Jɔɔnn 1:51 - Yennu Gbounpaauŋ Mɔɔr

⁵¹ Barmɔniie ki n beeri na, i sa la sanpaapo loot, ki Yennu malakanba siik nisaarik Bik na paak, ki ŋmat do sanpaapo.”

Yennu Gbouŋ Mɔɔr

⁵¹ Barmɔniie ki n beeri na, i saa la sanpaapo loot, ki Yennu malakanba siik Nisaarik Bik na paak, ki ŋmat do sanpaapo.”

Jɔɔnn 1:51 ပူးပေါင်းရင်းမြစ်များ

Matiu 25:31

“Tɔn, min nisaarik Bik-i taŋŋi jen nan n paŋ nan malakanba kura, n tan sa kar n naangbouŋ paak, ki la baakchiauŋ,

Matiu 26:24

Min nisaarik Bik set sa kpo kaman nan Yennu gbouŋ nba wann biaŋinba nee, ŋaan bonbiir sii be wunba yaa wun nyi n poor na paak. Bi-i bo-i diŋŋi kii mar li daanɔ gbaa, li bo din sɔ.”

Matiu 3:16

Wa wur Yisa Yennu nyunwuru ki gbenn yoonba, li taakpaak ni ki Yisa nyii nyun na ni; ki sanpaapo tan loot, ki u la ki Yennu Seyeeŋ siik u paak ki naan nan ŋmann na, ki tan jakin u paak.

Matiu 4:11

Ŋanne ki Sintaanii ji din yaat ŋaan nyikɔ, ki Yennu malakanba sik ki tan teenɔ saauŋ.

Matiu 8:20

Ki Yisa yetɔ a “Lunlona mɔk fɔrii, ki nɔɔnii mun bia mɔk tiat, ŋaan min nisaarik Bik ki mɔk dundɔɔnboori.”

Matiu 9:6

N ji sa wanni nan min nisaarik Bik mɔk yikoo tingbouŋ na ni ki sa nyik chab niib bi biit;” ŋaan jiant bet jɔɔ nba ki u gbanant kpo na a “Fiit ki jii a liaŋ kii kun a ŋaak ni.”

Barŋanii nba ki MAK din sɔb nae na 1:10

Yisa nba din nyii nyun maŋ ni ki doo yoonba, li taakpaak ni ki u la ki sanpaapo loot, ki Yennu Seyeeŋ sik tɔɔn u paak ki naan nan ŋmann;

Barŋanii nba ki MAK din sɔb nae na 14:62

Ki Yisa jiin a “Nn, mine na. I tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”

Barŋanii nba ki LUK din sɔb nae na 2:13

Li yoo na ki Yendɔuŋ ni malakanba bonchiann dɔkit ki pukin malaka na po, ki piak Yennu ki yeen a:

Barŋanii nba ki LUK din sɔb nae na 2:9

Ki ti Yomdaanɔ Yennu malakasɔɔ din tan dɔkit bi paak, ki ti Yomdaanɔ Yennu yentsaakar yent lintib. Ki jaŋmaanii nan waat mantik ji din soorib bonchiann.

Barŋanii nba ki LUK din sɔb nae na 22:43

Ki malaka nyii sanpaapo ki tan dɔkit u paak ki totɔ.

Barŋanii nba ki LUK din sɔb nae na 22:69

La nyii mɔtana ki jii saa min nisaarik Bik tan sii kar Yabint Yennu nuudiitu po.”

Barŋanii nba ki LUK din sɔb nae na 24:4

ki bi ji biar see jiiaa. Li taakpaak ni ki jab bannlee see ki lia liatnyinyira;

Barŋanii nba ki LUK din sɔb nae na 3:21

Yoo nba ki Jɔɔnn din wur niib kur Yennu nyunwuru na, ki Yisa tan baar u boor ki u wur u mun Yennu nyunwuru. Leŋ maŋe ki Yisa din mei Yennu, ki sanpaapo tan loot,

Jɔɔnn 1:50

Ki Yisa boiɔ, “Ma yeta a n la-a ki a kar kinkaŋ nyakir nie, ki a teenin yada-aa? ŋaan a sii laat toonjaana ki lin gar linba na paak.

Jɔɔnn 10:1

Ki Yisa bia yetib a “Barmɔniie ki n beeri na, nirɔ nba ki tɔkin pelook tammɔb ki kɔɔ, ŋaan doo joonn ki kɔɔ, li yɔɔe tee nanyukɔɔ.

Jɔɔnn 10:7

Li paak, ki u bia ŋamm ki betib a “Barmɔniie ki n beeri na, mine tee pelook na tammɔb.

Jɔɔnn 13:16

Barmɔniie ki n beeri na, daabir ki chee u daanɔ, ki toomu mun ki chee wunba tumɔ na.

Jɔɔnn 13:38

Ki Yisa boiɔ a “A set teen siir nan mɔnii nan ki a gaar n paak ki kpo-oo? Barmɔniie ki n beera na, kojouk daa tan kan bui daanni, ki a tan sa nɔi taar munntaa a a ki mimi.”

Jɔɔnn 14:12

“Barmɔniie ki n beeri na, daanɔ nba teenin yada, u sii tuun toonjaana kaman nan ma tuun biaŋinba na, ki u toonjaana maŋ gbaa sa gar n yara, kimaan n saa n Baa Yennu boore.

