Jeems 5:20 - Yennu Gbounpaauŋ Mɔɔr

²⁰ i mi nan daanɔ nba nyinn biitdaanɔ u sɔnbiiuk na ni, li daanɔ nyinn u manfoor kuun nie, ki te ki Yennu nyik chab toonbiit bonchiann.

Yennu Gbouŋ Mɔɔr

²⁰ i mi nan daanɔ nba nyinn biitdaanɔ sɔnbiiuk na ni, u nyinn li daanɔ kuun nie, ki te ki Yennu nyik chab toonbiit bonchiann.

Jeems 5:20 ပူးပေါင်းရင်းမြစ်များ

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

Rom Teeb 11:14

Mi-i bo-i sa fit te ki n mɔŋ booru niib Juu teeb-ii mɔk funfunn binba ki tee Juu teeb na paak, li pasiar ŋanne sa te ki Juu teeb na siab-n tinn.

1 Korint teeb 1:21

Yennu nba mɔk yan na te ki tingbouŋ na teeb yan kan fit te ki niib-n bannɔ. Li paak, ki u te ki binba teen Yisa yada na tinn; jatii labaar nba ki ti mɔɔntir ki teen niib na paak ki bi tinn.

1 Korint teeb 9:22

Binba yada waar na ki n kpint ki teen kaman nan bi yenɔ na a bin tinn. N lebit n mɔŋ bonsiar kur ni ki tur niib kur ki loon bi siab-n tinn.

1 Timoti 4:16

I mi a mɔŋ nan a wannu po. I dia wannu nba na, kimaan li-i tee ki a diar, a sa tinn a mɔŋ nan binba ki a wantib na.

Filemonn 1:19

Na nna, n sɔbin nan n mɔŋ mɔŋ nuue; min Pɔɔl sa pa-a; ŋaan min kaa sa beta, a mɔŋ mi nan a dia n pann a manfoor paak.

Jeems 1:15

Nianbiiuk-i soor nirɔ, li sa baar nan toonbiite, ki toonbiit joontu tee kuume.

Jeems 1:21

Li paak, n naa waas, yi nyik i yanbɔmm nan biit kur nba be i para ni na, ŋaan sikin i mɔŋ Yennu tɔɔnn, ki gaar u maan nba ki u kɔɔnt i para ni na, kimaan maan maŋe mɔk paŋ nba sa nyinni kuun ni.

Jeems 5:15

Ki bi-i meiɔ nan yada, ki miaru maŋ sa tinnɔ, ki ti Yomdaanɔ sa te ki u paak; ki li-i tee ki u tun toonbiitie, Yennu sa nyik u biit maŋ ki chabɔ.

Jeems 5:19

N naa waas, sɔɔ-i kpet ki nyii mɔmɔmm sɔnu ni, ki sɔɔ jennɔ mɔmɔmm sɔnu maŋ ni,

1 Piita 4:8

Linba gar bont kur tee a yii loon i leeb man fanu, kimaan loomm dɔkint biit bonchiann.

Fiitu 20:6

Binba dɔŋ sinsinn kuun fiiru na ni, bi tee popeendamm, ki parpeenn bia tee bi yare; kuun nba pukin munnlee na ki mɔk bi yikoo; bi sii tee Yennu nan Masia manteebe, ki sa lakin di naan nan Yisa bintusir.