Jeems 5:8 - Yennu Gbounpaauŋ Mɔɔr

⁸ Li paak, i mun-ii mɔk gbankur, ki chee i para kimaan ti Yomdaanɔ baaru daar per na.

Yennu Gbouŋ Mɔɔr

⁸ Li paak, ii muni mɔk sukuru, ki chee i para, kimaan ti Yomdaanɔ baaru daar per na.

Jeems 5:8 ပူးပေါင်းရင်းမြစ်များ

Barŋanii nba ki LUK din sɔb nae na 21:19

I-i kii nyik n weiu na, i tan sa la manfoor nba kaa gbennu.

Jɔɔnn 21:22

Ki Yisa jiin yetɔ a “Mi-i loon ki wuu be nan ma tan sa jen, li ki laani. Fin-ii waan.”

Rom Teeb 8:25

Ŋaan ti-i mɔk dindann nan linba ki ti ki laat paak, ŋann ŋanin, ti ji tuu guu nan sukurue.

Galasia teeb 5:22

Ŋaan Yennu Seyeeŋe te ki nirɔ mɔk loomm, nan parpeenn, nan parmaasir, nan sukuru, nan burchint, nan ŋamm, nan yada,

Filipi teeb 4:5

Yi ŋaan ki sɔɔ kur-n bann i niŋantin po. Ti Yomdaanɔ baate mɔtana.

1 Tesalonika teeb 1:10

ki guur u Bija Yisa, wunba tan sa nyi Yendɔuŋ ni ki baar na; wunba ki u din fiinɔ kuun ni, ki u fatit Yennu wutoor nba baat na ni na.

1 Tesalonika teeb 2:19

Ti Yomdaanɔ Yisa-i jen yoonba, yimme sii tee ti dindann nan ti nyɔɔt, ki i paake ki ti tan sa set u boor nan parpeenn nan yuugontir.

1 Tesalonika teeb 3:13

Nnee ki u sa chee i para, ki i sii tee popeendamm nba ki mɔk biit ti Baa Yennu boor ni, nan yoo nba ki ti Yomdaanɔ Yisa tan sa jen nan u yab kura na.

2 Tesalonika teeb 3:5

Ti Yomdaanɔ maŋ-n sommi ki yin bann Yennu nba loont biaŋinba, ki bia mɔk gbankur nba ki Masia teent na.

Jeems 5:3

I likirii mun biira, ki li sa wann nan i mɔk biite, ki li sa biir i gbanant kaman nan muu nba di biaŋinba na. I senn i mɔkint nee ki guu i buut daar na.

Jeems 5:9

N naa waas, i daa mɔk bunburimii i leeb paaki, ŋaan li-i tee ki i tuun nna, Yennu sa bu i buut. Gotir man, barbuurɔ na nakin ki see i tammɔi ni.

1 Piita 4:7

Bont kura gbennu ji ki fɔk; li paak, yi soor i mɔŋ kii sub kii mei Yennu.

Fiitu 22:20

Tɔn, ki wunba tur siara na yet a “Mɔmɔmm, n baate mɔtana.” Mɔmɔmm, ŋaant ki lin teen nna. Ti Yomdaanɔ Yisa, baat na.