Jeems 3:17 - Yennu Gbounpaauŋ Mɔɔr

¹⁷ Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

Yennu Gbouŋ Mɔɔr

¹⁷ Ŋaan yan nba nyi Yennu boor, li ki mɔk biiti; wunba mɔk yan maŋ, u baat nan parmaasire, ki be soon nna, ki gbia u leeb maan; ki mɔk ninbatinu yoo kur, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

Jeems 3:17 ပူးပေါင်းရင်းမြစ်များ

Matiu 23:28

Nnee ki niib gorii i nanyer po ki i fan, ŋaan i para ni gbee nan fai nan biit.

Matiu 5:8

“Binba para ni yeen, parpeenn tee bi yare, kimaan ŋamme sa la Yennu.

Matiu 5:9

“Binba tee sandantinna nan kunkɔnpat teeb, parpeenn tee bi yare, kimaan ŋamme ki Yennu sii yib u waas.

Barŋanii nba ki LUK din sɔb nae na 21:15

kimaan li yoo na ki n sa turi yan nan mɔbona nba ki i tan sa pak, ki i datai kan fit nyann i mɔbona amii ki nɔini.

Barŋanii nba ki LUK din sɔb nae na 6:36

Yii mɔk ninbatinu man kaman nan i Baa Yennu nba mɔk ninbatinu biaŋinba na.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 1:47

Yisa nba la Natanael ki u baat u peŋ na, ki u pak u po ki yet a “Israel niŋanɔe na, kimaan u tee niburchimɔe.”

Toona 11:24

Banabas din tee niŋanɔe, ki mantik gbee nan Yennu Seyeeŋ nan yada, ki nigbouŋ bonchiann din teen ti Yomdaanɔ Yisa yada ki teen u weira.

Toona 9:36

Poosɔɔ mun din be Jɔpa, ki u sann yi Tabita, ŋaan Griik maan ni, bi din yiu Dɔkas, ki li paak tee piarɔ. U din tee Yisaweirɔe, ki din tuun toonŋana bonchiann ki teen niib, ki bia din sommit talasdamm.

Rom Teeb 12:18

Yii yabir i mɔŋ man kii mɔk parmaasir nan niib kur.

Rom Teeb 12:9

Ŋaant ki loomm-ii tee barmɔnii loomm, ŋaan kii soor linba ŋan na fanu, ŋaan kii nân biit.

Rom Teeb 15:14

N naa waas, n mi n par ni nan i binbeŋ ŋan, ki i mi Yennu maan bonŋann ki fit ki kpaan i leeb;

1 Korint teeb 12:8

Seyeeŋ na sa tur sɔɔ ki u mɔk yan paku; ki bia tur sɔɔ bannu ki u piak bannu maan; ŋaan ki li kur nyi Seyeen-yenɔ nie.

2 Korint teeb 10:1

Tɔn, i siab yeen a ma din be i boor ni na, a n din ki mɔk par i boor ni; a ŋaan mi-i saan ki be siarpo, a n tuu mɔk pare, ki ji sɔbin gbant ki kpaani. Min Pɔɔl tiauŋ, n mɔk nibaakir ki be soonna kaman nan Masia nba be biaŋinba na, ki barimi a yin ŋamm i binbeŋ man,

2 Korint teeb 6:6

Ti tee popeendamme, ki ti mi Yennu mɔmaan, ki mɔk sukuru nan burchint, ki gbee nan Yennu Seyeeŋ, ki loon niib,

2 Korint teeb 7:11

Yennu nba te ki i la parbiir na, i mɔŋ la biaŋinba ki li turi nyɔɔta; i baka be Yennu labaar ni, ki i bia loon ki i wann nan i ki mɔk biiti; i bia tiin Yennu; i loon ki i bia lan; i bia loon ki i tun Yennu loomm; i poŋ dat biitdaanɔ na tubira. Ya tun nna maŋ na, li set want nan i ki mɔk bisiat labaar maŋ ni.

2 Korint teeb 9:10

Yennu nba teen niib diboorii ki bi buur, ŋaan bia teemm jeet ki bi di na, ŋɔɔe sa turi bont kur ki lin jaŋi ki gar, ki yin ji mantik somm niib.

