Jɔɔnn 11:42 - Yennu Gbounpaauŋ Mɔɔr

⁴² N mi nan yoo kur a saak n miaru, ŋaan ma yet nna na, kimaan n loon ki nibur nba be nna na-n gbat ki teen yada nan fine tumin.”

Yennu Gbouŋ Mɔɔr

⁴² N mi nan yoo kur a saak n miaru, ŋaan n yet nna, kimaan n loon nibur nba be nna na n gbat ki teen yadae nan fine tumin.”

Jɔɔnn 11:42 ပူးပေါင်းရင်းမြစ်များ

Matiu 26:53

Nnara, n bo sa fit miar n Baa Yennu sommir po, ki u bo sa tun malakanba yiama, ki bin gar tusa piik nan ŋannlee.

Jɔɔnn 11:22

Ŋaan n mi nan mɔtana gbaa, li-i tee ki a miar Yennu linba kur po, u sa turawa.”

Jɔɔnn 11:31

Ki Juu teeb nba be nan Mari ŋaak ni ki maant u par na, ba la ki u nyii yian yian na, ki bi mun wei nyii, kimaan bi mi a u saa kaauk boore a wun saa bui kpemɔnii.

Jɔɔnn 11:43

Wa yet nna maŋ, ŋaan yiin sanpaapowa a “Lasarus, nyimin na.”

Jɔɔnn 12:11

Li din tee Lasarus kuun fiiru paake ki Juu teeb bonchiann din nyik Yennu jiantu yudamm maŋ, ŋaan teen Yisae yada ki waau.

Jɔɔnn 12:17

Niburchiauŋ nba din be Yisa boor ni Betani yoo nba ki u yiin Lasarus a wun nyi kaauk ni ŋaan fiinɔ kuun ni na, ki bi din la ki mɔɔntir li barii.

Jɔɔnn 17:21

N bia meia ma bi kura-n taan mɔyomme. N Baa, fa be n ni, ki n mun be a ni biaŋinba na, ŋaant ki bi mun-n taan nant mɔyomm ti ni nna; ŋannii sa te ki tingbouŋ na ŋaateeb-n teen yada nan fine tumin.

Jɔɔnn 17:25

N Baa, Popeendaanɔ na, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Jɔɔnn 17:8

kimaan n pakib maan nba ki a turin nawa, ki bi mun gaara, ki mɔtana bi ji bann nan n set nyii a peŋe nan mɔnii, ki bi teen yada nan fine tumin.

Jɔɔnn 20:31

Ŋaan toonjaana nba sɔb ki be nna na, bi sɔb a yin teen yada nan Yisae tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, i sa la manfoor nba kaa gbennu, u paak.

Jɔɔnn 3:17

kimaan Yennu nba din tun u Bija tingbouŋ na ni, u din ki tumɔ a wun tan bu tingbouŋ na niib buut ki biirib kaa, ŋaan u din yaa wun tinnibe.

Jɔɔnn 8:16

Mi-i poŋii yaa n bu nirɔ buutie gbaa, n sa bu u buut nan barmɔniie, kimaan n ki bu buut n kuukɔɔ kaa, ŋaan n Baa nba tumin nee be nanin.

Jɔɔnn 8:29

Ki wunba tumin nae be nanin. U ki nyikit n kuukɔɔ, kimaan n tuu tuun linba gboot u numme.”

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.

Rom Teeb 8:3

Yennue tun u mɔŋ Bija tingbouŋ na ni, a wun gaar gbanant nba naan nan timm biitdamm gbanant na, ki tan gaar ti paak ki kpo ti biit paak. Ki u kuun maŋ paak, Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

Galasia teeb 4:4

Ŋaan yoo nba din tan jaŋ na, ki Yennu tun u mɔŋ mɔŋ Bija, ki poo din marɔ, ki u din be Juu teeb sennu ni,

Hiibru teeb 5:7

Tɔn, Yisa nba din be tingbouŋ na ni yoonba na u din mei Yennu ki barimɔ, ki bui nan ninnyuut Yennu nba sa fit fatɔ kuun ni na boor ni. Ki wa din baakit Yennu na paak ki Yennu din gbat u miaruwa.

Hiibru teeb 7:25

Li paak, binba chat nakin Yennu, ŋɔɔ Yisa sann paak na, u sa fit tinnib mɔtana nan yoo nba kaa gbennu, kimaan u lek be u manfoor ni yoo kur, ki mei Yennu ki teemm.

1 Jɔɔnn 4:14

Ki linba pukin biak, ti din laat u Bija, ki mɔtana ti mɔɔntir nan u Baa Yennu din sikinɔ tingbouŋ na ni, a wuu tee tingbouŋ na ŋaateeb Tinntɔɔ.