Jeems 5:16 - Yennu Gbounpaauŋ Mɔɔr

¹⁶ Fiitir i toonbiit ki wann leeb, ki miar Yennu ki tur leeb, ki Yennu sa te ki i paak. Popeendaanɔ-i miar Yennu nan ninmɔnn, li mɔk paŋ bonchiann.

Yennu Gbouŋ Mɔɔr

¹⁶ Fiitir i toonbiit ki wann leeb, ki miar Yennu ki tur leeb, ki Yennu saa te ki i la laafia. Popeendaanɔ-i miar Yennu nan ninmɔnn, li mɔk paŋ bonchiann.

Jeems 5:16 ပူးပေါင်းရင်းမြစ်များ

Matiu 21:22

Siar kur nba ki i sa miar Yennu li po na, li-i tee ki i teen yada a i sa lar, i set sa lawa.”

Matiu 3:6

ki fiit bi toonbiit, ki u wurib Yennu nyunwuru Jɔɔdann mɔkir maŋ ni.

Barŋanii nba ki MAK din sɔb nae na 1:5

Ki niib bonchiauŋ din nyii Judea tiŋ ni nan Jerusalem doo ni, ki baar Jɔɔnn boor ni, ki tan fiit bi toonbiit, ki Jɔɔnn wurib Yennu nyunwuru, Jɔɔdann mɔkir ni.

Barŋanii nba ki LUK din sɔb nae na 9:6

Ŋanne ki u poorpoweiteeb na din nyii ki lin digbanbis kur ki mɔɔntir Yennu barŋanii, ki bia te ki baatib paak siar kur po.

Jɔɔnn 9:31

Ti mi nan Yennu ki gbia biitdamm miaru, ŋaan u gbia damm nba jiantirɔ ki tuun wa loon biaŋinbae.

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Toona 19:18

Ŋanne ki Yisaweira na bonchiann pak kat bi nɔi ni biit, niib ni, ki wann linba ki bi tuu tuun.

Toona 8:24

Ki Simon jiin betib a “Miat i Yomdaanɔ ki turin man, ki linba ki i yet na, ki li ji daa baat n paaki.”

Rom Teeb 3:10

kaman nan la sɔb Yennu gbouŋ ni a “Sɔɔ kaa ki tee niŋanɔ, aaii, nan yenɔkɔɔwa gbaa.

Rom Teeb 5:19

Niyenɔkɔɔ nba ki bi yiu Adam na mɔyêtuk paake te ki niib kur teen biitdamm; li mun tee nnee nan niyenɔkɔɔ nba ki bi yiu Masia na mɔsaku paake te ki niib bonchiann teen niŋamm Yennu boor.

Kolosa teeb 1:9

Linba na paak, ta daan gbat i po, ti ki nyik Yenmiaru i paaki a ŋɔɔ Yennu-n te ki i bann u loomm nba tee biaŋinba, ŋaan turi Seyeeŋ yan nan li subinii kur,

1 Tesalonika teeb 5:17

kii mei Yennu yoo kur man,

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

1 Tesalonika teeb 5:25

Ti naa waas, yii mei Yennu ki turit man.

Hiibru teeb 11:4

Abel yada paake ki u din mann mannu tur Yennu ki li mannu ŋan ki gar Keenn yar. U yada paake ki Yennu din pakɔ ki purɔ yentinɔ, kimaan ŋɔɔ Yennu tiauŋ din gaar u piinii nawa. Abel din kpowa, ŋaan u yada paake ki u bia lek daa piak.

Hiibru teeb 11:7

Nowa yada paake din te ki u gbat Yennu kpaanii, barii nba ki u daa din kan fit lar nan u nunbinn na po. U din sak Yennu mɔb ki kpaa ŋarungbeŋŋir ki ŋɔɔ nan u ŋaateeb kɔɔ leŋ ki tinna. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinɔ.

Hiibru teeb 12:13

kii tɔɔk sɔnu nba took, ki wunba ki u taa wɔb-n la laafia ŋaan daa kpeti.

Hiibru teeb 13:18

I mei Yennu man ti paak. Ti ki mɔk dudukbisiat ti toona ni, kimaan ti loon tin tun linba tooke yoo kur.

1 Piita 2:24

Ŋɔɔ Masia mɔŋ mɔŋe din jii ti toonbiit u gbanant ni, ki bi kpaau dapunpunn paak, a tin nyi biit ni ŋaan tee niŋamm. U daŋ paake ki i la laafia.

1 Jɔɔnn 3:22

Ki bia jenna, ti-i dia u sennii ki tuun linba pent u parie, ŋannii sa te ki u teent linba ki ti meiɔ na.