Efesus teeb 5:9

kimaan linba tee barmɔnii nan yentinu nan toonŋana kura tee yentu yare.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Filipi teeb 4:8

N naa waas, linba joont tee nnee, yi ŋaan ki i dudukit-n gbee nan linba tee barmɔnii, nan linba ŋan nan baakir, nan linba ŋan, nan linba mɔk burchint, nan linba took, nan linba yeen, nan linba mɔk fant, nan linba ŋan nan paku.

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

1 Tesalonika teeb 2:7

Ta tee Masia toomiinba na, ti din mɔk paŋ nba ki ti din bo sa fit boi li powa, ŋaan ti din be i sinsuuk ni soonnae, ki din tee kaman nan biyɔɔrɔɔ nba yɔɔr waas biaŋinba na.

1 Timoti 5:21

Yennu tɔɔnn nan Yisa Masia tɔɔnn nan malakagannteeb tɔɔnn po ki n teena kpaanii nba na, a fan sak wannu na ki daa mɔk ningannsai amii lukitin ki teen nisɔɔ bonsiar kur ni.

2 Timoti 2:24

Li ki ŋan ki ti Yomdaanɔ toontunnɔ-ii kɔn nan niibi. Li ŋan ki wuu tee burchimɔe sɔɔ kur boor ni, kii tee wanntɔŋanɔ nba mɔk sukuru,

Taitus 1:15

Popeendamm boor ni, bonsiar kur yeene; ŋaan biitdamm nba ki teen Masia yada na, bonsiar ki yeen bi boori, kimaan bi dudukit nan bi yan ni ki yeeni.

Taitus 3:2

Betirib ki bi daa piak barbiit sɔɔ paaki, ki daa kɔn nan leebi, kii be soonna, ki tur sɔɔ kur nibaakir;

Hiibru teeb 12:11

Tubdatu yoo tone, li ki mɔk parpeenni, ŋaan li poorpoewa ki binba dii tubdatu fara na ji tuu la nyɔɔt nba tee parmaasir nan yentinu binbeŋ.

Hiibru teeb 12:14

Yabit kii mɔk parmaasir i leeb sinsuuk ni, kii mɔk binbenyeeŋ, kimaan sɔɔ-i kii mɔk ŋann, li yɔɔ tan kan la ti Yomdaanɔ.

Jeems 1:17

Bonŋann kur nyii sanpaapoe ti Baa Yennu boor, wunba din nan sanpaapo yentu kura. Ŋɔɔ ŋanin ki lebitir kaman nan sanpaapo yentu nba tuu lebitir biaŋinba na; u bia daa tee ŋɔɔ Yennue.

Jeems 1:5

Li-i tee ki i sɔɔ pɔt yan, wun miar Yennu wunba pi sɔɔ kur piinii nan burchint, ki ki dint sɔɔ fei na, ki u sa turɔwa.

Jeems 2:13

Binba ki tin bi leeb ninbaauk, Yennu sa bu bi buut ki kan tinib ninbaauku; ŋaan ki ninbatinue nyant tubdatu.

Jeems 2:4

n naa waas, li-i tee ki i tuun nna, i tee niib nba mɔk ningannii nan i leeb, ki bia mɔk dudukbiite.

Jeems 3:15

Li yan ki nyi Yennu boor ni kaa, li tee tingbouŋ na nan gbanant loomm nan Sintaanii yare,

Jeems 4:8

Chatir nakin Yennu boor man, ki u mun sa nakini. Yimm biitdamm, wuut i nii man; yimm dudukit ŋannlelee damm, ŋammit i para man.

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Piita 2:1

Ŋannimi, yi nyik biit kur, nan faak kur, nan kpinkpannii, nan funfunn, nan sanjaauŋ.

1 Piita 2:18

Yimm nba tee toontunna, yii saak i yudamm mɔi ŋaan bia kii teemm nibaakir, ki li ki tee niŋamm kuukɔɔ kaa, ŋaan nan binba tee nibiita gbaa.

1 Jɔɔnn 3:18

N waas, ti loomm maŋ daa be ti mɔi ni kuukɔɔ kaa; see ki lii tee barmɔnii loomm nba sommit niibe.

1 Jɔɔnn 3:3

Ki bia jenna, binba kur daan u jenu po maŋ, ŋamme dia bi mɔŋ fanu, kaman nan wa be fanu biaŋinba na.