Jɔɔnn 10:18 - Yennu Gbounpaauŋ Mɔɔr

¹⁸ Sɔɔ kaa ki sa nyinn n manfoor maŋi, ŋaan n mɔŋ mɔŋe yaa n nyinnir, kimaan n mɔk yikoo ki sa nyinnir, ki bia mɔk yikoo ki tan sa lar. Nnee ki n Baa betin a n tun.”

Yennu Gbouŋ Mɔɔr

¹⁸ Sɔɔ kaa ki saa nyinn n manfoor maŋi, ŋaan n mɔŋe yaa n jii chab, kimaan n mɔk yiikoo ki saa fit chabir, ki bia mɔk yiikoo ki tan saa lar. Linba nae ki n Baa betin a n tun.”

Jɔɔnn 10:18 ပူးပေါင်းရင်းမြစ်များ

Jɔɔnn 10:11

“Mine tee pekpaaŋaŋ, ki pekpaaŋaŋe kpenn u pei paak.

Jɔɔnn 10:17

“N Baa Yennu loonin, kimaan n yaa n nyinn n manfoor, ki li poorpo ki n bia sa ŋamm la n manfoor maŋ.

Jɔɔnn 14:31

N loon tingbouŋ na teeb-n bann nan n loon n Baa Yennu nan mɔnii; li paake teen ki n tuu tuun linba ki u tuu betin a n tun. “Ŋaant man ki tin fiir ki yaat.”

Jɔɔnn 15:10

Li-i tee ki i saak n mɔb, n loomm sii be i ni. Li mun bia tee nnee ki n saak n Baa Yennu mɔb, ki u loomm mun be n ni.

Jɔɔnn 19:11

Ki Yisa ji jiinɔ a “Yennu-i bo-i kii chaba yikoo, a bo kii mɔk n yikoo. Li paak, daanɔ nba soorin ki jiin kubina na, u biit yab bonchiann ki gar a yara.”

Jɔɔnn 5:26

N Baa nba yen manfoor ki teen niib na, nnee mun ki u te ki min u Bija mun yen manfoor ki teen niib,

Jɔɔnn 5:30

“N kan fit tun siar nan n mɔŋi. Mi-i bu nirɔ buut biaŋinba, Yennue tuu betin ma n bu. Li paak teen ki n buut ŋan, kimaan n ki loon ki n tun n mɔŋ yanbɔɔtoona kaa, ŋaan n tuun Yennu nba tumin na yanbɔɔtoonae.

Jɔɔnn 6:38

kimaan n nyii Yendɔuŋ ni ki sik na ma n tun Yennu nba tumin na yanbɔɔtoonne, ŋaan li ki tee n mɔŋ mɔŋ yanbɔɔt kaa.

Toona 2:24

“Wa daan kpo ki daa be kuun nii ni na, ki Yennu fatɔ ki fiinɔ kuun ni, kimaan kuun ki fit diau.

Toona 2:32

Ki Piita bia ŋamm yet a “Yisa nba nee ki Yennu daan fiinɔ kuun ni, ki ti kura na mun tee u kuunfiiru maŋ siara damm.

Toona 3:15

Li paak, yimme te ki bi kpii Manfoturtɔɔ maŋ; ŋaan ki Yennu fiinɔ kuun ni, ki timme tee linba na siara damm.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 2:9

Ŋaan ti laat Yisae. Ŋɔɔe ki Yennu din te ki u pɔ malakanba yoo waaminna, a wun gaar sɔɔ kur paak ki kpo, ŋɔɔ Yennu ninbatinu ni na. U kuun fara dinu maŋ paak ki Yennu te ki u la dontir nan paku.