Jɔɔnn 1:4 - Yennu Gbounpaauŋ Mɔɔr

⁴ ki u nie biak ki manfoor be, ki u jikit ki teen niib, ki li manfoor maŋe tee niib yentu,

Yennu Gbouŋ Mɔɔr

⁴ ki u nie biak ki manfoor be, ki u jikit teen niib, ki manfoor maŋe teen niib yentu,

Jɔɔnn 1:4 ပူးပေါင်းရင်းမြစ်များ

Matiu 4:16

binba be bunbɔnn ni na la yentjaann; binba kar kuun bunbɔnn yent ni na la ki yentu na yentir ki baatib.”

Barŋanii nba ki LUK din sɔb nae na 2:32

U sii tee yentu ki sa fiit wann binba ki tee Israel teeb a sɔnu, ki bia sa te ki niib-n dont a niib Israel teeb.”

Jɔɔnn 11:25

Ki Yisa betɔ, “Mine fiint kpeemm ki teemm manfoa. Daanɔ nba teenin yada, ŋɔɔe sii mɔk manfoor, u lekii kpo gbaa;

Jɔɔnn 12:35

Ki u jiin yetib a “Min nba tee yentu na sii be i boor waaminnee. Li paak, i somm man yentu maŋ ni, la daa be na, ki bunbɔnn kan fit lian baar i ni, kimaan wunba somm bunbɔnn ni, u ki mi wa saa siaminba po.

Jɔɔnn 12:46

N baar tingbouŋ ni na ma mii tei yentir niibe, ki daanɔ nba teenin yada, u kan biar bunbɔnn ni.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 3:19

Linba paak te ki Yennu bu bi buut ki biirib maŋ tee nnee: Yennu Bija din baar tingbouŋ na ni a wun yent tingbouŋ na niib nummpo, ŋaan ki nifosaarik loon bunbɔnn ki gar yentu maŋ, kimaan bi toona nba bi biaŋinba na paak,

Jɔɔnn 5:21

N Baa nba fiint kpeemm biaŋinba ki teemm manfoa na, nnee mun, ki min nba tee u Bija na mun sa tur binba ki n gann na manfoa.

Jɔɔnn 5:26

N Baa nba yen manfoor ki teen niib na, nnee mun ki u te ki min u Bija mun yen manfoor ki teen niib,

Jɔɔnn 8:12

Ŋanne ki Yisa bia ŋamm piak nan niib Yennu jiantu ŋasaakak ni, a “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba sii yentir u binbeŋ, ki u kii turin bunbɔnn ni.”

Jɔɔnn 9:5

Ma daa be tingbouŋ nna, n tee tingbouŋ na niib yentue.”

Toona 26:23

a Yennu Niganntɔɔ Masia tan sa fabir di fara ki kpo, a ŋɔɔe bia tan sii tee sinsinn daanɔ nba tan sa fiir kuun ni, a ki li paak ki u bia tan sa mɔɔnt ki tur Juu teeb nan binba ki tee Juu teeb mun biak, ki beerib barii nba tan sii yentir bi numm po.”

1 Korint teeb 15:45

Kimaan li sɔb Yennu gbouŋ ni a “Sinsinn nirɔ Adam na din tee nifosaarike;” ŋaan nirɔ nba joont ki baar na tee Seyeeŋ nba teent manfoore.

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a “Fin nba gɔɔnt, fan fiir gɔɔn ni, ki li want nan a fiir kuun nie na, ki Masia sa tura u yentu.”

Kolosa teeb 3:4

Masia nba teent manfoor na nba tan sa dɔkit yoonba, i mun tan sa dɔkit nanɔe nan yentchiauŋ.

1 Jɔɔnn 1:1

N sɔbin gbouŋ na ki teeni a n wanni wunba ki bi yiu Yennu Mɔb nba teen niib manfoa na poe. Yoo nba ki dunia din tan piint namu na, ŋaan sɔɔ ki Mɔb maŋ poŋ bee. Mɔmaan maŋ nba din sik tingbouŋ na ni yoonba, ki ti gbiintir u pinpauk, ki bia laatɔ nan ti ninbina ki goriiɔ, ki ti nii bia siitɔ,

1 Jɔɔnn 1:2

ki u din fiit ki ti set lau, ki mɔɔntir li siara ki teeni ki jikit saa manfoor nba kaa gbennu po. Manfoor maŋe din be ti Baa Yennu peŋ, ki ti Baa maŋ jiiu ki fiitɔ ki wannit.

1 Jɔɔnn 5:11

Yennu siara maŋ tee nnee, a u turit manfoor nba kaa gbennu, ki manfoor maŋ nyi u Bija Yisa nie.

Fiitu 22:1

Li yoo ki malaka na wannin manfoor nyun mɔkir na, ki li puuk nyi Yennu nan Pebik na naangbouŋ na ni, ki nyirii kaman nan mianu na,

Fiitu 22:16

“Min Yisae tun n malaka a wun tan fiit maan na ki tur n weira. Min Yisa nee tee David yaaboonn ki bia tee sanyafaar ŋmaajar nba nyɔkit na.”