Jɔɔnn 1:45 - Yennu Gbounpaauŋ Mɔɔr

⁴⁵ Ki Filip mun saan ki saa lon Natanael boor ki betɔ a “Ti la wunba ki Moses din sɔb u po Yennu sennu gbouŋ ni, ki sɔkiniinba bia din sɔb u po, ki pak a u sa baar na. Ŋɔɔe tee Yisa wunba tee Josef bik, ki u nyii Nasaret.”

Yennu Gbouŋ Mɔɔr

⁴⁵ Ki Filip mun saan ki saa lon Natanael boor ki betɔ a, “Ti la wunba ki Moses din sɔb u po Yennu sennu gbouŋ ni, ki sɔkiniinba bia din sɔb u po, ki pak a u saa baar na. Ŋɔɔe tee Yiisa, wunba tee Joosef bija, ki nyii Nasaref na.”

Jɔɔnn 1:45 ပူးပေါင်းရင်းမြစ်များ

Matiu 10:3

nan Filip nan Batolomiu; nan Tomas, nan Matiu wunba din tee lampogaartɔɔ na; nan Jems wunba din tee Alfeus bik na, nan Tadeus;

Matiu 13:55

Waa, kanpinta bik na kaa na-aa? U naa kaa tee Mari na-aa? U waarii kaa tee Jems nan Josef nan Simon nan Judas na-aa?

Matiu 2:23

Ki u din saan ki saa kar doo nba ki bi yi Nasaret na ni, a lin teen gbeen maan nba ki Yennu sɔkiniinba nba din sɔb linba na a “Bi tan sii yiu Nasaret nirɔe.”

Matiu 21:11

Ŋanne ki nibur na jiin a “Yisa, wunba tee Yennu sɔkinii nba nyii Nasaret nba be Galilee tingbouŋ ni na.”

Barŋanii nba ki MAK din sɔb nae na 14:67

ki gotɔ sirrr, ki tan yetɔ a “A mun tuu waa Nasaret nirɔ Yisa maŋ.”

Barŋanii nba ki MAK din sɔb nae na 6:3

Kanpinta na kaa na-aa? Mari bija na kaa-aa? Ŋɔɔ kaa tee Jems nan Josef nan Judas nan Simon yɔɔrɔ na-aa? U niipoob kaa be nna na-aa?” Ki bi yêenɔ.

Barŋanii nba ki LUK din sɔb nae na 18:37

Ki bi betɔ a “Yisa nba tee Nasaret nirɔ nee gaar.”

Barŋanii nba ki LUK din sɔb nae na 2:4

ki Josef mun din nyii Nasaret nba be Galilee tingbouŋ ni, ki saan Judea tingbouŋ ni, ki kun kpanbar David doo ni, ki bi yi doo maŋ Betlehem; kimaan u din tee David yaaboonne.

Barŋanii nba ki LUK din sɔb nae na 2:48

Ki u baa nan u naa nba din lau leŋ, ki li bakitib bonchiann; ki u naa ji boiɔ, “N bik, bee ki a teent nna? A ki mi a min nan a baa la parbiir hei ki loomani?”

Barŋanii nba ki LUK din sɔb nae na 24:27

Ŋanne ki u wantib u barii nba sɔb Yennu gbouŋ kur ni na paak, ki piin Moses sɔbu ni nan sɔkiniinba sɔbu kura ni.

Barŋanii nba ki LUK din sɔb nae na 24:44

Ŋanne ki u betib a “I tian man n mɔmaan nba ki n daan wanti ma daan be i boor ni yoonba na, a n barii kur nba sɔb Moses sennu ni, nan Yennu sɔkiniinba sɔbu ni, nan Yennu gbouŋ nba ki bi yi yanii na nɔɔk ni, a li kpaa talas nan li kur-n tan mantik tun ki gbenn.”

Barŋanii nba ki LUK din sɔb nae na 3:23

Yoo nba ki Yisa din piin Yennu toonn na, ki u din tan baar kaman nan bina piinntaa na. Niib din dukii nan u tee Josef bijae; ki Josef baa din tee Heli,

Barŋanii nba ki LUK din sɔb nae na 4:22

Ki bi kur ji din piakɔ; ki li bakitib nan mamamm nba ki u pak na, ki bi ji boi bi leeb a “Josef bija na kaa na-aa?”

Jɔɔnn 1:44

Filip din nyii Betsaidae. Leŋe tee doo nba ki Andru nan Piita mun din nyii na.

Jɔɔnn 12:21

ki bi tan saan Filip peŋ, wunba nyii Betsaida nba be Galilee tiŋ ni na; ki bi yetɔ a “Chanbaa, ti loon ki ti la Yisa.”

Jɔɔnn 14:8

Ki Filip yetɔ a “N Yomdaanɔ, wantit a Baa maŋ, ki ti numm-n gboo.”

Jɔɔnn 18:5

Ki bi jiin a “Yisa nba tee Nasaret nirɔ na.” Ki u betib a “Mine na.” Ki Judas, wunba nyii u poor na, ki u see leŋ namm.

Jɔɔnn 18:7

Ki Yisa ŋamm boib a “I loon ŋmee?” Ki bi bia yaa a “Yisa nba tee Nasaret nirɔ na.”

Jɔɔnn 19:19

Ki Pailat sɔb sɔbu ki bi tabin Yisa dapunpunn na yur paak, ki li yaa a “Nasaret nirɔ Yisa wunba tee Juu teeb kpanbarii na.”

Jɔɔnn 21:2

Simon Piita nan Tomas (wunba ki bi din yiu Jaak na) nan Natanael (ŋɔɔe din nyii Kana nba be Galilee tiŋ ni na), nan Sebedee waas, nan Yisa poorpoweiteleeb bannlee din lakin be Taiberias mɔkgbeŋŋir maŋ ni.

Jɔɔnn 6:42

Ki bi boi leeb a “U ki tee Yisa wunba tee Josef bija na kaa na-aa? Ti mi u baa nan u naa. Nlee ki u yaa a u nyii Yendɔuŋ ni?”

Jɔɔnn 6:5

Yisa nba din kar maŋ na, ki u tan got la ki niburchiauŋ baat u peŋ. Ki u tan boi Filip a “Ti sa la jeet lee ki daa, ki dinn niib na kuri?”

Jɔɔnn 6:7

Ki Filip jiin a “Ti-i yaa ti daa boroboro ki tur niib na, li sa fit di nan pɔŋ kobii ŋannlee nawa, ki sɔɔ kur-n fit la waan.”

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Toona 2:22

Ŋanne ki Piita bia ŋamm yet a “Yimm Israel teeb, gbiintir man linba ki n yaa n beti ki jikit saa Yisa nba tee Nasaret nirɔ na po; i mɔŋ mɔŋ mi nan Yennu te ki u tuu tuun bakitnauŋ toonjaana nan nyina i ni, ki li set want nan mɔnii nan Yennue tumɔ.

Toona 22:8

Ki n jiin ki boi ma ‘N Yomdaanɔ, ŋmee?’ Ki u betin a ‘Min, Nasaret nirɔ Yisae, ki a mukisirin maŋ.’

Toona 26:9

“Sinsinn, n mɔŋ mɔŋ din dukin nan li kpaa talase nan ki n tun bonsiar kur ki biir Nasaret nirɔ Yisa sann.

Toona 3:6

Ŋaan ki Piita betɔ a “Ti lek ki mɔk likirii ki sa turani, ŋaan ta mɔk linbae ki ti yaa tin tura. Mii tura mɔb Yisa Masia nba tee Nasaret nirɔ na sann ni, fiit kii somm,”