Jɔɔnn 1:29 - Yennu Gbounpaauŋ Mɔɔr

²⁹ La yent sanyiɔk, ki Jɔɔnn maŋ la Yisa ki u baat, ki u bet niib na a “Gotir man! Yennu marouŋ pebikii na. Ŋɔɔe sa nyinn tingbouŋ na ŋaateeb biit.

Yennu Gbouŋ Mɔɔr

²⁹ Laa yent sanyiɔk, ki Jɔɔnn maŋ la Yiisa ki u baat, ki u bet niib na a, “Gotir man! Yennu maruŋ Peganne na. Ŋɔɔe saa nyinn tingbouŋ na ŋaateeb biit.

Jɔɔnn 1:29 ပူးပေါင်းရင်းမြစ်များ

Matiu 1:21

U tan sa mar bonjabike, ki a sa pur u sann Yisa, kimaan u tan sa nyinn u niib bi biit ni.”

Matiu 20:28

kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Jɔɔnn 1:35

La bia yent, ki Jɔɔnn see nan u poorpoweiteeb na bannlee,

Jɔɔnn 1:36

ki tan la ki Yisa gaar saa, ki u yet a “Gotir man, Yennu marouŋ pebik na!”

Jɔɔnn 1:43

Li sanyafannuko, ki Yisa loon wun saan Galilee. Ki u lon Filip boor ki betɔ a “I waan.”

Jɔɔnn 2:1

Li daa ŋanntaa daar, ki bi yaa bin chian pooyookir, doo nba sann yi Kana na, ki li be Galilee tiŋ ni. Ki bi din poi Yisa naa,

Jɔɔnn 3:16

Kimaan Yennu mantik din loon timm tingbouŋ na niib bonchiann; li paak, ki u turit u Bijayemmir, ki wunba teen u Bija maŋ yada u tan kan kɔɔ muu ni, ŋaan u sii mɔk manfoor nba kaa gbennu,

Jɔɔnn 4:42

Li yoo na ki bi bet poo na “Ta teenɔ yada mɔtana na, li ki tee fa betit u po na kuukɔɔ kaa, ŋaan ta gbat u mɔŋ mɔŋ maan na paake ki ti teenɔ yada, ki bann nan ŋɔɔe set tee tingbouŋ na ŋaateeb Tinntɔɔ.”

Jɔɔnn 6:51

Mine tee manfoor jeet maŋ nba nyii Yendɔuŋ ni na. Wunba di jeet maŋ, u sii be nan yoo nba kaa gbennu, ki jeet nba ki n sa turɔ maŋ tee n gbanante, ki n tan sa jii n gbanant maŋ ki chab a bin kpin, ki tingbouŋ na ŋaateeb-n fit lian la manfoor maŋ.”

Toona 8:32

Yennu gbouŋ maan nba ki jatɔɔkir maŋ din karin na, ŋannii na a “Ki u sak saan kaman nan peeuk na ki bi daarɔ a bin saa kpiu. a ki u ŋmin kaman nan pebik nba ki bi tuu pot pot u kobit ki u ŋmin na, a ki u ki yaat u mɔbi,

1 Korint teeb 15:3

Kimaan n din beti labaar nba ki n mun din gaar na, ki li tee barjaann ki gar barii kura; a Masia din gaar timm biit damm paak ki kpo, kaman nan la sɔb Yennu gbouŋ ni biaŋinba na;

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

Galasia teeb 1:4

Yisa Masiae din sak ti Baa Yennu loomm ki din kpo ti biit paak a wun fatit tingbouŋ na biit daabsin ni.

Galasia teeb 3:13

Ŋaan ti din be Yennu mɔtomm nie, kimaan ti kan fit wei sennu fanu, ŋaan Masia tiauŋo din gaar ti paak ki din be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak na, Yennu mɔtomm be u paak.”

1 Timoti 2:6

wunba din jii u mɔŋ ki mann mannu ki tur sɔɔ kur na a wun nyinnib daabsin ni; ki bi mɔɔntir barŋanii maŋ yoo kur.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

Hiibru teeb 2:17

Linba na want nan li din kpaa talase a wuu tee kaman nan u naa waas na u binbeŋ kur ni, ki teen bi mantɔyudaanɔ nba tee ninbatinu daanɔ ki bia tee barmɔnii daanɔ, ki jii u mɔŋ ki teen marouŋ ki tur nisaarii Yennu boor ni, a wun nyik chab bi biit.

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

1 Piita 1:19

ŋaan u jii Yisa Masia sɔn nba ŋan gar likirii kura; ki li tee kaman nan mannu pebik nba ki mɔk biit amii dɔk u paak nee.

1 Piita 2:24

Ŋɔɔ Masia mɔŋ mɔŋe din jii ti toonbiit u gbanant ni, ki bi kpaau dapunpunn paak, a tin nyi biit ni ŋaan tee niŋamm. U daŋ paake ki i la laafia.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

1 Jɔɔnn 2:2

Ki wa din sik ki tan gaar ti paak ki kpo na, ŋɔɔe ji teen ti marouŋ Yennu boor ni ti toonbiit paak; ki u marouŋ maŋ, li ki tee timm Masiaweira kuukɔɔ toonbiit paak kaa, ŋaan li tee timm nan tingbouŋ na ŋaateeb kur toonbiit paake.

1 Jɔɔnn 3:5

I mi nan Yisa Masia din sik baar tingbouŋ na ni a wun nyinn niib biite; ki biit kaa u ni.

