Gomora teeb yara.

Matiu 21:42

Ki Yisa boib a “I daa ki mi karin la sɔb Yennu gbouŋ ni biaŋinba-aa? Li sɔb a ‘Tann nba ki tanmaara yêtɔ na, ŋanne set tee lɔtik ni tanŋann, ki ti Yomdaanɔ Yennue teen nna, ki li teent bakitnauŋ na.’ ”

Matiu 25:31

“Tɔn, min nisaarik Bik-i taŋŋi jen nan n paŋ nan malakanba kura, n tan sa kar n naangbouŋ paak, ki la baakchiauŋ,

Barŋanii nba ki MAK din sɔb nae na 12:10

I daa ki mi karin la sɔb Yennu gbouŋ ni biaŋinba-aa? Li sɔb a ‘Tann nba ki tanmaara yêtɔ na, ŋanne din set tee lɔtik ni tanŋann, ki ti Yomdaanɔ Yennu teen nnee, ki li teent bakitnauŋ na.’ ”

Barŋanii nba ki MAK din sɔb nae na 16:16

Wunba kur teenin yada, ki bi wurɔ Yennu nyunwuru, u sa la tinnu; ŋaan wunba kur ki teenin yada, Yennu sa bu u buut ki biirɔwa.

Barŋanii nba ki MAK din sɔb nae na 8:31

Ki Yisa ji want u poorpoweiteeb a “See ki min nisaarik Bik dii fara bonchiann, ki saakab nan Yennu jiantu yudamm nan sennu wannteeb-n tan yêtin, ki bia kpin; ŋaan li daa ŋanntaa daar ki n sa fiir kuun ni biak.”

Barŋanii nba ki LUK din sɔb nae na 10:16

Li yoo na ki u din bet u poorpoweiteeb a “Wunba gbia i maan, u gbia mine; ŋaan wunba yêti, u yêt mine; ŋaan wunba yêt min, u yêt Yennu wunba tumin nee mun biak.”

Barŋanii nba ki LUK din sɔb nae na 17:25

Ŋaan sinsinn n tan sa di fara bonchiann; ki mɔtana nigbouŋ bia tan sa yêtin.

Barŋanii nba ki LUK din sɔb nae na 20:17

Ki Yisa gotib ŋaan yetib a “Li sɔb Yennu gbouŋ ni a ‘Tann nba ki tanmaara yêtɔ na, ŋanne din set tee lɔtik ni tanŋann.’ ki maan maŋ paak tee bee?

Barŋanii nba ki LUK din sɔb nae na 7:30

ŋaan ki Farisiinba nan sennu wannteeb din ki gaar linba ki Yennu lor turib, kimaan bi din ki sak a Jɔɔnn-n wurib Yennu nyunwuru.

Barŋanii nba ki LUK din sɔb nae na 9:22

ki bia yetib a “Li kpaa talas nan min nisaarik Bik-n di fara bonchiann; ki ti tiŋ ni saakab nan Yennu jiantu yudamm nan sennu wannteeb sa yêtin, ki bia kpima, ŋaan li daa ŋanntaa daar ki Yennu sa fiinin kuun ni.”

Barŋanii nba ki LUK din sɔb nae na 9:26

Wunba tiin fei ki jîin min nan n wannu na po, min nisaarik Bik-i taŋŋi jen nan n paŋ, nan n Baa Yennu paŋ, nan u malakanba paŋ, li yoo maŋ n tan sa tin fei nan man jii li daanɔ ki pukinɔ n niib niwa.

Jɔɔnn 11:24

Ki Maata jiinɔ, “N mi nan u tan sa fiir kuun ni dunia gbennu daar, daar nba ki kpeemm tan sa fiir kuun ni na.”

Jɔɔnn 5:45

I daa dukii nan n sa pak maan ki biiri n Baa Yennu boori. Daanɔ nba sa pak biiri, ŋɔɔe tee Moses, wunba ki i daan u po na.

Jɔɔnn 6:39

Ŋɔɔ Yennu nba tumin na, u lomme tee a n daa boont binba ki u turin na nan yenɔ kuukɔɔwa, ŋaan tan fiimm kuun ni dunia gbennu daar.

Jɔɔnn 8:47

Wunba nyii Yennu peŋ, ŋɔɔe gbia Yennu maan; ŋaan ya ki nyii Yennu peŋ na, li paake te ki i ki gbia Yennu maan maŋi.”

Toona 17:31

kimaan ŋɔɔ Yennu poŋ senn daar nba ki u sa bu tingbouŋ na ŋaateeb kur buut chib chib. U sa te ki sɔɔ nba ki u gannɔ na-n bu buut maŋ, ki u set fiinɔ kuun ni, ki li tee nyinn ki tur sɔɔ kur a ŋɔɔe sii tee barbuurɔ.”

Toona 3:23

ki daanɔ nba ki gbat sɔkinii maŋ maami, Yennu sa nyinn li yɔɔ i sinsuuk ni ki biirɔ.’

Rom Teeb 2:16

Tɔn, li tan sii tee nnee daar maŋ daar nba ki Yennu tan sa bu niib kur para ni buut Yisa Masia paak, kaman nan ma mɔɔntir barŋanii maŋ biaŋinba na.

2 Korint teeb 4:3

Li paak, li-i tee ki Yennu barŋanii paak bɔrie, li bɔr binba kpet Yennu sɔnu ni na boor nie.

2 Tesalonika teeb 1:8

ki tan dat binba ki sak u barŋanii ki bia ki mi Yennu na tuba;

Hiibru teeb 10:25

ki daa nyikit lakina nan ti leeb kaman nan nisiab nba nyikit lakinu biaŋinba na, ŋaan i sommit leeb man, ki mantik tee ta ji laat ki ti Yomdaanɔ daar maŋ nyarii naki biaŋinba na paak.

Hiibru teeb 12:25

Li paak, i mi man ki i yêt wunba kpaani na mɔb, kimaan Israel teeb nba din yêt wunba din kpaamm tingbouŋ na ni mɔb na, u din tan ki nyik bi tubdatu; ki ti-i yêt u kpaanii nba nyii Yendɔuŋ ni na, ti tan sa teen nlee ki nyi tubdatu ni?

Hiibru teeb 2:3

Li paak, ti-i kii sak ki gbiint tinnjaann maŋ labaar fanu, ti sa teen nlee ki nyi tubdatu ni? Ti Yomdaanɔ tiauŋo din dɔŋ mɔn tinnu maŋ labaar na po, ki binba din gbat na din wannit a li set tee barmɔniie;

Hiibru teeb 4:12

Kimaan Yennu mɔmaan maŋ tee barii nba foe, ki mɔk paŋ, ki bia di ki gar jukbanjiak nba kur ŋma mɔi ŋannlee. Yennu mɔmaan fit ŋma ki kɔɔ baat nisaarik seek nan u manfoor boor ni, ki kɔɔ baat u tukita nan u kpaba beesin ni, ki kɔɔ bɔkitir u dudukit nan u par ni bibikit.

1 Piita 1:5

ki guu yimm nba ki Yennu paŋ dia-i i yada paak, a yin la i tinnu nyɔɔt nba teen siir ki sa nyi paanu dajoontii na.

2 Piita 3:3

Sinsinn, n loon ki yii tian nan nisiab nba waa bi para loonbiit tan sii be dajoontii ni, ki tan sii sarikiti,

2 Piita 3:7

Ŋaan ŋɔɔ Yennu mɔmaame bia lek sii dia sanpaak nan tiŋ nba be mɔtana na mɔkmɔk nan yoo nba ki u tan sa te ki li kura-n di muu, ki biir biitdamm, kimaan li daar u tan sa bu bi buut ki biirib.