Jɔɔnn 12:25 - Yennu Gbounpaauŋ Mɔɔr

²⁵ Tɔn, daanɔ nba loon u manfoor ki gar wa loon min Yisa biaŋinba, u sa kɔŋ u manfoore; ŋaan daanɔ nba loonin ki gar wa loon u manfoor biaŋinba tingbouŋ na ni na, ŋɔɔe kan boon u manfoori; li tan sii tee manfoor nba kaa gbennue.

Yennu Gbouŋ Mɔɔr

²⁵ Tɔn, daanɔ nba loon u manfoor ki gar waa loon min Yiisa biaŋinba, u saa kɔŋ u manfoore; ŋaan daanɔ nba loonin ki gar waa loon u manfoor biaŋinba tingbouŋ na ni, ŋɔɔe kan boon u manfoori; li tan sii tee manfoor nba kaa gbennue.

Jɔɔnn 12:25 ပူးပေါင်းရင်းမြစ်များ

Matiu 10:39

Wunba yaa ŋɔɔ dekii u manfoor tan sa kɔŋŋira, ŋaan wunba likin u saaŋmaŋ n paak, u tan sa la u manfoora.

Matiu 16:25

kimaan wunba ki saak wun jii u manfoor ki turin, ŋɔɔe tan sa kɔŋŋir, ŋaan wunba likin u saaŋmaŋ n paak, ŋɔɔe tan sa la u manfoor nan barmɔnii.

Matiu 19:29

Ki wunba kur nyik u ŋaak, amii u yɔɔrib, amii u waarii, amii u baa, amii u naa, amii u waas, amii u kpaant, n sann paak, u tan sa la bona booru booru kobik, ki bia la manfoor nba kaa gbennu.

Barŋanii nba ki MAK din sɔb nae na 8:35

kimaan wunba ki saak wun jii u manfoor ki turin, ŋɔɔe tan sa kɔŋŋir, ŋaan wunba likin u saaŋmaŋ, min nan barŋanii na paak, ŋɔɔe tan sa la u manfoor nan barmɔnii.

Barŋanii nba ki LUK din sɔb nae na 14:26

“Wunba loon ki wuu be nanin, see ki wuu loonin ki gar wa loon u chanbaa, nan u naa, nan u poo, nan u waas, nan u yɔɔrib, nan u waarii, nan u mɔŋ manfoor biaŋinba na. Li-i kii tee nnai kaa, u kan fit ki teen n poorpoweitɔɔ.

Barŋanii nba ki LUK din sɔb nae na 17:33

Tɔn, wunba ki saak wun likin u saaŋmaŋ n paak, u tan sa kɔŋ u manfoor; ŋaan wunba likin u saaŋmaŋ n paak, ŋɔɔe tan sa la manfoor nan barmɔnii.

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Toona 21:13

Ŋaan ki u ji din jiin a “Bee teen ki i mɔ ki loon ki i kɔnn n kpinkpenti? Ba tan sa lorin Jerusalem na paak kuukɔɔ kaa, ŋaan min ŋarin poŋ teen siir nan ki n kpo ti Yomdaanɔ Yisa paaka.”

Hiibru teeb 11:35

Ki poosiab din la bi nikpiimm nba din kpo na fiir kuun ni. Ki siab nba din teen Yennu yada paak, ki niib boob ki kpiib, ki bi ki yêt Yennu weiu a bin nyi kuun maŋ ni, kimaan bi loon bin fiir kuun ni ki la manfoor nba chee.

Fiitu 12:11

a Pebik na sɔn nan u barŋanii nba ki bi mɔɔntir na paake ki bi nyann Sintanii na; ki bi ki tiin bi manfoor na ki sak nan kuum-i baarib, bi sa gaar.