Jɔɔnn 16:20

Barmɔniie ki n beeri na, i tan sii fabin ki mɔ, ŋaan tingbouŋ na ŋaateeb ŋarin tan sii mɔk parpeenne. I sii mɔk parbiir, ŋaan li poorpo ki i parbiir maŋ tan sa tunn ki teen parpeenn.

Jɔɔnn 16:23

“Li yoo-i taŋŋi baar, i tan kan boin buboiti, kimaan i tan sii mi li paak. Barmɔniie ki n beeri na, linba kur ki i mei n Baa Yennu nan n sann ni, u sa turiiwa.

Jɔɔnn 21:18

Barmɔniie ki n beera na, fa din daa tee naasimɔ na, a din tuu lia a tiat, ki saa siaminba po ki a loon; ŋaan a-i taŋŋi kpet yoonba, a sa tant a nii, ki sɔɔ sa lanna tiat, ki mukisa ki a saan siaminba po ki a ki looni.”

Jɔɔnn 3:3

Ki Yisa betɔ a “Barmɔniie ki n beera na, sɔɔ kan fit ki kɔɔ Yennu naan ni, ki li ki tee ki bi ŋamm marɔ kaa.”

Jɔɔnn 3:5

Ki Yisa yetɔ a “Barmɔniie ki n beera, nirɔ maaru, li kan fit jaŋ nan wun baar Yennu naan ni, ŋaan see ki u la maaru munnlee, ki li tee Yennu Seyeeŋ yar. Nnee-i kaa, u kan fit ki baar Yennu naami.

Jɔɔnn 5:19

Ŋanne ki Yisa betib a “Barmɔniie ki n beeri na, min Yennu Bija laat n Baa Yennu nba tuun linbae, ki n mun tuun. N kan fit tun siar nan n mɔŋi. N Baa maŋ nba tuun linba, n mun tuun ŋanne,

Jɔɔnn 5:27

ki u bia teenin yikoo a mii bu niib buut, kimaan n tee nisaarik Bike.

Jɔɔnn 6:26

Ki Yisa betib, “Barmɔniie ki n beeri na, li tee ma won turi jeet ki i dii ki gboo nee, ŋanne te ki i loomin maŋ, ŋaan li ki tee ya la n bakitnauŋ toonjaana na kaa.

Jɔɔnn 6:32

Ki Yisa yetib a “Barmɔniie ki n beeri na, li ki tee Moses kaa din teeni jeet maŋi, ŋaan li din tee n Baa Yennue. Ki mɔtana ki u ji loon wun turi jeet nan mɔnii mɔnii nba nyi u boor ni.

Jɔɔnn 6:47

“Barmɔniie ki n beeri na, daanɔ nba teenin yada, ŋɔɔe mɔk manfoor nba kaa gbennu.

Jɔɔnn 6:53

Ki Yisa betib, “Barmɔniie ki n beeri na, see ki i ŋman min nisaarik Bik gbanant, ki bia nyuu n sɔn. Nnee kaa, i kii mɔk manfoor maŋ i ni.

Jɔɔnn 8:34

Ki u yetib a “Barmɔniie ki n beeri na, sɔɔ kur nba tuun toonbiit, u tee biit daabire.

Jɔɔnn 8:51

Barmɔniie ki n beeri na, daanɔ nba saak n maan, u kan mi ki kpo.”

Jɔɔnn 8:58

Ki Yisa jiin yetib a “Barmɔniie ki n beeri na, ba din tan maar Abraham na, ŋaan sɔɔ ki min ŋarin poŋ kpan be.”

Toona 10:11

ki sanpaapo loot ki bonsiar nna naan chinchenn ki nyii sanpaapo, ki bi dia li mɔgbana ŋanna ki sikint tiŋ ni,

Toona 7:56

ki u yet a “Gotir, n la ki sanpaapo loot ki nisaarik Bik see Yendɔuŋ ni, Yennu niidiitu po.”

2 Tesalonika teeb 1:7

ki fat yimm nba di fara na, ki mun bia fatit. Yennu tan sa tun linba na yoo nba ki ti Yomdaanɔ Yisa nan u yabint malakanba tan sa nyi Yendɔuŋ ni ki baar nan mupeenu,

2 Tesalonika teeb 1:9

ki ti yabint Yomdaanɔ nba be yentchiauŋ ni tan sa nyinnib u boor ni, ki bi sa la biiru nba kaa gbennu;

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Hiibru teeb 1:14

Li paak, malakanba tee bee? Bi kur tee sei nba jiantir Yennue, ki ŋɔɔ Yennu tuumm a bii sommit niib nba la tinnu na.

Juud 1:14

Enok wunba paa Adam yoo paak munnlore ni na din sɔkin ki yet bi po a “Ti Yomdaanɔ nan u malakanbaŋamm tusa tusa baat

Fiitu 19:11

Li poorpo ki n la ki Yendɔuŋ loot, ki tanpeeŋ see leŋ, ki wunba jakɔ na sana tee Yadadaanɔ nan Barmɔndaanɔ; ki u bu buut nan li barmɔnii ki bia tookit tɔbii nan barmɔnii;

Fiitu 4:1

Li poorpo ki n bia la Yendɔuŋ ni gann ki li loot, ki n gbat kunkɔr nba ki n poŋ gbat na ki li bia piak ki teenin ki naan nan kikaak nba tuu mɔ biaŋinba na; ki kunkɔr maŋ betin a n do nna ki wun wannin linba sa tun nanna poorpo.