Jɔɔnn 1:38 - Yennu Gbounpaauŋ Mɔɔr

³⁸ Ki Yisa saa jiant got ki la ki bi waau, ki u boib a “I loon bee?” Ki bi jiin a “Wanntɔɔ, ti loon ki ti bann fa be siame.”

Yennu Gbouŋ Mɔɔr

³⁸ Ki Yiisa saa jiant ki la ki bi waau, ki u boib a, “I loon bee?” Ki bi jiin a, “Wanntɔɔ, ti loon ki ti bann faa be siame.”

Jɔɔnn 1:38 ပူးပေါင်းရင်းမြစ်များ

Barŋanii nba ki LUK din sɔb nae na 10:39

U din mɔk u niipowaarɔ po ki u sann tee Mari; ki Mari na din baar ki tan kar tiŋ ni ki nakin ti Yomdaanɔ Yisa taa po ki gbiintir u maan.

Barŋanii nba ki LUK din sɔb nae na 14:25

Sianyoo ki niburchiauŋ din waa Yisa; ki u tan jiant ki yetib a

Barŋanii nba ki LUK din sɔb nae na 15:20

Ŋanne ki u ji fiir ki ŋmat ki kun u baa boor. “Yoo nba ki u daa din be banfɔkir ki kun na, ki u chanbaa lau; ki ninbaauk soorɔ bonchiann, ki u chiar ki baar soor u bik na bɔpiat ki puur wɔbɔ.

Barŋanii nba ki LUK din sɔb nae na 19:5

Ki Yisa nba tan baar sinsabik maŋ boor, ki u yaat gotɔ ki yetɔ a “Sakeus, kakitir ki sik na. See ki n dii a ŋaak ni dinna.”

Barŋanii nba ki LUK din sɔb nae na 22:61

Ki ti Yomdaanɔ Yisa jiant got la Piita; ki Piita ji tiar ŋɔɔ Yisa mɔbona na po, wa yet biaŋinba a “Kojouk daa tan kan bui dinna sinsinn daanni ki a tan sa nɔi taar munntaae a a ki mimi.”

Barŋanii nba ki LUK din sɔb nae na 8:38

ŋaan wa din yaa wun ŋmat yoonba na, ki jɔɔ nba ki narinbiit nyii u ni na barimɔ ki yeen a “Ŋaant ki min nan fin-n lakin saan.” Ŋaan ki Yisa din te ki u nyik ŋaan betɔ a,

Jɔɔnn 1:37

Ki Jɔɔnn poorpoweiteeb bannlee na nba gbat ki Jɔɔnn yet nna maŋ, ki bi nyikɔ, ŋaan waa Yisa.

Jɔɔnn 1:39

Ki Yisa yetib a “Yii waa man ki saa la ma be siaminba.” Li din tee kut munna yooe jayenn, ki bi weiɔ ki saan ki saa la wa be siaminba, ki bi ji din biar ki be nanɔ daar maŋ ni.

Jɔɔnn 1:49

Ki Natanael yetɔ a “Chanbaa, a tee Yennu Bijae, ki bia tee Israel teeb kpanbar.”

Jɔɔnn 12:21

ki bi tan saan Filip peŋ, wunba nyii Betsaida nba be Galilee tiŋ ni na; ki bi yetɔ a “Chanbaa, ti loon ki ti la Yisa.”

Jɔɔnn 18:4

Yisa ŋarin din mi bonsiar kur nba yaa lin teenɔ, ŋanne ki u nyii tɔɔnn, ki boib a “I loon ŋmee?”

Jɔɔnn 18:7

Ki Yisa ŋamm boib a “I loon ŋmee?” Ki bi bia yaa a “Yisa nba tee Nasaret nirɔ na.”

Jɔɔnn 3:2

ki nyiɔsiɔk ki u tan baar Yisa boor ni, ki yetɔ a “Chanbaa, ti mi nan a tee wanntɔɔ nba nyii Yennu boor, kimaan sɔɔ kan fit tun toonjaana nba ki a tuun na booru, ki li ki tee ki Yennu be nanɔ kaa.”

Jɔɔnn 3:26

Ki Jɔɔnn poorpoweiteeb na saan u boor, ki saa betɔ “Chanbaa, nirɔ nba ki a daan be nanɔ na Jɔɔdann mɔk-pootir, ki yaa a u tee Yennu Niganntɔɔ na, ti gbat ki u wuur niib Yennu nyunwuru, ki sɔɔ kur saa u boor ki u wuurib.”

Jɔɔnn 4:31

Yoo nba ki poo na daa din piak nan niib doo na ni na, ki Yisa poorpoweiteeb barimɔ, ki yaa a “Chanbaa, dimin jeet.”

Jɔɔnn 6:25

Niib na nba din poot mɔkgbeŋŋir maŋ na, ki bi la Yisa, ki boiɔ a “Chanbaa, a baar nna nlee yooe?”

Toona 10:21

Ŋanne ki Piita sik, ki bet jab na a “Mine ki i loon na. Bee teen ki i baari?”

Toona 10:29

Li paak, ya yiinin na, n baar, ki ki birisi. Ŋanne ki n boi-i ma n laan bee teen ki i tun ki yiinimi.”