Jɔɔnn 1:14 - Yennu Gbounpaauŋ Mɔɔr

¹⁴ Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Yennu Gbouŋ Mɔɔr

¹⁴ Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki gbee nan ninbatinu, nan barmɔnii wannu, ki timm nba din be nanɔ na laat u yentsaakar, ki li yentsaakar nyii u Baa Yennu boor, kimaan u tee u Biyemmir.

Jɔɔnn 1:14 ပူးပေါင်းရင်းမြစ်များ

Matiu 1:16

Jakɔb din mar Josef, ki Josef mun din tee Mari sɔrɔ, ki Mari din mar Yisa nba ki bi yiu Yennu Niganntɔɔ Masia na.

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Barŋanii nba ki LUK din sɔb nae na 2:7

ki u ji mar bonjabik, u sapaanmar, ki jii chinchenn ki pɔbinɔ, ki birɔ bonkɔbit jedigungɔuŋ ni, kimaan saamm diiuk ji din ki mɔk yiar nba ki bi sa kɔɔ ki dɔɔri.

Barŋanii nba ki LUK din sɔb nae na 9:32

Ŋaan gɔɔn din soor Piita nan u leeb bonchiann, ki bi gɔɔn ki tan kpir yerik ki fiir, ki la ki yentsaakar yent ki lint Yisa, ki bi bia la jab bannlee nba din see u boor nna.

Jɔɔnn 1:1

Sintansimm dinn ki sɔɔ ki siar daa din kaa na, ŋaan Yennu Mɔb, wunba tee Yisa Masia, ŋarin poŋ din bee, ki Yennu Mɔb maŋ din taa nan Yennu. Ŋɔɔe bia ji din jenna ki tee Yennu.

Jɔɔnn 11:40

Ki Yisa boiɔ, “N bo ki beta a li-i tee ki a teenin yada, a sa la Yennu nba mɔk panchiauŋ biaŋinba-aa?”

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 14:9

Ki Yisa jiin a “Filip, n poŋ be nani ki li yukira, ŋaan ki a daa ki mimii? Wunba lan, u set la n Baa maŋe na. Ki bee ki a yaa a n wanni n Baa maŋi?

Jɔɔnn 17:22

Popeenn binbeŋ nba ki a turin na, n mun turiba, ki bi sa fit lian taan mɔyomm, kaman nan min nan fin nba tee mɔyomm biaŋinba na.

Jɔɔnn 17:24

“N Baa, a turib mine, ki n loon ki bii taŋŋi be ma tan sii be siaminba, ki bin fit lian la fa dont n sann biaŋinba na, kimaan a din loonime yoo nba ki a daa din ki nan dunia na.

Jɔɔnn 18:37

Ki Pailat boiɔ a “A set tee kpanbare ŋarimii?” Ki Yisa jiin a “Nn, fine yeen a n tee kpanbar. Bi din marin a n wann niib barmɔnii wannue. Na paake ki n baar tingbouŋ na ni; ki sɔɔ kur nba waa barmɔnii wannu maŋ gbia n maan.”

Jɔɔnn 2:11

Tɔn, Yisa nba din tun toonjaann maŋ Kana nba be Galilee tiŋ ni na, ŋannii din tee u sinsinn nyinn, ki li wann niib wa mɔk Yennu paŋ biaŋinba; ki u poorpoweiteeb na teenɔ yada.

Jɔɔnn 3:16

Kimaan Yennu mantik din loon timm tingbouŋ na niib bonchiann; li paak, ki u turit u Bijayemmir, ki wunba teen u Bija maŋ yada u tan kan kɔɔ muu ni, ŋaan u sii mɔk manfoor nba kaa gbennu,

Jɔɔnn 3:18

Ki daanɔ nba teen Yennu Bija maŋ yada, Yennu kan bu u buut ki biirɔ, ŋaan wunba ki teeu yada, Yennu poŋ bu u yaa buut ki biirɔwa, kimaan u ki teen ŋɔɔ Yennu Bijayemmir maŋ yada.

Jɔɔnn 6:51

Mine tee manfoor jeet maŋ nba nyii Yendɔuŋ ni na. Wunba di jeet maŋ, u sii be nan yoo nba kaa gbennu, ki jeet nba ki n sa turɔ maŋ tee n gbanante, ki n tan sa jii n gbanant maŋ ki chab a bin kpin, ki tingbouŋ na ŋaateeb-n fit lian la manfoor maŋ.”

Jɔɔnn 8:32

ki barmɔnii wannu maŋ sa nyinni yiar ni.”

