Jɔɔnn 1:1 - Yennu Gbounpaauŋ Mɔɔr

¹ Sintansimm dinn ki sɔɔ ki siar daa din kaa na, ŋaan Yennu Mɔb, wunba tee Yisa Masia, ŋarin poŋ din bee, ki Yennu Mɔb maŋ din taa nan Yennu. Ŋɔɔe bia ji din jenna ki tee Yennu.

Yennu Gbouŋ Mɔɔr

¹ Pinpiik ni dinn ki sɔɔ ki siar daa din kaa na, ŋaan wunba ki bi yiu Yennu Mɔb na ŋarin poŋ din be-e, ki Yennu Mɔb maŋ taa nan Yennu. Ŋɔɔe bia tee Yennu.

Jɔɔnn 1:1 ပူးပေါင်းရင်းမြစ်များ

Matiu 1:23

“Sapaamunn tan sa soor poor ki mar bonjabik, ki bi tan sa pur u sann Emmanuel.” (Li paak tee a “Yennu be nant.”)

Barŋanii nba ki LUK din sɔb nae na 24:53

Ki bi ji din jii bi yoo ki be Yennu jiantu ŋasaakak ni yoo kura, ki piak dont Yennu sann.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 1:18

Sɔɔ kaa ki mi la Yennu; u mɔŋ biyenn nba mantik kpiau ki bia yek nanɔ na, ŋɔɔe fiitɔ ki turit.

Jɔɔnn 1:2

Yennu Mɔb maŋe din be nan Yennu sinsinn,

Jɔɔnn 16:28

N din nyii n Baa maŋ peŋe ki sik tingbouŋ na ni, ki mɔtana n ji nyikit tingbouŋ maŋe na, ŋaan ŋmat u peŋ.”

Jɔɔnn 17:5

N Baa, turimin dontir a boor ni mɔtana, dontbooru nba ki n din laat, ma din be a boor ni ki a daa din ki nan dunia na.

Jɔɔnn 20:28

Ki Tomas yetɔ a “Fine tee n Yomdaanɔ ki bia tee n Yennu.”

Jɔɔnn 8:58

Ki Yisa jiin yetib a “Barmɔniie ki n beeri na, ba din tan maar Abraham na, ŋaan sɔɔ ki min ŋarin poŋ kpan be.”

Rom Teeb 9:5

Bi yejamm din tee nijaanae, ki Masia nba din kpant nisaarik na, u din tee bi booru ni yenɔe. Yennu nba yen bont kur na, u sa la paku ki li kii mɔk gbennu. Mɔmɔmm.

Efesus teeb 3:9

ki bia te ki niib kur nunii-n yent ki bin bann biaŋinba ki Yennu woonin ni lor maŋ tuun gbeent Masia ni. Yaayoo niewa ki Yennu, wunba din nan bonsiar kur, din diar woonin ni

Filipi teeb 2:6

U din tuu yɔɔ be kaman nan Yennu nee, ŋaan u din ki mi dukin a u sa jii u mɔŋ ki yekin nan Yennu,

Kolosa teeb 1:15

Sɔɔ kan fit la Yennu, ŋaan u Bija maŋ Masia tee u naauŋo. Ŋɔɔe gar bont kura, ki tee Yennu bonnankaa kura yur,

Kolosa teeb 1:17

Ŋɔɔ Masia din be ki bonsiar kura din kaa, ki u paake ki bont kur daa be.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Taitus 2:13

kimaan ti guu ki mɔk dindann nba turit parpeenn nan ti yabint Yennu nan ti Tinntɔɔ Yisa Masia sa dɔkit nan yentsaakar ni;

Hiibru teeb 13:8

Yisa Masia nba won tee biaŋinba wonn na, u bia tee nnee dinna na, u bia sii tun tee nnee nan yoo nba kaa gbennu.

Hiibru teeb 7:3

Labasiar ki be ki want Melkisedek baa po amii u naa po amii u yejamm po. Labasiar kaa ki want u maru po amii u kuun po. U naan nan Yennu Bija nee. U lek bia yɔɔ tee Yennu mantɔɔe nan yoo nba kaa gbennu.

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

1 Jɔɔnn 5:7

Tɔn, binba tee siaradamm maŋ tee banntaae;

Fiitu 1:11

ki betin a n sɔb linba ki n laat na ki teen gbouŋ ni ki nakin ki tur Masiaweira nba be digbana ŋannlore: binba be Efesus nan Simirna nan Pegamum nan Tiataira nan Saadis nan Filadelfia nan Laodisea na.

Fiitu 1:17

Ma lau yoonba ki n baa dɔɔr u tɔɔnn kaman nan kpeemɔ na. Ki u jii u nuudiitu ki yii n paak, ŋaan yet a “Daa tiin jaŋmaanii; mine tee bont kura pinpiik nan li gbennu;

Fiitu 1:2

Ŋanne ki Jɔɔnn din fiit ki wann linba ki u din la na kur ki li tee barii nba nyii Yennu boor ni, nan linba ki Yisa Masia din fiit ki wannɔ na.

Fiitu 1:8

Ti Yomdaanɔ Yennu wunba mɔk paŋ kur, ki be, ki din be, ki bia tan sii be yoo nba kaa gbennu, ŋɔɔe yeen a “Mine tee bont kura pinpiik nan li gbennu.”

Fiitu 19:13

Ki liatir nba ki u lia na far nan sɔn; ki sann nba ki bi yiu na tee a “Yennu Mɔmaan.”

Fiitu 2:8

Ki wunba ki n lau na bia betin a n sɔb labaar na ki tur u weira nba lakin be Simirna doo ni na malaka a “Labaar na nyii wunba tee bont kura pinpiik nan li gbennu na boor ni; ŋɔɔe din kpo ki tan bia fiir kuun ni na;

Fiitu 21:6

Ki u bia yetin a “Li poŋ tuma. N tee Alfa nan Omegae; li paak tee piinu nan joontu. Binba ki nyunyukiru mɔkib na, n sa pib manfoor nyun nba bunii ki nyi nyunkpana ni na ki bin nyu yann;

Fiitu 22:13

N tee Alfa nan Omegae, sinsinn nan joontu, pinpiik nan gbennu.”

Fiitu 3:14

Ki wunba ki n lau na bia betin a n sɔb labaar na ki tur u weira nba lakin be Laodisea doo ni na malaka a “Labaar na nyii wunba sann yi Mɔnii na boore; ki u tee siara daanɔ nba tee barmɔnii daanɔ ki tee siara fanu; ki bia tee linba kur ki Yennu nann na yudaanɔ: