Jɔɔnn 12:46 - Yennu Gbounpaauŋ Mɔɔr

⁴⁶ N baar tingbouŋ ni na ma mii tei yentir niibe, ki daanɔ nba teenin yada, u kan biar bunbɔnn ni.

Yennu Gbouŋ Mɔɔr

⁴⁶ N baar tingbouŋ na ni a mii tee yentue ki tur niib, ki daanɔ nba teenin yada, u kan biar bunbɔnn ni.

Jɔɔnn 12:46 ပူးပေါင်းရင်းမြစ်များ

Matiu 4:16

binba be bunbɔnn ni na la yentjaann; binba kar kuun bunbɔnn yent ni na la ki yentu na yentir ki baatib.”

Barŋanii nba ki LUK din sɔb nae na 2:32

U sii tee yentu ki sa fiit wann binba ki tee Israel teeb a sɔnu, ki bia sa te ki niib-n dont a niib Israel teeb.”

Jɔɔnn 1:9

Yisae din tee barmɔnii yentu nba din baar tingbouŋ na ni, ki ji yentir niib kur ni.

Jɔɔnn 3:19

Linba paak te ki Yennu bu bi buut ki biirib maŋ tee nnee: Yennu Bija din baar tingbouŋ na ni a wun yent tingbouŋ na niib nummpo, ŋaan ki nifosaarik loon bunbɔnn ki gar yentu maŋ, kimaan bi toona nba bi biaŋinba na paak,

Jɔɔnn 8:12

Ŋanne ki Yisa bia ŋamm piak nan niib Yennu jiantu ŋasaakak ni, a “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba sii yentir u binbeŋ, ki u kii turin bunbɔnn ni.”

Jɔɔnn 9:39

Ŋanne ki Yisa yet a “N baar tingbouŋ na ni a n bu niib buut, ki bia yent binba ki mɔk ninyentir numm po, ŋaan dɔkin binba mɔk ninyentir numm po.”

Jɔɔnn 9:5

Ma daa be tingbouŋ nna, n tee tingbouŋ na niib yentue.”

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a “Fin nba gɔɔnt, fan fiir gɔɔn ni, ki li want nan a fiir kuun nie na, ki Masia sa tura u yentu.”