Jɔɔnn 12:26 - Yennu Gbounpaauŋ Mɔɔr

²⁶ Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Yennu Gbouŋ Mɔɔr

²⁶ Daanɔ nba loon wuu tuun n toonn, see ki u waan, ki maa tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan saa donnɔwa.”

Jɔɔnn 12:26 ပူးပေါင်းရင်းမြစ်များ

Matiu 16:24

ŋaan bet u poorpoweiteeb a “Wunba-i loon wun wein, see ki u likin u saaŋmaŋ ki jii u kuun dapunpunn kii waan,

Matiu 25:21

Ki u yomdaanɔ na betɔ a ‘N faan, a tee daabiŋanɔe, ki bia tuun fanu; fa dia waaminna fanu biaŋinba na, li paak, n sa jii saamewa ki teen a nuu ni. Parpeenn nba ki n mɔk na, li ji tee min nan fin yare.’

Barŋanii nba ki MAK din sɔb nae na 8:34

Ŋanne ki Yisa yiin u poorpoweiteeb nan nibur nba waau na, ki tan betib a “Wunba-i loon wun wein, see ki u likin u saaŋmaŋ, ki jii u kuun dapunpunn kii waan,

Barŋanii nba ki LUK din sɔb nae na 12:37

Daaba nba ki bi chanbaa kpen ki lab ki bi guu u kpenu na, parpeenn tee bi yare. Barmɔniie ki n beeri na, bi chanbaa na sa te ki u daaba-n kar ki wun baar nan jeet ki turib ki bin di.

Barŋanii nba ki LUK din sɔb nae na 6:46

“Bee ki i yin i Yomdaanɔ ŋaan ki tuun ma loon biaŋinba?

Barŋanii nba ki LUK din sɔb nae na 9:23

Ŋanne ki u yet bi kur a “Wunba-i loon wun wein, see ki u likin u saaŋmaŋ ki jii u kuun dapunpunn daar kur kii waan,

Jɔɔnn 10:27

N pei saak n mɔb, ki n mib, ki bi waan,

Jɔɔnn 13:16

Barmɔniie ki n beeri na, daabir ki chee u daanɔ, ki toomu mun ki chee wunba tumɔ na.

Jɔɔnn 14:15

“Li-i tee ki i loonin, i sii saak n mɔb,

Jɔɔnn 14:3

Ki mi-i kun ki sa teen i diit na siir ki gbenn, n bia sa jenna ki tan jii-i, ki i mun tan sii be siaminba ki n tan sii be na.

Jɔɔnn 15:20

Yii tian maan nba ki n paki na man, a ‘Daabir kaa ki chee u yomdaanɔ.’ Tɔn, bi-i mukisin, bi mun sa mukisiiwa; ki bi-i sak n maan, bi mun bia sa sak i maama.

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Jɔɔnn 21:22

Ki Yisa jiin yetɔ a “Mi-i loon ki wuu be nan ma tan sa jen, li ki laani. Fin-ii waan.”

Rom Teeb 1:1

Min Pɔɔl, wunba tee Yisa Masia toontunnɔ, ki u yiinin a n teen u toomii, ki Yennu gannin a n mɔɔnt u barŋanii.

Rom Teeb 14:18

Wunba waa Masia nna, Yennu sii mɔk parpeenn nan li daanɔ, ki niib bia sii teeu nibaakir.

2 Korint teeb 4:5

Ti ki mɔɔntir ti mɔŋ mɔŋ po kaa, ŋaan ti mɔɔntir Yisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

2 Korint teeb 5:8

Ti mɔk parcheenn ki summan tin nyi gbanant na nie ki kun ti Yomdaanɔ boor ni.

Galasia teeb 1:10

N ki yiab ma n gaar nisaarik pinpakit kaa, ŋaan Yennu yare ki n loon, kimaan mi-i loon nisaarik pinpakitie, n bo kan teen Masia daabiri.

Filipi teeb 1:23

Li bona ŋannlee nee daarin; n mantik bo loon man nyik manfosiar nba nee, ki saan kii sai be Masia boor ni, ŋanne bo sii tee linba chee ki gar.

Kolosa teeb 3:24

Yi tian man nan ti Yomdaanɔ maŋ tan sa turi nyɔɔt nba tee u niib yar sanpaapo, kimaan Masia tee barmɔnii Yomdaanɔ ki i tuun teenɔ.

Kolosa teeb 4:12

Epafras wunba mun bia tee i yenɔ nan Yisa Masia toontunnɔ na foonti. U mei Yennu nan nunmɔnn yoo kura ki teeni a ŋɔɔ Yennu-n te ki yin set kenken, kii tee nisubirteeb nba tuun Yennu loomm na,

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

1 Jɔɔnn 5:3

ki li-i biakii tee ki ti dia u sennu, ŋanne want nan ti loonɔ. Ki bia jenna, u sennu maŋ ki paari,

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.

Fiitu 14:4

Ŋamme tee jab nba dia bi mɔŋ fanu ki ki chommi, ki ki mi dɔɔ nan poo gbaa; ŋamme bia waa Pebik na ki saa siaminba kur ki u saa; ŋamme tee binba ki Yennu gannib nisaarii sinsuuk ni a bin teen sinsinn teeb nba ki ŋɔɔ Yennu nan Pebik na gaarib.