Rom Teeb 8:3

Yennue tun u mɔŋ Bija tingbouŋ na ni, a wun gaar gbanant nba naan nan timm biitdamm gbanant na, ki tan gaar ti paak ki kpo ti biit paak. Ki u kuun maŋ paak, Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

Rom Teeb 9:5

Bi yejamm din tee nijaanae, ki Masia nba din kpant nisaarik na, u din tee bi booru ni yenɔe. Yennu nba yen bont kur na, u sa la paku ki li kii mɔk gbennu. Mɔmɔmm.

1 Korint teeb 15:47

Sinsinn nirɔ na din nyii tant nie, ki nirɔ nba wei na nyii Yendɔuŋ ni.

2 Korint teeb 12:9

ŋaan u lek ki saki, ŋaan betin a “N sommir na sa te ki a nyann muksuk maŋa, kimaan wunba ki mɔk u mɔŋ paŋ na set sa la n paŋe.” Li paak, n sii faa parbiir n butuŋ na paak nan parpeenn, a Masia paŋ-ii be n ni.

Galasia teeb 4:4

Ŋaan yoo nba din tan jaŋ na, ki Yennu tun u mɔŋ mɔŋ Bija, ki poo din marɔ, ki u din be Juu teeb sennu ni,

Efesus teeb 3:8

Yennu niib sinsuuk ni, mine tan joont wunba ki be kann ni, ŋaan Yennu tur mine yaak a man jii barŋanii mɔɔntii nba wantit Masia nba sii teent binba ki tee Juu teeb na bonŋana bonchiann biaŋinba,

Kolosa teeb 1:19

kimaan Yennu tiauŋ din dukin a li ŋan a Masia-ii mɔk ŋɔɔ Yennu ninnauŋ.

Kolosa teeb 2:3

ki ŋɔɔ kuukɔɔe mɔk barmɔnii yan nan bannu kura.

Kolosa teeb 2:9

kimaan Masia gbanant nie ki Yennu ninnauŋ be,

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

Hiibru teeb 1:5

Kimaan Yennu daa ki mi yet malakasɔɔ a “Fine tee n Bija, dinna ki n wann nan n tee a Baa.” Yennu bia ki mi yet malakasɔɔ po a “N tan sii tee a Baa, ki a tee n Bija.”

Hiibru teeb 10:5

Li paak, Masia nba din yaa wun sik tingbouŋ na ni yoonba na, u din bet Yennu a “A ki loon marouŋ nan piinii kaa, ŋaan a ŋamm gbanansiare ki turin.

Hiibru teeb 2:11

Ŋɔɔ wunba te ki nisaarii teen Yennu niib, ki ŋɔɔ nan ŋamm kur ji taan ki mɔk Baa yenɔkɔɔ. Li paake ki Yisa ki tiin fei nan wun yiimm u naa waasi.

Hiibru teeb 5:5

Nnee mun, Masia din ki donn u mɔŋ ki gann u mɔŋ a wuu tee mantɔyudaanɔ, ŋaan Yennue din yetɔ a “A tee n Bijae; la nyii dinna ki n wann nan n tee a Baae.”

1 Jɔɔnn 4:14

Ki linba pukin biak, ti din laat u Bija, ki mɔtana ti mɔɔntir nan u Baa Yennu din sikinɔ tingbouŋ na ni, a wuu tee tingbouŋ na ŋaateeb Tinntɔɔ.

1 Jɔɔnn 4:9

Yennu din sikin u Bijayemmir tingbouŋ na ni a ti la manfoor u paak, ki nee fiit wannit nan Yennu set loont.

2 Jɔɔnn 1:7

Tɔn, kpinkpannii damm bonchiann poŋ baar ki yat saan siar po kur tingbouŋ na niwa, binba yaa a ŋamm ki teen yada a bi mar Yisa ki u tee nisaarik na. Li nibooru tee kpinkpannii damme, ki bia tee Yisa datai.

Fiitu 19:13

Ki liatir nba ki u lia na far nan sɔn; ki sann nba ki bi yiu na tee a “Yennu Mɔmaan.”

Fiitu 21:3

Ki n gbat ki kunkɔsaakar nyii naangbouŋ na boor ki yeen a “Nnara, Yennu ŋaak ji be nifosaarii boore, a ki ŋɔɔ Yennu sii be namm, ki bi sii tee u niib, a ki ŋɔɔ Yennu mɔŋ sii be bi boor ki sii tee bi Yennu,