Jɔɔnn 1:19 - Yennu Gbounpaauŋ Mɔɔr

¹⁹ Tɔn, ki Juu teeb yudamm nba din be Jerusalem na tun Yennu jiantu yudamm nan Liifai teeb Jɔɔnn maŋ boor, a bin boiɔ a “A tee ŋmee?”

Yennu Gbouŋ Mɔɔr

¹⁹ Tɔn, Juu teeb yudamm nba din be Jerusalem na tun mannteeb yudamm nan Liifai teeb Jɔɔnn boor, a bin boiɔ a, “A tee ŋmee?”

Jɔɔnn 1:19 ပူးပေါင်းရင်းမြစ်များ

Jɔɔnn 1:7

a wun baar ki tan bet niib kur a Yisa Masiae tee niib yentu, ki bin teen Yisa maŋ yada.

Jɔɔnn 10:24

Ki Juu teeb yudamm din baar ki tikir ki lintɔ, ŋaan boiɔ a “A yaa lin yukir nleewa, ki tin tan bann nan a tee Yennu Niganntɔɔ Masia? Li-i tee ki a tee ŋɔɔie, fan betit barmɔnii.”

Jɔɔnn 10:31

Li yoo na ki Juu teeb yudamm na tɔkii tana a bin jaatɔ ki kpiu.

Jɔɔnn 11:19

Li paak din teen ki Juu teeb bonchiann din baar Maata nan Mari peŋ, a bin maan bi para, kimaan bi ninja na kuun paak.

Jɔɔnn 2:18

Ŋanne ki Juu teeb yudamm boi Yisa a “A sa tun nyinlannpoe ki wannit a a mɔk yikoo ki tun fa tun linba na?”

Jɔɔnn 2:20

Ki bi yet a “Waa! Ti jii bina piinna nan ŋannloobo ki maa Yennu jiantu ŋasaakak na, ŋaan ki fin tan yaa a sa jii daa ŋanntaa kuukɔɔe ki maa!”

Jɔɔnn 5:10

Li paake teen ki Juu teeb yudamm din betɔ a “Dinna tee foon daare. Ti sennu ki chab nan fan jii a dɔɔnu kii somm nanni.”

Jɔɔnn 5:15

Yisa nba pak nan jɔɔ na, ki jɔɔ na nyii ki saan Juu teeb yudamm na boor ki saa betib a “Li tee Yisae te ki n paak.”

Jɔɔnn 5:16

Li paak te ki yudamm maŋ ji piin Yisa muksuk, kimaan wa te ki jɔɔ na paak foon daar na paak.

Jɔɔnn 5:18

Yisa nba yet nna yoonba, ki Juu teeb maŋ ŋamm donn wutoor ki loon bin kpiu ki gar sinsinna. Bi dukin nan li ki tee wa biir foon daar sennu na paak kuukɔɔ kaa, ŋaan wa bia yaa a Yennu tee u Baa na paak, ki ŋanne te ki u yek nan u mɔŋ nan Yennu.

Jɔɔnn 6:41

Ŋanne ki Juu teeb maŋ ji burin burin nan leeb, a kimaan wa yaa a ŋɔɔe tee jeet nba nyii Yendɔuŋ ni na paak.

Jɔɔnn 6:52

Ŋanne ki mɔniɔk fiir Juu teeb maŋ sinsuuk ni ki jikit saa Yisa nba pak na po, ki bi boi bi leeb, “Nlee ki jɔɔ na sa turit u gbanant ki tin dii?”

Jɔɔnn 7:1

Li poorpoe ki Yisa ji din be Galilee tiŋ ni, ŋaan lin leŋ digbana ni. U din ki loon wuu be Judea tiŋ ni, kimaan Juu teeb yudamm din loon bin kpiu.

Jɔɔnn 7:11

Ki Juu teeb yudamm din lin ki loonɔ jaamm maŋ ni, ki boi niib a “U be lee?”

Jɔɔnn 7:15

Juu teeb nba gbiintirɔ yoonba, ki li teemm bakitnauŋ; ki bi boi a “Nlee ki nirɔ na mantik jia mi gbouŋ nna, ŋaan ki kɔɔ ti sakursaakari?”

Jɔɔnn 8:22

Ŋanne ki Juu teeb na yet a “U yaa a ti kan fit saan wa saa siami. U yaa wun kpi u mɔŋee?”

Jɔɔnn 8:48

Ŋanne ki Juu teeb na jiin ki yet Yisa a “Ta yet ki yaa a tee Samaria nirɔ, ki narinbiiuk bia be a ni na, li ki tokinii?”

Jɔɔnn 8:52

Ki Juu teeb na betɔ a “Mɔtana ti set bann nan narinbiiuk be a ni. Abraham din kpoa, ki Yennu sɔkiniinba mun din kpoa, ŋaan ki a yaa a daanɔ nba saak a maan kan mi ki kpo.

Jɔɔnn 8:57

Ki Juu teeb na boiɔ, “A daa ki baar binpiiŋŋmu, ŋaan tan la Abrahamii?”

Toona 13:25

U toonn nba ji din tan gbent na, ki u boib a ‘I dukii mi a n tee ŋmee? N ki tee Yennu Niganntɔɔ Masia na kaa. Gotir man, ŋɔɔe yaa wun tan baar n poorpo, ki n kii ŋan nan ki n pit u taasaati.’ ”

Toona 19:4

Ki Pɔɔl betib a “Jɔɔnn din wuur niib Yennu nyunwuru, ki li want a bi nyik bi biite, ŋaan beerib a bin teen wunba tan sa baar na yada, ki ŋɔɔe tee Yisa.”

1 Jɔɔnn 1:5

Tɔn, barii nba ki ti din gbat ŋɔɔ Yisa Masia boor ni ki mɔɔntir ki teeni na, li tee nnee: Yennu tee yentue, ki bunbɔnn kaa u ni.