Jɔɔnn 1:12 - Yennu Gbounpaauŋ Mɔɔr

¹² Ŋaan binba kur gaarɔ ki teenɔ yada ki jii bi mɔŋ ki turɔ, ŋamme ki u din chabib ki bi ji teen Yennu waas.

Yennu Gbouŋ Mɔɔr

¹² Ŋaan binba kur gaarɔ ki teenɔ yada, ŋamme ki u chabib yaak ki bi ji teen Yennu waas.

Jɔɔnn 1:12 ပူးပေါင်းရင်းမြစ်များ

Matiu 10:40

“Wunba gaari saauŋ, u gaar mine saauŋ; ki wunba mun bia gaar min saauŋ, u gaar Yennu wunba tumin nee mun biak.

Matiu 12:21

U sann paake, ki binba ki tee Juu teeb na tan sii mɔk dindann.”

Matiu 18:5

Wunba gaar bik na booru n sann paak, mine ki u gaarin.”

Jɔɔnn 1:11

Wa din baar tingbouŋ ni na, u din be u tiauŋ niib Israel teeb ni, ŋaan bi lek din ki gaarɔ.

Jɔɔnn 1:7

a wun baar ki tan bet niib kur a Yisa Masiae tee niib yentu, ki bin teen Yisa maŋ yada.

Jɔɔnn 11:52

Ŋaan li ki tee Juu teeb kuukɔɔ kaa ki u tan sa gaar bi paak ki kpo, ŋaan nan binba kur tee Yennu niib ki yat be tingbouŋ na ni nae ki u sa gaar bi paak ki kpo, ki bin taan nan leeb mɔyomm.

Jɔɔnn 2:23

Yukitgar tiaru jaamm maŋ yooe ki Yisa din biar Jerusalem, ki din tuun bakitnauŋ toonjaana, ki niib bonchiann din la ki teenɔ yada,

Jɔɔnn 20:31

Ŋaan toonjaana nba sɔb ki be nna na, bi sɔb a yin teen yada nan Yisae tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, i sa la manfoor nba kaa gbennu, u paak.

Jɔɔnn 3:18

Ki daanɔ nba teen Yennu Bija maŋ yada, Yennu kan bu u buut ki biirɔ, ŋaan wunba ki teeu yada, Yennu poŋ bu u yaa buut ki biirɔwa, kimaan u ki teen ŋɔɔ Yennu Bijayemmir maŋ yada.

Toona 3:16

“Yisa maŋ sann paŋ nba ki ti yi nee te ki jɔɔ na paak. Wɔbik na tee wunba ki i poŋ tuu miu ki bia laatɔe, ŋaan ki u tan paak na, kimaan wa teen Yisa sann yada na paak. Wa teen Yisa yada na paake te ki u paak ki see i numm nna.

Rom Teeb 8:14

Binba ki Yennu Seyeeŋ ŋmakitirib sɔnu na, ŋamme tee Yennu waas.

Rom Teeb 8:16

Yennu Seyeeŋ maŋe te ki ti mɔŋ sei mi bonŋann nan ti tee Yennu waas.

Rom Teeb 8:19

Dunia bona kur nba ki Yennu nann na guu nan ninmɔnne nan yoo nba ki Yennu tan sa nyinn u waas yeenin ni,

Galasia teeb 3:26

Ya teen Yisa Masia yada ki be u ni na, ŋann paake ki i tee Yennu waas.

Galasia teeb 4:6

Ta tee u waas na paak, ki u tun u Bija maŋ Seyeeŋ na ki u be ti para ni, ki ti yi ŋɔɔ Yennu a “N Baa, n Baa.”

Kolosa teeb 2:6

Biaŋinba ki i din poŋ gaar Yisa Masia a wuu tee i Yomdaanɔ na, yii be u ni nna man,

2 Piita 1:4

Li paak, ki u din senn mɔsonjaana nba ŋan bonchiann ki turit a tin nyi kuun nba be tingbouŋ na ni loonbiit na paak, ŋaan gaar u binbeŋ.

1 Jɔɔnn 3:1

Lek gotir man loonbooru nba ki ti Baa Yennu mantik loont na. U loomm maŋ mantik ji sa yabite, ki u jiit ki teenit u waas, ki ti set mun tee u waase. Ŋaan tingbouŋ na ŋaateeb ki mi ta tee niboorsiab nba, kimaan bi ki mi Yennu.

1 Jɔɔnn 3:10

Ŋaan binba kur ki tuun popeenn toona, bi ki tee Yennu waas kaa. Ki bia jenna, binba kur mun bia ki loon bi naa waasi, bi bia ki tee Yennu waas kaa. Ŋannii want binba tee Yennu waas nan binba tee Sintaanii waas.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent nan ta tan sii be biaŋinba. Ŋaan ta daa mi linbae na, a Yisa-i taŋŋi jeni, ti tan sa la wa set tee biaŋinba, ki li paak, ti tan sa kpint ki naan nan ŋɔɔ nee.

1 Jɔɔnn 3:23

Ki nee tee u sennu maŋ, a ti teen u Bija Yisa Masia yada kii loon ti leeb kaman nan wa din sennit sennu biaŋinba na.