Jɔɔnn 10:12 - Yennu Gbounpaauŋ Mɔɔr

¹² Ŋaan wunba kpaar pei likirii paak, ŋaan ki ki tee pekpaarik nan mɔnii, ki bia ki yen pei na, li-i tee ki u la ki kinkatir tan baat yoonba, see ki u chiar ŋaan nyik pei na; ki kinkatir-n ji baar ki soorib, ki pelei na-n yat.

Yennu Gbouŋ Mɔɔr

¹² Ŋaan wunba kpaar pei likirii paak, ki ki tee pekpaarik nan mɔnii, ki bia ki yen pei na, li-i tee ki u la kinkatir baat yoo nba, see ki u chiar ŋaan nyik pei na; ki kinkatir na n ji baar ki soorib, ki binba tenn na n yat.

Jɔɔnn 10:12 ပူးပေါင်းရင်းမြစ်များ

Matiu 10:16

“Gotir man, n tuumi ki i sii tee kaman nan pei nba be kinkata sinsuuk ni. Yii sub man kaman nan walabirii na, ŋaan kii be soonna kaman nan ŋmana na.

Matiu 7:15

“I mi man faak sɔkiniinba na po, binba baat i boor ni ki naan nan pei na, ŋaan tee kinkata nan barmɔnii na.

Jɔɔnn 10:13

U tuu chiare, kimaan u kpaar pei na likirii paake, ki u baka kaa pei na ni.

Jɔɔnn 10:2

Ŋaan nirɔ nba tɔkin pelook na tammɔb ki kɔɔ, li yɔɔe tee pei maŋ kpaarik.

Jɔɔnn 10:3

U-i taŋŋi baat a wun kɔɔ, tammɔguurɔ na sa loote, wun kɔɔ; ki u yi u mɔŋ mɔŋ pei na sana, ki bi gbia u mɔb, ki u nyintib.

Toona 20:29

N mi nan mi-i kaa, nibiit tan sa baar i sinsuuk ni, ki biir Yisaweira siab kaman nan kinkata nba tuu so pei biaŋinba na.

1 Timoti 3:3

ki daa nyu daan ki yibi, ki daa loon fuut nan kunkɔna, ŋaan kii be soonna nan parmaasir, ki daa loon likirii bonchianni.

1 Timoti 3:8

Li bia kpaa talas ki Masia niib sommteeb-ii munii mɔk binbenŋaŋ, ki daa mɔk mɔleemii. Li kpaa talas ki bi daa nyu daan bonchiann, ki bia daa tee binba di fobit bi liklommu ni.

2 Timoti 4:10

Demas mantik loon tingbouŋ na bona bonchiann, li paak u nyikin ki mun saan Tesalonikawa.

Taitus 1:7

kimaan Masiaweira yudaanɔ yen Yennu toona; li paak, li kpaa talas ki u daa mɔk biiti; u daa tee bongann, amii wunba dont wutoor yann yanni, amii wunba nyu daan ki yibi, amii wunba loon kunkɔna, amii wunba mantik mɔk likilonchiauŋi.

1 Piita 5:2

n kpaaniie, yii guu Yennu niib nba be i nuu ni na, ki li daa tee miar kaa, ŋaan ki lii tee i yanbɔɔte, Yennu nba loon biaŋinba; ki li bia daa tee likirii paaki; ŋaan ki lii tee i kpan koor a i tume.

2 Piita 2:3

Bi sii mɔk nianchiauŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li ji kan yukir ki u sa dat bi tuba.