Jɔɔnn 11:55 - Yennu Gbounpaauŋ Mɔɔr

⁵⁵ Tɔn, ki Juu teeb yukitgar tiaru jaamm tan per, ki niib bonchiann nyii digbana ki baar Jerusalem, a bin daa ŋamm bi mɔŋa, ki fit lian teen bi mɔŋ siir ki di jaamm na.

Yennu Gbouŋ Mɔɔr

⁵⁵ Tɔn, ki Juu teeb yukitgar tiaru jaamm tan per, ki niib bonchiann nyii digbana ki baar Jerusalem, a bin daa ŋamm bi mɔŋa, ki fit lian teen siir ki di jaamm na.

Jɔɔnn 11:55 ပူးပေါင်းရင်းမြစ်များ

Matiu 26:1

Yisa nba din pak maan maŋ kur ki gbenn yoonba ki u bet u poorpoweiteeb a

Matiu 26:2

“I mi nan daarpoe tee yukitgar tiaru jaamm, ki bi daan sa jii min nisaarik Bik ki tur niib a bin kpaan dapunpunn paak.”

Barŋanii nba ki MAK din sɔb nae na 14:1

Tɔn, daa ŋannlee din biar nan yukitgar tiaru jaamm nan daa nba ki bi di boroboro nba ki bi din tuu ki tee datiŋ na-n piin, ki Yennu jiantu yudamm nan sennu wannteeb loon sɔnu a bin bɔr soor Yisa ki kpiu, ki yeen a

Barŋanii nba ki LUK din sɔb nae na 22:1

Yoo nba din tan per nan bin tikir jaamm ki ŋman boroboro nba kaa datiŋ na, ki bi din yi jaamm maŋ yukitgar tiaru jaamm,

Jɔɔnn 12:1

Tɔn, daa ŋannloob daar din tan biar nan yukitgar tiaru jaamm-n di, ki Yisa nan u poorpoweiteeb saan Betani, doo nba ki Lasarus be na. Ŋɔɔe ki Yisa din fiinɔ kuun ni na.

Jɔɔnn 13:1

Yoo nba ki yukitgar tiaru jaamm daa ki piin na, ki Yisa din mi nan yoo nee ki u sa nyi tingbouŋ na ni, ki ŋmat u Baa peŋ. U din loon u tiauŋ poorpoweiteeb nba be tingbouŋ na ni, ki ji yaa wun wannib biaŋinba ki u mantik loomm.

Jɔɔnn 18:28

Kayafas nba din boi Yisa buboit ki gbenn na poorpoe, ki Juu teeb yudamm jiiu ki saan nanɔ tiŋ na yudaanɔ nba ki bi yiu Pailat na ŋaak ni. Li din tee sanyapob nie. Ki Juu teeb yudamm maŋ ki loon ki bin kɔɔ ŋaak maŋ ni, kimaan bi din loon bin dia bi mɔŋe bonŋann Yennu boor ni, a ki bin tan fit lian di yukitgar tiaru jaamm.

Jɔɔnn 2:13

Ŋanne ki Israel teeb yukitgar tiaru jaamm tan per, ki Yisa saan Jerusalem, a wun saa di jaamm maŋ.

Jɔɔnn 2:6

Tɔn, ŋaan sɔɔ siar nna see leŋ ki naan bui ŋannloob, linba ki Israel teeb tuu tee nyun leŋ ki nit kaman nan bi jiantu nba tee biaŋinba, ki li bui din fit kɔɔ sɔborii nan nyun, ki li baat kaman nan piinnlee amii piinntaa nawa.

Jɔɔnn 5:1

Li poorpoe ki Juu teeb jaansiar tan baar, ki Yisa saan Jerusalem.

Jɔɔnn 6:4

Li yoo ki sɔɔ ki Juu teeb yukitgar tiaru jaamm per na.

Toona 21:24

Tɔn, fin nan ŋamm-ii saa ki saa ŋamm i mɔŋ, ŋaan ki a pa likirii bi paak, ki bin koor bi yura, ki sɔɔ kur-n fit lian bann nan maan nba ki bi tuu piak a po na, li set ki tee mɔnii kaa, ŋaan a mɔŋ poŋ waa Moses sennu maŋ nan li sɔnu.

Toona 21:26

Ŋanne ki Pɔɔl din jii jab maŋ, ki li tan yent sanyiɔk, ki ŋɔɔ nan ŋamm din ŋamm bi mɔŋ, ki fit lian kɔɔ Yennu jiantu ŋasaakak ni, a bin wann nan daa nba ki bi sii be nan ba tan sa baar nan piinii ki tur Yennu, ki gbenn bi mɔpora maŋ.

Toona 24:18

Tɔn, sinsinn, ma daan ŋamm n mɔŋ gbenna, ki n daa be Yennu jiantu ŋasaakak ni, ki daa pi piinii maŋ, ki bi kɔɔ ki lan leŋ. Li yoo na niib daan ki yab ŋaak maŋ ni, ki fuut mun bia kaa.

1 Korint teeb 11:28

Sɔɔ kur-n ŋamm u mɔŋ fanuwa, ŋaan lian fit ŋman boroboro na ŋaan nyu bonnyunyuut na.

Jeems 4:8

Chatir nakin Yennu boor man, ki u mun sa nakini. Yimm biitdamm, wuut i nii man; yimm dudukit ŋannlelee damm, ŋammit i para man.