Jɔɔnn 11:52 - Yennu Gbounpaauŋ Mɔɔr

⁵² Ŋaan li ki tee Juu teeb kuukɔɔ kaa ki u tan sa gaar bi paak ki kpo, ŋaan nan binba kur tee Yennu niib ki yat be tingbouŋ na ni nae ki u sa gaar bi paak ki kpo, ki bin taan nan leeb mɔyomm.

Yennu Gbouŋ Mɔɔr

⁵² Ŋaan li ki tee Juu teeb kuukɔɔ kaa ki u tan saa gaar bi paak ki kpo, ŋaan nan binba kur tee Yennu niib ki yat be tingbouŋ na ni nae ki u saa gaar bi paak ki kpo, ki bin taan leeb kii tee yomm.

Jɔɔnn 11:52 ပူးပေါင်းရင်းမြစ်များ

Barŋanii nba ki LUK din sɔb nae na 15:8

“Ki poo mun-i mɔk kutlikbinn piik, ki yenɔ tan boti, u sa teen nlee? See ki u joo fitir ki piar u diiuk ki lon fanu nan wa tan sa lar.

Barŋanii nba ki LUK din sɔb nae na 2:32

U sii tee yentu ki sa fiit wann binba ki tee Israel teeb a sɔnu, ki bia sa te ki niib-n dont a niib Israel teeb.”

Jɔɔnn 1:12

Ŋaan binba kur gaarɔ ki teenɔ yada ki jii bi mɔŋ ki turɔ, ŋamme ki u din chabib ki bi ji teen Yennu waas.

Jɔɔnn 1:29

La yent sanyiɔk, ki Jɔɔnn maŋ la Yisa ki u baat, ki u bet niib na a “Gotir man! Yennu marouŋ pebikii na. Ŋɔɔe sa nyinn tingbouŋ na ŋaateeb biit.

Jɔɔnn 10:16

Pelei be ki tee n yab, ŋaan ŋamm ki tee pelook maŋ ni yabi. See ki n baar nan ŋamm mun biak, ki bi sa sak n mɔb, ki bi kur ji sii tee pebooryeŋ, ki mɔk pekpaaryeŋ kɔɔ.

Jɔɔnn 12:32

Bi-i taŋŋi jii-n ki donnin tiŋ sanpaapo yoonba, n sa dak niib kur ki bin baar n peŋ.”

Toona 18:10

kimaan n be nana, ki sɔɔ kaa ki sa kpira ki teena daŋi, kimaan niib bonchiann be doo na ni ki sii tee n yab.”

Rom Teeb 3:29

Yennu tee Juu teeb kuukɔɔ Yennuee? Aaii, u tee Juu teeb nan binba ki tee Juu teeb Yennue.

Rom Teeb 4:17

kaman nan la sɔb Yennu gbouŋ ni ki u yet Abraham a “N teena nibooru bonchiann baae.” Li paak, Yennu boor Abraham tee ti baae, Yennu wunba ki Abraham teenɔ yada na, ŋɔɔe te ki kpeemm laat manfoa, ki bia piak linba daa ki be po kaman nan li set be.

Efesus teeb 1:5

li paak, u loomm nan u lora ni u poŋ din dukinewa a Yisa Masia nie ki u sa teenit u waas.

Efesus teeb 3:11

Ti Yomdaanɔ Yisa Masia nie ki u din tun linba na kaman nan wa din lor biaŋinba na.

Jeems 1:1

Min Jems, wunba tee Yennu toontunnɔ ki bia tee ti Yomdaanɔ Yisa Masia toontunnɔ, n foont Israel nibooru piik nan bannlee nba yat ki be tingbouŋ na kur ni.

1 Piita 1:1

Min Piita nba tee Yisa Masia toomii nee sɔbin gbouŋ na ki teen Masiaweira nba yat ki be Pontus nan Galasia nan Kapadosia nan Asia nan Bitinia tinii ni ki tee saamm na.

1 Jɔɔnn 2:2

Ki wa din sik ki tan gaar ti paak ki kpo na, ŋɔɔe ji teen ti marouŋ Yennu boor ni ti toonbiit paak; ki u marouŋ maŋ, li ki tee timm Masiaweira kuukɔɔ toonbiit paak kaa, ŋaan li tee timm nan tingbouŋ na ŋaateeb kur toonbiit paake.

1 Jɔɔnn 3:1

Lek gotir man loonbooru nba ki ti Baa Yennu mantik loont na. U loomm maŋ mantik ji sa yabite, ki u jiit ki teenit u waas, ki ti set mun tee u waase. Ŋaan tingbouŋ na ŋaateeb ki mi ta tee niboorsiab nba, kimaan bi ki mi Yennu.

1 Jɔɔnn 3:10

Ŋaan binba kur ki tuun popeenn toona, bi ki tee Yennu waas kaa. Ki bia jenna, binba kur mun bia ki loon bi naa waasi, bi bia ki tee Yennu waas kaa. Ŋannii want binba tee Yennu waas nan binba tee Sintaanii waas.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent nan ta tan sii be biaŋinba. Ŋaan ta daa mi linbae na, a Yisa-i taŋŋi jeni, ti tan sa la wa set tee biaŋinba, ki li paak, ti tan sa kpint ki naan nan ŋɔɔ nee.

Fiitu 5:9

Ki bi yiin yanpaanii ki teen Pebik na ki yeen a, “A set jaŋ nan fan gaar gbanpɔɔbir na ki tabit li yiit ŋannlore na, kimaan a din kpoe ki jii a sɔn ki daa niib ki tur Yennu; niib maŋ nyii nibooru booru kur ni, nan mabooru kur ni, nan maaru kur ni, nan tingbouŋ na yent kur ni.