1 Jɔɔnn 4:10

Loomm nba set tee loomm nan barmɔnii ki tee a timm din loon ŋɔɔ Yennu kaa, ŋaan li tee a ŋɔɔ Yennu din loon timm, ki din sikin u Bija tingbouŋ na ni ki u tan gaar ti paak ki kpo, ki teen ti marouŋ ŋɔɔ Yennu boor ni, a tin fit la nyikinchab ti biit paak na.

Fiitu 12:11

a Pebik na sɔn nan u barŋanii nba ki bi mɔɔntir na paake ki bi nyann Sintanii na; ki bi ki tiin bi manfoor na ki sak nan kuum-i baarib, bi sa gaar.

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.

Fiitu 14:1

Ki n yerintu maŋ ni ki n bia gokit ki la Pebik na ki u see jɔɔr nba ki bi yir Sion na paak, ki niib tuskobik nan tuspiinna nan tusa ŋanna, binba mɔk u sann nan u Baa sann bi yugbia paak, ki bi lakin ki see nanɔ.

Fiitu 14:10

li daanɔ sa la Yennu wutoor nba tee kaman nan dapaaruk nba ki u mɔɔn ki teen daŋmanbaŋ ni na, li daanɔ bia tan sa la fara muu nba ki sarwuutaa di nann na ni, Yennu malakanba nan Pebik na tɔɔnn po.

Fiitu 14:4

Ŋamme tee jab nba dia bi mɔŋ fanu ki ki chommi, ki ki mi dɔɔ nan poo gbaa; ŋamme bia waa Pebik na ki saa siaminba kur ki u saa; ŋamme tee binba ki Yennu gannib nisaarii sinsuuk ni a bin teen sinsinn teeb nba ki ŋɔɔ Yennu nan Pebik na gaarib.

Fiitu 15:3

ki bi yiin yaŋ nba ki Yennu toontunnɔ Moses din tuu yiin na, nan Pebik na yaŋ a “Ti Yomdaanɔ Yennu nba mɔk paŋ kur, a toona tee toonjaana nba yaar ŋaan litit, a sɔnii took ki bia tee barmɔnii. Fine tee nibooru kur Kpanbar.

Fiitu 17:14

ki bi tan sa kɔn nan Pebik na, ki Pebik na sa nyannib, kimaan u tee yomdamm kur Yomdaanɔ, nan kpanbara kur Kpanbar, ki u poorpoweiteeb mun tee binba ki u yiinib ki gannib, ki bi bia tee yadadamm.

Fiitu 19:7

Ŋaant man ki tii kpamm kii mɔk parpeenn kii dont u sann ki turɔ nibaakir, kimaan yoo na baara ki Pebik na loon wun kɔɔn u poo, ki sarkpeŋ poŋ teen siira.

Fiitu 19:9

Ki malaka na yetin a n sɔb a “Binba ki bi yiimm ki bi baar Pebik maŋ pookɔɔnt jaamm ni na, parpeenn tee bi yare.” Ki malaka maŋ bia yetin ki pukin a “Maan na tee Yennu maame, ki tee mɔmɔmm.”

Fiitu 21:14

Doo maŋ fiakir see tana piik nan ŋannlee paake, ki Pebik na toomiinba piik nan bannlee na sana sɔb tana piik nan ŋannlee na paak.

Fiitu 21:27

Ki linba tee jakint, nan wunba tuun fei toonn, nan fai damm, kan kɔɔ doo maŋ ni, see binba sana sɔb Pebik na manfopaann teeb gbouŋ ni na kuukɔɔe sa kɔɔ doo maŋ ni.

Fiitu 21:9

Li yoo na ki malakanba bannlore nba daan dia senii ŋannlore ki li gbee nan farbiit ŋannlore nba waa poor na yenɔ betin a n baar ki wun wannin Pebik na pooyookir na.

Fiitu 5:6

Ki n la Pebik ki u see naangbouŋ na boor ki bonfoa banna na nan saakab na see ki lintɔ; ki Pebik na tee kaman nan pebik nba ki bi kpiiu ŋaan ki u fiir kuun ni na, ki u mɔk yina ŋannlore, nan ninbina ŋannlore linba tee Yennu Sei ŋannlore nba ki u tumm tingbouŋ na kur ni na.

Fiitu 5:8

Wa gaar gbanpɔɔbir na yoonba ki bonfoa banna na nan saakab piinnlee nan banna na gbaan u tɔɔnn, ki saakab na kur dia biat nan sarima senii, ki bonnunubit nba see Yennu niib miaru seenu niŋ gbee senii na ni ki muu di leŋ.

Fiitu 6:1

Li poorpo ki n la ki Pebik na tabit yiit ŋannlore na yenn, ki n gbat bonfoa banna na yenɔ kunkɔr ki li tee kaman nan satianii na ki yiin a “Baat.”

Fiitu 6:16

ki yeen a jɔɔt nan tana na-n baa bi paak, a ki wunba kar naangbouŋ paak na kan lab, a ki Pebik na mun kan lab, nan u wutoor nba doo bi paak na,

Fiitu 7:14

Ki n jiin ki yetɔ a “Chanbaa, fine mi, ŋaan min ki mi.” Ki u yetin a, “Niib na nyii fargbeŋŋir na nie, ki wuur bi liatfɔkit na Pebik na sɔn ni ki li ji peen,

Fiitu 7:17

a ki Pebik nba be naangbouŋ na tɔɔnn na sii guub, ki chiamm saan namm nyunbuur nba teen manfoor na ni, a ki Yennu sa fiar bi ninnyuut kur.”