Jɔɔnn 10:32 - Yennu Gbounpaauŋ Mɔɔr

³² Ki Yisa yetib a “I poŋ la ki n tun toonŋana bonchiann, linba ki n Baa Yennu yaa a n tun, ki toonŋana maŋ ni, lann paake te ki i ji yaa i jaatimi?”

Yennu Gbouŋ Mɔɔr

³² Ki Yiisa yetib a, “I poŋ la ki n tun toonŋana bonchiann, linba ki n Baa Yennu yaa n tun, ki toonŋana maŋ ni, lann paake te ki i yaa i jaatimi?”

Jɔɔnn 10:32 ပူးပေါင်းရင်းမြစ်များ

Matiu 11:5

a i la ki jɔɔnii nyɔɔntir, ki wɔbii taa naatir ki bi somm, ki gbaata ŋaat gbent, ki tukpaa ji gbia, ki kpeemm fi kuun ni, ki talasdamm gbiintir barŋanii mɔɔntii.

Jɔɔnn 10:25

Ki Yisa jiimm, “N poŋ daan betiiwa, ŋaan ki i ki teenin yada. Toona nba ki n tuun nan n Baa Yennu yaak na ni, ŋannii want ma tee wunba.

Jɔɔnn 10:31

Li yoo na ki Juu teeb yudamm na tɔkii tana a bin jaatɔ ki kpiu.

Jɔɔnn 10:33

Ki bi jiin ki yetɔ a “Ti ki loon ki tin jaata tana toonŋansiar paak kaa, ŋaan fa jikit a mɔŋ ki yek nan Yennu na paak. A kpan tee nirɔe, ŋaan yi a mɔŋ Yennu, ki li tee bonbilankante.”

Jɔɔnn 10:37

Li-i tee ki n ki tuun n Baa Yennu na toonaie, ŋann i daa tee-n yada.

Jɔɔnn 5:36

“Bakitnauŋ toonjaana nba ki n tuun na, ŋannii want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki n tuun, ki toona maŋ want n siara nan n Baa Yennue tumin.

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Toona 2:22

Ŋanne ki Piita bia ŋamm yet a “Yimm Israel teeb, gbiintir man linba ki n yaa n beti ki jikit saa Yisa nba tee Nasaret nirɔ na po; i mɔŋ mɔŋ mi nan Yennu te ki u tuu tuun bakitnauŋ toonjaana nan nyina i ni, ki li set want nan mɔnii nan Yennue tumɔ.

1 Jɔɔnn 3:12

Li ki ŋan ki tii be kaman nan Keenn nba din be biaŋinba na; ŋɔɔ din tee bonbiiuk daanɔ Sintaanii yɔɔe, ki din kpii u waarɔ. Bee paake te ki u din kpiiu? U din la u waarɔ tuun toonŋana, ŋaan ki u yar bi.